Advertisement
އެމްޑީޕީގެ ހިނގާލުމުގެ ތެރެއިން ---
ގިނައަދަދެއްގެ ބަޔަކާއި އެކު އެމްޑީޕީ މަގުމައްޗަށް!
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރާއި ދެކޮޅަށް އެމްޑީޕީ އިސްވެ އޮވެ މާލޭގައި ބޮޑި ހިނގާލުމެއް ފަށައިފިއެވެ.
މިރޭ އާޓިފިޝަލް ބީޗުން ފެށި މިހިނގާލުމުގައި ގިނަ އަދަދެއްގެ އާއްމުން ވަނީ ބައިވެރިވެފައެވެ. ހިނގާލުން ފަށާފައި ވަނީ، އާޓިފިޝަލް ބީޗުންނެވެ. މަޖީދީ މަގުން ކުރިޔަށް ގެންދަން ނިންމި ހިނގާލުން ފުލުހުންގެ އަމުރަށް ކުރިޔަށް ގެންދިޔައީ، ބޮޑު ތަކުރުފާނު މަގުން މާލެ ވަށައެވެ.
މިހިނގާލުމުގައި އެމްޑީޕީގެ ރައީސް ޢަބުދުﷲ ޝާހިދާއި އެމްޑީޕީގެ ޗެއާޕަރސަން ފައްޔާޒް އިސްމާޢީލްގެ އިތުރުން ކުރީގެ ނައިބު ރައީސް ފައިސަލް ނަސީމްވެސް އިސްސަފުގައި ބައިވެރިވަޑައިގެންފައިވެއެވެ. މީގެ އިތުރުން އެހެން ޕާޓީތަކުގެ މެމްބަރުންގެ ތެރެއިން ދަ ޑިމޮކްރެޓްސްގެ ރައީސް އިމްތިޔާޒު ފަހުމީވެސް ބައިވެރިވެވަޑައިގެންނެވި އެވެ.
މި ހިނގާލުމުގައި ވާހަކަފުޅު ދެއްކެވި އެމްޑީޕީގެ ލީޑަރުން ވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްތިޢުފާއަށްވެސް ގޮވާލާފައެވެ.
