Advertisement
ސްޓެލްކޯގެ އިންޖީނުގެއެއްގެ އެތެރެ ---
މުޅިމާލެއިން އެއްފަހަރާ ކަރަންޓް ކެނޑުނީ، ޓެކްނިކަލް މައްސަލައަކުން: ސްޓެލްކޯ
މިއަދު މެންދުރު މުޅިމާލެއިން އެއްފަހަރާ ކަރަންޓް ކެނޑުނީ، މާލެއަށް ކަރަންޓްދިނުމަށް ބޭނުންކުރާ މާލޭ އިންޖީނުގެއަށް ދިމާވި ޓެކްނިކަލް މައްސަލައަކުން ކަމުގައި ސްޓެލްކޯއިން ވިދާޅުވެއްޖެއެވެ.
ސްޓެލްކޯއިން ވަނީ، ކަރަންޓް ކެނޑުނުތާ މަދު ވަގުތުކޮޅެއްގެ ތެރޭގައި މާލޭގެ ގިނަ ސަރަހައްދުތަކަށް ކަރަންޓްގެ ޚިދުމަތް އަލުންދޭން ފަށާފައެވެ. އަދި ގާތްގަނޑަކަށް ބައިގަޑިއިރުގެ ތެރޭގައި މުޅިމާލެއަށް އެކުންފުނިން އަލުން ކަރަންޓްގެ ޚިދުމަތް ފޯރުވައިދިނެވެ.
ސްޓެލްކޯގެ ކެޕޭސިޓީއަކީ 120 މެގަވޯޓެވެ. މިއަހަރުވެސް ރަމަޟާން މަހާއި ހޫނު މޫސުމާއި ދިމާވާއިރު، ކަރަންޓް ބޭނުންކުރާ މިންވަރު މަތިވެގެންދާނެތީ އެމައްސަލަ ހައްލުކުރުމަށްޓައި، ދުރާލައި ވަގުތީ ޖެންސެޓްތައް ބެހެއްޓުމުގެ މަސައްކަތް މިހާރުވެސް ސްޓެލްކޯއިން ދަނީ ކުރަމުންނެވެ.
