މ. ވީނަސް ގޭގައި އިއްޔެ ހިނގި އަލިފާނުގެ ހާދިސާ އާއި ގުޅިގެން 3 މީހަކަށް ވަގުތީ ބޯހިޔާވަހިކަން ފޯރުކޮށްދީފައިވާ ކަމުގައި ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީން ވިދާޅުވެއްޖެއެވެ.

ނެޝެނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ވިދާޅުވީ، މ. ވީނަސްގައި މި އަލިފާނުގެ ހާދިސާއާއި ގުޅިގެން އެގޭގައި ދިރިއުޅެމުންދާ ފަރާތްތަކަށް ބޭނުންވާ އިންސާނީ އެހީތެރިކަން ފޯރުކޮށްދިނުމުގެ މަސައްކަތް ކުރަމުންދާ ކަމަށެވެ.

އިއްޔެ އަލިފާނުގެ ހާދިސާ ހިނގާފައި ވަނީ، ވީނަސް ގޭގެ 7 ވަނަ ފަންގިފިލާގެ އެޕާޓްމެންޓެއްގެ ބަދިގޭގައެވެ. އެހާދިސާގައި ހިފާގެންގުޅޭ ތަކެއްޗާއި ބަދިގޭގެ ތަކެއްޗަށް ވަނީ ގެއްލުންތައް ލިބިފައެވެ.

އެންއެންޑީއެފް އިން ހާމަކުރައްވާފައިވާ ގޮތުގައި އަލިފާނުގ ހާދިސާ އެމްއެންޑީއެފަށް ރިޕޯޓްކޮށްފައި ވަނީ އިއްޔެ 13:38 ގައެވެ.

އަލިފާނުގެ މިހާދިސާ އާއި ގުޅިގެން އެ އެޕާޓްމަންޓަށް ބޮޑެތި ގެއްލުންތަކެއް ލިބުނު ނަމަވެސް އަލިފާނުގެ ހާދިސާއާއި ގުޅިގެން އެއްވެސް މީހަކަށް ސީރިޔަސް އަނިޔާއެއް ލިބިފައެއް ނުވެއެވެ.