އެޕާޓީން މިރޭ ބޭއްވި ޤައުމީ މަޖިލީހުގެ ޖަލްސާގައި ވަނީ، ޤާނޫނު އަސާސީގެ ދިފާޢުގައި ކުރިޔަށް ގެންދާ މަގުމަތީގެ ހަރަކާތް މިޖެނުއަރީ މަހުގެ 31 ވަނަ ދުވަހު ބޭއްވުމަށް ނިންމައި ފާސްކޮށްފައެވެ. މިއީ އިދިކޮޅު އެމްޑީޕީން ރައީސް ޑރ. މުޙައްމަދު މުޢިއްޒުގެ ސަރުކާރާއި ދެކޮޅަށް މަގުމައްޗަށް މިގޮތަށް މުޒާހަރާއަށް ނުކުތުމަށް ނިންމި ފުރަތަމަ ނިންމުމެވެ. މީގެ ކުރިން ހުސްވި ޑިސެމްބަރު މަހުގެ 10 ވަނަ ދުވަހުވެސް، އެމްޑީޕީން ވަނީ ޤާނޫނު އަސާސީގެ ދިފާޢުގައި އަލިމަސް ކާނިވަލުގައި ޖަލްސާއެއް ބާއްވާފައެވެ. އެޖަލްސާގައިވެސް ގިނަ އަދަދެއްގެ މީހުން ބައިވެރިވިއެވެ.

ރައީސުލްޖުމްހޫރިއްޔާ ވިދާޅުވީ، ކަނޑުހުޅުދޫ ބަނދަރުގެ ޖާގައިގެ ދަތިކަމަށް ޙައްލު ހޯއްދަވައިދެއްވާނީ ސަރުކާރާއި ކައުންސިލާ ދެމެދު މަޝްވަރާތަކެއް ކުރެވި، ކައުންސިލުން އެދޭ ގޮތަށް ކަމަށެވެ. މީގެ އިތުރުން، އެ ރަށު ސްކޫލަށް ދިމާވެފައިވާ ޖާގައިގެ ދަތިކަމުގެ މައްސަލައާއި، ސްކޫލަށް ބޭނުންވާ ތަރައްޤީގެ ކަންކަމަށް ޢަމަލީ ސިފަގެނައުން މަޑުޖެހިފައި އޮތް އޮތުން ނިމުމަކަށް ގެންނަވައި، މިހާރު ހުއްޓިފައިވާ މަޝްރޫޢުތައް ހިންގަވައިދެއްވާނެ ކަމުގެ ޔަޤީންކަން ރަށުގެ ރައްޔިތުންނަށް ރައީސުލްޖުމްހޫރިއްޔާ ދެއްވިއެވެ.

އެބަޔާނުގައި ބުނެފައި ވަނީ، އަލްހިޖުރަ ޖަމާއަތުގެ ހަވާލުގައި ހުސްވި ޑިސެމްބަރު މަހު އުމްރާއަށް ގެންދިޔަ 24 އުމްރާ ވެރިން ރާއްޖެ ނުގެނެވިފައި ތިބީ ކުންފުންޏަށް ދިމާވި މާލީ ދަތިކަމުގެ ސަބަބުން ކަމަށެވެ. އަދި ކުންފުނިން އުމުރާވެެރިން މާލެ ގެނައުމަށް މަސައްކަތް ކުރަމުންދާކަމަށާއި އެހެން ނަމަވެސް އެކަމަށް ބޭނުންވާ ފައިސާ މިއަދާއި ހަމައަށް ވެސް ހޯދިފައި ނުވާކަމަށެވެ. އުމުރާވެރިން އުމުރާއަށް ގޮސްފައި ވަނީ އެގުރޫޕަށް ފައިސާ ހަމައަށް ދައްކައިގެން ނަމަވެސް އެޖަމާޢަތުން ދިޔަ މީހުން ގެނައުމުގައި ފައިސާގެ ދަތިކަން ކުރިމަތިވީ ކީއްވެކަމެއް އެޖަމާޢަތުން ހާމަކޮށްފައެއް ނުވެއެވެ.

ފުލުހުންގެ އިދާރާއިން ވިދާޅުވީ، ދިވެހި ފުލުހުންގެ ޚިދުމަތުގެ ހެޑް އޮފް އިކޮނޮމިކް ކްރައިމްގެ މަގާމު އަދާކުރައްވަމުން ގެންދެވި ސުޕްރިންޓެންޑެންޓް އޮފް ޕޮލިސް ރަޖުނީ ޝުޢައިބަށް، ވިނަރެސް ހައުސިންގ މަޝްރޫއުން އުސޫލާ ހިލާފަށް ފްލެޓެއް ލިބިފައިވާ ކަމަށް ބުނެ އާންމު މީޑިއާގައި ފެތުރުނު މަޢުލޫމާތާ ގުޅިގެން، ސުޕްރިންޓެންޑެންޓް އޮފް ޕޮލިސް ރަޖުނީ ޝުޢައިބު، މަސްއޫލިއްޔަތު ތަކުން އެކަހެރިކޮށް، ފްލެޓެއް ލިބުމުގައި އެއްވެސް އުސޫލަކާ ހިލާފު އަމަލެއް ހިނގާފައިވޭތޯ ބަލާފައިވާ ކަމަށެެވެ. އަދި އެކަމާއި ގުޅޭ ގޮތުން ކަމާބެހޭ އިދާރާތަކުން ހިއްސާކޮށްފައިވާ މައުލޫމާތައް ދިރާސާކޮށް ބެލިބެލުމުން އެފަދަ ކަމެއް ފާހަގަކުރެވިފައި ނުވާ ކަމުގައިވެސް ފުލުހުންގެ އިދާރާއިން ވިދާޅުވެފައި ވެއެވެ.

ރައީސުލްޖުމްހޫރިއްޔާ ވިދާޅުވީ، މެޓީރިއަލް އަދި ފައިސާގެ ތާށިކަމާހެދި މަޑުޖެހިފައިހުރި މަޝްރޫޢުތައް އަލުން ފެށްޓެވުމަށް މަސައްކަތް ކުރައްވަމުން ގެންދަވާ ކަމަށެވެ. މިގޮތުން ދިވެހިރާއްޖޭގެ އެކިއެކި ރަށްތަކުގައި މިގޮތަށް ހުއްޓިފައިހުރި މަޝްރޫޢުތަކަށް ބޭނުންވާ ތަކެތި ހޯއްދެވުމަށް، މިފަދަ މަޝްރޫޢުތަކަށް އެންމެ ބޮޑަށް ބޭނުންވާ ބޮޑުހިލަ ހޯދުމަށްޓަކައި، މިދިޔަ ހަފުތާ ތެރޭގައި މިކަމާ ގުޅިގެން ކުންފުނިތަކުގެ ވެރިންނާއި ފިނޭންސް މިނިސްޓަރާއި ކޮންސްޓްރަކްޝަން މިނިސްޓަރާއި ބައްދަލުކުރައްވައި، މިކަން ހަމަޖެއްސުމަށް ގޮތްތަކެއް ރޭވިފައިވާ ކަމަށާއި އެގޮތުން ބޮޑުހިލަ ބަލްކުކޮށް ގެނައުމަށް ނިންމާފައިވާ ކަމުގައި އެމަނިކުފާނު ވިދާޅުވިއެވެ.

ޑރ. ޝަމްހީދު ރައްދު ދެއްވާފައި ވަނީ، މޯލްޑިވިއަންއަށް ވައިޑްބޮޑި އެއާކްރާފްޓެއް ގެނައުމާއި ގުޅިގެން އެކަން ފާހަގަކުރެއްވުމަށް ބޭއްވި ރަސްމިއްޔާތުގައި ޓްރާންސްޕޯޓް މިނިސްޓަރު އަމީން ދެއްކެވި ވާހަކަފުޅާއި ގުޅިގެންނެވެ. އަމީން ވިދާޅުވެފައިވަނީ ނިމިދިޔަ 5 އަހަރު މޯލްޑިވިއަންއަށް ކުރިއެރުމަށް އައިސްފައި ނުވާ ކަމަށެވެ. އެހެން ނަމަވެސް ހޯމަދުވަހު މޯލްޑިވިއަންއަށް ވައިޑްބޮޑި އެއާކްރާފްޓެއް ގެނައި އިރު އެކަމަކީވެސް މިދިޔަ ސަރުކާރުގައި ފަށައިގެން ކުރިޔަށް ގެންދިޔަ މަސައްކަތެކެވެ.

މޯލްޑިވްސް ކަސްޓަމްސް ސަރވިސްގެ އޮފިސަރުންގެ މައްޗަށް ކުރެވޭ ޚިޔާނާތާއި މަނީ ލޯންޑަރިން އަދި ރިޝްވަތުގެ 400 މިލިޔަން ރުފިޔާގެ މައްސަލައެއް މި ހުސްވި އަހަރުގެ އޮގަސްޓް މަހުންފެށިގެން ބަލަމުން އަންނަ ކަމުގައި ފުލުހުންގެ އިދާރާއިން ވިދާޅުވީ އިއްޔެއެވެ. އެހެން ނަމަވެސް އެމައްސަލައިގައި ތުހުމަތު ކުރެވޭ ފަރާތްތަކުގެ ވަނަވަރެއް މިހާތަނަށްވެސް ފުލުހުންގެ އިދާރާއިންނާއި އަދި ކަސްޓަމްސްއިންވެސް ހާމަކުރައްވާފައެއް ނުވެއެވެ.

ކުރީގެ ނައިބު ރައީސް ޖިހާދާއި ހަވާލުކުރައްވާފައި ވަނީ، 2013 ވަނަ އަހަރު ފިނޭންސް މިނިސްޓަރު ކަމުގެ މަޤާމުގައި ހުންނަވައިގެން ޖިހާދު ފަޅެއް ބަޔަކަށް ދޫކުރެއްވުމުގައި ދައުލަތަށް ގެއްލުންވާގޮތަށް އަމަލުކޮށްފައިވާތީ އެކަމާއި ގުޅިގެން ދައުލަތުން ހުށައެޅި ދައުވާގެ އިސްތިއުނާފު މަރުހަލާގެ ދައުވާގެ ލިޔެކިޔުންތަކެވެ.

ރައީސް މިޚިޔާލުފާޅު ކުރެއްވީ، އެމަނިކުފާނު މިހާރު ހުވަދުއަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ރޭ، ގދ. ފިޔޯރީ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައެވެ.

ރައީސް ވިދާޅުވީ، ކުރިންވެސް އެމަނިކުފާނު ކައުންސިލްތަކުގެ ޢަދަދު މަދުކުރުމުގެ ޚިޔާލު ފާޅުކުރައްވާފައިވާނެ ކަމަށާއި އަދި އެބަދަލު ގެންނަވާނީ، އެކަމަށްޓަކައި މަޝްވަރާކުރެވި ރައްޔިތުންގެ ޚިޔާލާއި ކަމާބެހޭ އެންމެންގެ މަޝްވަރާއާއިއެކުގައި ކަމަށެވެ. އަދި ކައުންސިލްތަކަށް ބަދަލު ގެނައުމުގައި އޮތް އެއް ކަންބޮޑުވުމަކަށްވީ ކައުންސިލަރުންގެ ޢަދަދު މަދުކޮށްފިނަމަ ޑިމޮކްރެޓިކް ރިޕްރެޒެންޓޭޝަނަށް އަސަރު ކޮށްފާނޭކަމުގެ ކަންބޮޑުވުންކަން އެމަނިކުފާނު ފާހަގަކުރެއްވިއެވެ.

ރައީސުލްޖުމްހޫރިއްޔާ ވިދާޅުވީ، ފެބްރުއަރީ މަހު ޗައިނާގެ ކުންފުންޏަކާ އެކު ސޮއިކުރާ އެއްބަސްވުމުގެ ދަށުން، 3000 ޓަނުގެ މަސްކިރާ ފެކްޓްރީއެއް ޤާއިމުކުރުމުގެ ޢަމަލީ މަސައްކަތް، ސޮއިކުރާތާ ދެ ހަފުތާ ތެރޭ ފެށިގެންދާނޭ ކަމަށެވެ. އަދި ފިޔޯރީގައި ޤާއިމުކުރާ މަސްކިރާ ފެކްޓްރީ ވެގެންދާނީ، ދުވާލަކު 100 ޓަނުގެ ދަޅުމަސް ބަންދުކުރެވޭ، 30000 ޓަނުގެ ކޯލްޑް ސްޓޯރޭޖް ހުންނަ، އަދި 50 ޓަނުގެ އައިސް ޕްލާންޓެއް ހިމެނޭ ކާރުޚާނާއަކަށް ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި، މިއަދު މާލޭގެ ގެއެއްގެ ތެރޭގައި މަރުވެފައި އޮއްވައި ފެނިފައި ވަނީ، މ. ތަރިވިލާގޭ ހުސައިން އަހުމަދު، (41އ) އެވެ. އައިޖީއެމްއެޗަށް ގެނައި މީހަކު މަރުވެފައި އޮވެގެން އެކަން އެ ހޮސްޕިޓަލުން ފުލުހުންނަށް ރިޕޯޓް ކުރީ މިއަދު ހެނދުނު، 9:53 ހާއިރުގައި ކަމަށް ފުލުހުންގެ އިދާރާއިން ވިދާޅުވެފައިވެއެވެ.

ރައީސުލްޖުމްހޫރިއްޔާ ފޮނުއްވި މެސެޖު ނިންމަވާލައްވާފައިވަނީ މި ހާދިސާގެ ސަބަބުން ދިމާވި ގެއްލުންތަކުން އަރައިގަތުމަށް ކުރެވެމުންދާ މަސައްކަތްތަކުން ކާމިޔާބު ލިބުމަށް އެދިވަޑައިގެން، އެކަމުން އަރައިގަތުމުގެ ހިއްވަރާއި ސާބިތުކަމަށް އެދިވަޑައިގަންނަވަމުން ކަމުގައި ރައީސުލްޖުމްހޫރިއްޔާގެ އޮފީހުން ވަނީ ހާމަކުރައްވާފައެވެ.

ރައީސުލްޖުމްހޫރިއްޔާ ވިދާޅުވީ ހޯނޑެއްދޫއަށް ދިމާވެފައިވާ ރަށްގިރުމުގެ މައްސަލައަށާއި، އުދައެރުމުގެ މައްސަލައަށް މި އަހަރުގެ ބަޖެޓުގެ ތެރެއިން ދާއިމީ ގޮތަކަށް ޙައްލު ހޯދައިދެއްވާނެކަމަށެވެ. އަދި ތަޢުލީމާއި ޞިއްޙީ ދާއިރާ ކުރިއެރުވުމަށާއި، ކުޅިވަރުގެ އެކި ވަޞީލަތްތައް ޤާއިމުކުރުމަށް މަސައްކަތް ކުރައްވާނެކަމުގައިވެސް އެމަނިކުފާނު ވިދާޅުވިއެވެ.

އެމަނިކުފާނު މިޚިދުމަތްތައް އިފްތިތާހްކޮށްދެއްވީ، މިއަދު ހެނދުނު އެމަނިިކުފާނު ހުވަދު އަތޮޅަށް ފެއްޓެވި ދަތުރުފުޅުގައި ފުރަތަމަ މަންޒިލެއްގެ ގޮތުން އެރަށަށް ވަޑައިގެންނެވެ. މިރަސްމިއްޔާތުގައި ކޮންސްޓްރަކްޝަން މިނިސްޓަރ ޑރ ޢަބުދުﷲ މުއްޠަލިބާއި ހޯޑެއްދޫ ކައުންސިލް މެމްބަރުންނާއި އާއްމު ރައްޔިތުން ބައިވެރިވިއެވެ.

އެގޮތުން ހުވަދުއަތޮޅު ދެކުނުބުރިން ރައީސުލްޖުމްހޫރިއްޔާ ވަޑައިގެންނެވުމަށް ހަމަޖެހިފައިވަނީ ހޯނޑެއްދޫ، ނަޑެއްލާ، ވާދޫ، ފިޔޯރީ އަދި ރަތަފަންދޫއަަށް ކަމަށާއި، ހުވަދުއަތޮޅު އުތުރުބުރީން އެމަނިކުފާނުގެ މި ދަތުރުފުޅުގައި ވަޑައިގެންނެވުމަށް ހަމަޖެހިފައިވަނީ ކަނޑުހުޅުދޫ، ނިލަންދޫ، މާމެންދޫ އަދި ދެއްވަދޫއަށް ކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވެއެވެ.