2023 ގެ ރިޔާސީ އިންތިޚާބު، ޕީއެންސީގެ ރިޔާސީ ކެންޑިޑޭޓް، ޑރ. މުހައްމަދު މުޢިއްޒު ކާމިޔާބުކުރައްވައިފިއެވެ.

ޑރ. މުޢިއްޒު އިންތިޚާބު ކާމިޔާބު ކުރައްވާފައި ވަނީ، 19000 ވޯޓުގެ ތަފާތަކާއި އެކު ވޯޓުލީ މީހުންގެ %54 އިންސައްތަ ވޯޓު ހޯއްދަވައިގެންނެވެ.

ރިޔާސީ އިންތިޚާބުގެ ދެވަނަ ބުރުގައި، ޑރ، މުޢިއްޒަށް 127،377 ވޯޓު ލިބިވަޑައިގެންނެވިއެވެ. ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ލިބިވަޑައިގެންނެވީ، 108،376 ވޯޓެވެ. އެއީ ވޯޓުދިން މީހުންގެ %46 އިންސައްތައެވެ.

މިއިންތިޚާބުގައި ވޯޓު ދިނުމުގެ ހައްޤު ލިބިފައިވާ، 282804 މީހުންގެ %86 މީހުން ވޯޓުލާފައި ވެއެވެ. އެއީ 243219 މީހުންނެވެ.

ރިޔާސީ އިންތިޚާބު، ޑރ މުޢިއްޒު ކާމިޔާބު ކުރެއްވުމާއި އެކު އެމަނިކުފާނަށް ރާއްޖޭގެ ސިޔާސީ އިސްބޭފުޅުންނާއި، އާއްމު ފަރާތްތަކުް ގެންދަނީ މަރުޙަބާ އާއި ތަހްނިޔާ ފޮނުއްވަމުންނެވެ.