ސްޓެލްކޯއިން ވަނީ، ކަރަންޓް ކެނޑުނުތާ މަދު ވަގުތުކޮޅެއްގެ ތެރޭގައި މާލޭގެ ގިނަ ސަރަހައްދުތަކަށް ކަރަންޓްގެ ޚިދުމަތް އަލުންދޭން ފަށާފައެވެ. އަދި ގާތްގަނޑަކަށް ބައިގަޑިއިރުގެ ތެރޭގައި މުޅިމާލެއަށް އެކުންފުނިން އަލުން ކަރަންޓްގެ ޚިދުމަތް ފޯރުވައިދިނެވެ.

މިނިސްޓަރ އޮފް ޓޫރިޒަމް އެންޑް އެންވަޔަރަންމަންޓްގެ މަޤާމަށް ޠާރިޤު އިބްރާހީމް ޢައްޔަނުކުރެއްވުމަށްފަހު ރައީސުލްޖުމްހޫރިއްޔާ ވަނީ އެބޭފުޅާއާއި ބައްދަލުކުރައްވާފައެވެ. އެގޮތުން ތިމާވެއްޓާއި ފަތުރުވެރިކަން ގުޅުވައިގެން ރާއްޖެ އިޝްތިހާރުކުރެއްވުމުގެ މުހިންމުކަން އެމަނިކުފާނު ފާހަގަކުރެއްވިއެވެ.

ހދ. ހިރިމަރަދޫ ރައްޔިތުން އެހެން ރަށަކަށް ބަދަލުވާން އެދޭތާ ގިނަދުވަސްތަކެއް ވަނީ ވެފައެވެ. މިގޮތުން އެންމެ ފުރަތަމަ ރަސްމީ ސިފައެއްގައި ހިރިމަރަދޫ ކައުންސިލުން އެދިފައި ވަނީ، އެރަށުގެ ރައްޔިތުން މާލެ އަތޮޅު ތުލުސްދޫއަށް ބަދަލުވާށެވެ. އޭގެ ފަހުން ހދ. ހަނިމާދޫއަށް ބަދަލުކޮށްދިނުމަށް އެރަށުގެ ރައްޔިތުން ވަނީ އެދިފައެވެ.

ވެއްޓުނު މަތިންދާ ބޯޓުގައި އޮތް ޒުވާން ބަލިމީހާ އާއި އޭނާގެ އެހީތެރިނާއި ކުރޫއިންނާއި އެކު ބޯޓުގައި ޖުމުލަ 5 މީހުން ތިއްބެއެވެ. މިހާދިސާގައި އެ އެންމެންވެސް ވަނީ މަރުވެފައެވެ.

ފުލުހުންގެ އިދާރާއިން ވިދާޅުވީ، ހުޅުމާލެ އާއި މާލެ ގުޅުވައިދޭ ހައިވޭގެ އިރުމަތީ ފަރާތުގައި ޖަހާފައި ހުރި ސޯލާޕެނަލްތައް ކައިރީގައި މަސައްކަތް ކުރުމަށް ލޭން ބަންދުކުރުމަށް ބަހައްޓާފައި ހުރި ކޯން އެއްގައި ސައިކަލެއް ޖެހި އެކްސިޑެންޓް ވެފައި ވަނީ މިއަދު ހެނދުނު 8:19 ގައި ކަމަށެވެ.

އައްޑޫގެ ގައުކެޑި އާއި މަރަދޫ ގުޅާލުމަށް ހަދާފައިވާ ބުރިޖުގެ މަސައްކަތްތައް ނިމި އެތަން ނުހުޅުވައި ގިނަ ދުވަސްތަކެއް ފާއިތުވެ ދިޔުމުން އާއްމުންގެ ފާޑުކިޔުންތައްވެސް އޮތީ ސަރުކާރަށް އަމާޒުވެފައެވެ.

އާޓިފިޝަލް ބީޗުން 8:30ގައި ފެށި ހިނގާލުން އަނބުރާ އައިސް އާޓިފިޗަލް ބީޗަށް ނިންމާލީ މީރޭގެ 11:00 ހާއިރުގައެވެ. ހިނގާލުމުގެ ބައިވެރިން އާޓިފިޝަލް ބީޗުން ނުކުމެ ބޮޑުތަކުރުފާނު މަގުން ގޮސް އަމީނީ މަގުން އައިސް އަނެއްކާވެސް ހިނގާލުން ނިންމާލީ އާޓިފިޝަލް ބީޗަށެވެ.

ފުުލުހުންގެ އިދާރާއިން ވިދާޅުވީ، ގުލާބީ ގޯޅީގައި ރޭ މެންދަމު 2:12 ހާއިރުގައި، ދެމީހަކު ވެގެން ގުލާބީ ގޯޅިތެރެއިން ބިދޭސީއެއްގެ އަތުން ގިނަ އަދަދެއްގެ ފައިސާ ފޭރިގެންފައިވާ ކަމަށެވެ. މިގޮތުން ޖުމުލަ 33500ރ އެމީހާގެ އަތުން ފޭރުނުކަމަށް ފުލުހުންނަށް މައުލޫމާތު ދީފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ރައީސުލްޖުމްހޫރިއްޔާގެ ތައުޒިޔާގެ މެސެޖުގައި، މި ހާދިސާގައި ފުރާނަ ގެއްލިދިޔަ މީހުންގެ ޢާއިލާތަކަށާއި، އެމެރިކާ ސަރުކާރަށާއި ރައްޔިތުންނަށް ވަރަށް އިޚްލާޞްތެރިކަމާއެކު ހަމްދަރުދީ ފޮނުއްވާފައިވެއެވެ. އަދި މި ހިތާމައިގެ ދަނޑިވަޅުގައި ދިވެހި ރައްޔިތުން އެމެރިކާއާއިއެކު ދެމިތިބިކަމުގެ ޔަޤީންކަންވެސް ރައީސުލްޖުމްހޫރިއްޔާ ދެއްވާފައިވެއެވެ.

އިލެކްޝަންސް ކޮމިޝަނުން ޕީޕީއެމް އުވާލާފައި ވަނީ، އެޕާޓީގެ ސެނެޓުން ޕާޓީ އުވާލުމަށް ނިންމައި، ޕާޓީގެ ފަރާތުން އެކަން އިލެކްޝަންސް ކޮމިޝަނަށް ހުށައެޅުމާއި ގުޅިގެން ކަމުގައި އިލެކްޝަންސް ކޮމިޝަނުންވެސް ވަނީ ހާމަކުރައްވާފައެވެ.

ޢަލީ ރަމީޒު އެކްސް ކުރި ޕޯސްޓްގައި ބުނެފައި ވަނީ އެޖަމިއްޔާއަކީ، އިސްލާމް ދީނުގެ ރިވެތި ވައުޒާއި އިރުޝާދު މީސްތަކުންނަށް ފޯރުކޮށްދީ، މިދީނުގެ ދަންމަރު މިދީބުގައި ނެގެހެއްޓުމުގެ މަތިވެރި ނިޔަތާއެކު، ދީނީ، އިންސާނީ އަދި އިޖްތިމާއީ ރޮނގުން އިސްލާމީ އުއްމަތަށް މަންފާ ހޯދައިދިނުމަށް މަސައްކަތްކުރުމުގެ މާތް މަގްސަދުގައި އުފެއްދި ޖަމިއްޔާއެއް ކަމަށެވެ.

މިއަދު ފާހަގަކުރާ ދިވެހިރާއްޖޭގެ ޝަހީދުންގެ ދުވަހުގެ މުނާސަބާގައި ފޮނުއްވި މެސެޖުގައި ރައީސުލްޖުމްހޫރިއްޔާ ވިދާޅުވީ، ދިވެހީންގެ މިނިވަންކަމުގެ ހައްޤުގައި ޖިހާދު ކުރި ބަޠަލުންނާއި ޝަހީދުންގެ ހިއްވަރުން ނަމޫނާ ލިބިގަނެ، މިވަޠަނަށް އުޖާލާ މާދަމާއެއް ހޯދައި ދިނުމަށް، ހިންމަތް ކުރުމަކީ، އެންމެ އިސް ޤައުމީ ވާޖިބު ކަމަށެވެ.

މިރޭ އާޓިފިޝަލް ބީޗުން ފެށި މިހިނގާލުމުގައި ގިނަ އަދަދެއްގެ އާއްމުން ވަނީ ބައިވެރިވެފައެވެ. ހިނގާލުން ފަށާފައި ވަނީ، އާޓިފިޝަލް ބީޗުންނެވެ. މަޖީދީ މަގުން ކުރިޔަށް ގެންދަން ނިންމި ހިނގާލުން ފުލުހުންގެ އަމުރަށް ކުރިޔަށް ގެންދިޔައީ، ބޮޑު ތަކުރުފާނު މަގުން މާލެ ވަށައެވެ.

ރައީސުލްޖުމްހޫރިއްޔާގެ މި ދަތުރުފުޅުގައި ހއ. އަތޮޅުގެ 10 ރަށަކަށް ޒިޔާރަތްކުރައްވައި، ރަށު ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާއި، ރަށްރަށުގެ މުވައްސަސާތަކުގެ އިސްވެރިންނާ ބައްދަލުކުރައްވައި، އެރަށްރަށުގެ ތަރައްޤީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން މަޝްވަރާ ކުރައްވާފައިވެއެވެ.

މީގެ އިތުރުން، އުލިގަމު ރައްޔިތުން އެންމެ ބޮޑަށް އެދޭ އެއް ކަމަކީ އެރަށު ޞިއްޙީ މަރުކަޒުގެ ފެންވަރު ރަނގަޅުކުރުން ކަމަށާއި، އެކަމަށް ޙައްލެއް ހޯއްދެވުމުގެ ގޮތުން، އެމް.ޓީ.ސީ.ސީ އާއި ހަވާލުކުރެވިގެން އެމަސައްކަތް އަންނަ މަހު ފެށިގެންދާނޭ ކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

މި ބައްދަލުކޮށްލެއްވުމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވަނީ، އުލިގަމާއި ރާއްޖޭގެ އެކި ސަރަޙައްދުތަކުގައި މަސައްކަތް ހަވާލުކުރުމަށްފަހު، އެކި ހާލަތްތަކުގެ ސަބަބުން އެއްވެސް މަސައްކަތެއް ކުރިއަށް ނުގެންދެވިފައިވާ ގިނަ މަޝްރޫއުތަކެއް ހުރިކަން ފާހަގަކުރައްވާފައެވެ.