ހިއުމަން ރައިޓްސް ކޮމިޝަނުގެ ނައިބު ރައީސްގެ މަގާމަށް އެ ކޮމިޝަނުގެ މެންބަރު މޫމިނާ ވަހީދު އައްޔަން ކުރަން ރައްޔިތުންގެ މަޖިލީހުން މިއަދު ރުހުން ދީފިއެވެ.

މޫމިނާ ވަހީދު އެ މަޤާމަށް ޢައްޔަންކުުރުމަށް ނިންމަވައި، ރައްޔިތުންގެ މަޖިލީހަށް ރުހުން ހޯދުމަށް ފޮނުއްވެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ. އެންމެފަހުން ޤާނޫނަށް ގެނެސްފައިވާ ބަދަލުގައިވާ ގޮތުން، ކޮމިޝަންގެ މެމްބަރުންގެ ތެރެއިން ނައިބު ރައީސާއި ރައީސް ކަނޑައަޅުއްވާނީ ރައްޔިތުންގެ މަޖިލީހުގެ ރުހުމާއި އެކުގައި ރައީސުލްޖުމްހޫރިއްޔާއެވެ. 

މުއުމިނާ ވަހީދު އެމަޤާނަށް ޢައްޔަނު ކުރުމަށް މިއަދު ނެގި ވޯޓުގައި، ވޯޓުގައި ބައިވެރިވެވަޑައިގެންނެވި، 67 މެމްބަރުންގެ އިއްތިފާޤުން ފާސްކުރައްވާފައި ވަނީ، މިއަދު ބޭއްވި ރައްޔިތުންގެ މަޖިލީހުގެ ދައުރުން ބޭރުގެ 2 ވަނަ ޖަލްސާގައެވެ.