Advertisement
އެމްޕީއެލްގެ ސީއީއޯގެ މަޤާމުން ވަކިކުރެއްވި ވަޖީޙް --
އެމްޕީއެލްގެ ސީއީއޯ ވަޖީހް މަޤާމުން ވަކިކޮށްފި
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޗީފް އެގްޒެކެޓިވް އޮފިސަރު މުހައްމަދު ވަޖީހު އިބްރާހިމް އެ މަގާމުން ވަކިކޮށްފި އެވެ.
ރައްޔިތުންގެ މަޖިލީހުގެ ރައީސް ޢަބުދުއްރަޙީމް ޢަބުދުﷲ އާއި އާއިލީ ގުޅުން އޮންނަ ވަޖީޙް މަޤާމުން ވަކިކުރިކަން، ޕްރައިވެޓައިޒޭޝަން އެންޑް ކޯޕޮރަޓައިޒޭޝަން ބޯޑް (ޕީސީބީ) އިން މިރޭ ވަނީ ހާމަކޮށްފައެވެ. އެހެން ނަމަވެސް އޭނާ މަޤާމުން ވަކިކުރި ސަބަބެއް ޕީ.ސީ.ބީ ހާމަކޮށްފައެއް ނުވެއެވެ.
އެ މަގާމަށް ވަޖީޙް އައްޔަނުކުރީ ނޮވެމްބަރު 28، 2023، ގައެވެ.
ވަޖީޙް މަޤާމުން ވަކިކޮށްފައި މިވަނީ، މަޖިލީހުގެ ރައީސް ޢަބުދުއްރަޙީމް ޢަބުދުﷲ އާއި ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ގުޅުން ގޯސްވެ، ޓޫރިޒަމް މިނިސްޓަރުގެ މަޤާމުން ޢަބުދުއްރަޙީމް ދަރިކަލުން އިބްރާހީމް ފައިސަލްވެސް ވަކިކޮށްފައިވާ ދަނޑިވަޅެއްގައެވެ.
ވަޖީޙް އެމްޕީއެލްގެ ސީއީއޯގެ މަޤާމުގައި ހުންނަވައި ފާހަގަކޮށްލެވޭ ގިނަ މަސައްކަތްތަކެއް ފައްޓަވާފައިވެއެވެ. އޭގެ ތެރޭގައި އިންޓަރނޭޝަނަލް ބަންކަރިންގެ ޚިދުމަތާއި، ސީ-ޓު-އެއާ ކާގޯގެ ހިދުމަތް ހިމެނެވެ.
