Advertisement
ހދ ހިރިމަރަދޫ ކައުންސިލާއި އެކު ރައީސުލްޖުމްހޫރިއްޔާ ބައްދަލުކުރެއްވުން ---
ހިރިމަރަދޫ މީހުން ހަނިމާދުއަށް ބަދަލުކުރެއްވުމަށް ނިންމަވައިފި
ހދ. ހިިރިމަރަދޫ މީހުން އެއަތޮޅު ހަނިމާދޫއަށް ބަދަލުކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
މިކަން ހާމަކުރެއްވީ، ރައީސުލްޖުމްހޫރިއްޔާގެ އޮފީހުގެ ސީނިއަރ ސްޕޯކްސް ޕާސަން ހީނާ ވަލީދު އެކްސްގައި ކުރެއްވި ޕޯސްޓެއްގައެވެ.
ހީނާ ވަލީދު އެކްސްގައި ކުރެއްވި ޕޯސްޓް --
ހދ. ހިރިމަރަދޫ ރައްޔިތުން އެހެން ރަށަކަށް ބަދަލުވާން އެދޭތާ ގިނަދުވަސްތަކެއް ވަނީ ވެފައެވެ. މިގޮތުން އެންމެ ފުރަތަމަ ރަސްމީ ސިފައެއްގައި ހިރިމަރަދޫ ކައުންސިލުން އެދިފައި ވަނީ، އެރަށުގެ ރައްޔިތުން މާލެ އަތޮޅު ތުލުސްދޫއަށް ބަދަލުވާށެވެ. އޭގެ ފަހުން ހދ. ހަނިމާދޫއަށް ބަދަލުކޮށްދިނުމަށް އެރަށުގެ ރައްޔިތުން ވަނީ އެދިފައެވެ.
ހދ ހިރިމަރަދޫގައި މިހާރު ދިރިއުޅޭ އާބާދީ އަކީ 260 އެވެ.
