މިއަދު ހެނދުނު ހައިވޭގައި ނުރައްކާތެރި އެކްސިޑެންޓެއްގައި މީހަކު މަރުވެއްޖެއެވެ.

ފުލުހުންގެ އިދާރާއިން ވިދާޅުވީ، ހުޅުމާލެ އާއި މާލެ ގުޅުވައިދޭ ހައިވޭގެ އިރުމަތީ ފަރާތުގައި ޖަހާފައި ހުރި ސޯލާޕެނަލްތައް ކައިރީގައި މަސައްކަތް ކުރުމަށް ލޭން ބަންދުކުރުމަށް ބަހައްޓާފައި ހުރި ކޯން އެއްގައި ސައިކަލެއް ޖެހި އެކްސިޑެންޓް ވެފައި ވަނީ މިއަދު ހެނދުނު 8:19 ގައި ކަމަށެވެ. އެހާދިސާގައި އަނިޔާވި މީހާ އައިޖީއެމްއެޗް ހޮސްޕިޓަލަށް ގެންގޮސް ފަރުވާ ދޭން ފެށުނު ކަމަށާއި އެހެން ނަމަވެސް އެމީހާ ނިޔާވެފައިވާ ކަމަށް، 9:05ގައި ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ.

އެކްސިޑެންޓްގެ މައްސަލަ ބަލަމުންދާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.

މިއެކްސިޑެންޓްގައި ނިޔާވި މިހާ އާއި ގުޅޭ ތަފްސީލެއް ފުލުހުން ހާމައެއް ނުކުރައްވައެވެ.