ފުލުހުންގެ އިދާރާއިން ވިދާޅުވީ، ސެނަހިޔާ ހޮސްޕިޓަލު ކައިރިއަށް ޒަޚަމްތަތަކާއި އެކު ވެއްޓިފައި އޮއްވައި ފެނިފައި ވަނީ ދިވެހި ފިރިހެނެއް ކަމަށެވެ. ފުލުހުންގެ އިދާރާއިން ވިދާޅުވީ، އެމީހާއަށް ސެނަހިޔާ ހޮސްޕިޓަލުގައި ފަރުވާދެމުން އަންނަ ކަމަށެވެ.

އެމްޑީޕީން ހާމަކޮށްފައިވާ ގޮތުގައި، ޗާންދަނީ މަގުގައި ހުންނަ އެޕާޓީގެ ހަރުގެއަށް ކަޅުތެޔޮ ޖަހާފައި ވަނީ ރޭގެ މެންދަމު 1 ޖަހާ އެހާއިރުގައެވެ. ކަޅުތެޔޮ ޖަހާފައި ވަނީ އެ ހަރުގޭގެ ބޭރުގައި ހިއްޕާފައި ހުރި، ޕީއެންސީގެ މެމްބަރުންގެ ފޮޓޯތަކަކަށެވެ.

ރައްޔިތުންގެ މަޖިލީހުގެ އިދާރާގައި މިޖަލްސާ ބާއްވާނީ އެދުވަހު ހެނދުނު. 10:00 ޖަހާއިރުގައެވެ. މިޖަލްސާގައި އޮންނާނީވެސް ހަމައެކަނި ރައީސުލްޖުމްހޫރިއްޔާ ރިޔާސީ ބަޔާން އިއްވެވުމެވެ.

ރައީސުލްޖުމްހޫރިއްޔާގެ މެސެޖުގައި، ވަނީ، ޅެންވެރީންގެ ޝުޢޫރުތަކުން ދަރީންގެ ތަރުބިއްޔަތަށް މަގު ދައްކަވައި ދެއްވުމަށް އެދިވަޑައިގެންނެވުމުގެ އިތުރުން، ޤައުމީ ލޯބި އިތުރުކޮށްދެއްވުމަށާއި، މަތިވެރި އަޚުލާޤު ދިރުވައި އާލާކޮށްދެއްވުމަށް އެދިވަޑައިގެންފައެވެ.

ނޭޝަނަލް ސެންޓަރ ފޯރ ކަލްޗަރ ހެރިޓޭޖުން ވިދާޅުވީ، އެބޮޑު ބަޑި މިހާރު އެސެންޓަރަށް ގެނެސްފައިވާ ކަމަށާއި، އެކަމުގައި އެހީތެރިކަން ފޯރުކޮށްދެއްވި ފެޑޯ ކޮންސްޓްރަކްޝަން ކޮންޕެނީ އަށާއި ރައްޔިތުންގެ މަޖިލީހުގެ މައްޗަންގޮޅީ މެދު ދާއިރާގެ މެންބަރު އޮނަރަބަލް އަޙްމަދު ޟަމީރު އަށް އެ މަރުކަޒުގެ ފަރާތުން ޝުކުރުއާދަކުރާ ކަމަށެވެ.

އެމްޑީޕީގެ ބަޔާނުގައި ބުނެފައި ވަނީ، ޕީއެންސީއަށް ވަނުމަށް ފޯމު ފުރާފައި ނުވާ އެ ޕާޓީގެ ބައެއް އާންމު މެމްބަރުންނާއި ގައުމީ މަޖިލީހުގެ މެމްބަރުން ވެސް އެމްޑީޕީގެ ދަފްތަރުން އުނިކޮށް ޕީއެންސީގެ ހިމަނާފައިވާތީ، އެ މައްސަލަތައް ތަކުރާރުކޮށް އިލެކްޝަންސް ކޮމިޝަނުގެ ސަމާލުކަމަށް ގެނެސްފައިވާ ކަމަށެވެ.

އެގޮތުން، އެސްއީޒެޑްގައި ހިންގިދާނޭ އިޤްތިޞާދީ މަސައްކަތްތައް ކަމުގައި ކަނޑައަޅުއްވާފައިވަނީ، ޖުމުލަ 100 މިލިޔަން އެމެރިކާ ޑޮލަރަށްވުރެ ކުޑަނޫން އަދަދުގެ އިންވެސްޓްމަންޓްތަކާއި، ޖުމުލަ 500 މިލިޔަން އެމެރިކާ ޑޮލަރަށްވުރެ ކުޑަނޫން އަދަދެއްގެ އިންވެސްޓްމަންޓް ހިމެނޭގޮތަށް ތަރައްޤީ ކުރުމަށް ހުށަހަޅާ ސަސްޓެއިނަބަލް ޓައުންޝިޕް ޑިވެލޮޕްމަންޓް މަޝްރޫޢުތަކެވެ.ސްޓްރެޓީޖިކް އިންވެސްޓްމަންޓުތަކުގެ ތެރެއިން، އިންވެސްޓްމަންޓެއް ހިމެނޭގޮތުން ޤާއިމުކުރުމަށް ހުށަހަޅާ ޖުމުލަ 100 މިލިޔަން އެމެރިކާ ޑޮލަރަށްވުރެ ކުޑަނޫން އަދަދެއްގެ އިންވެސްޓްމަންޓްގެ ތެރޭގައި ނުވަ ބާވަތެއްގެ އިންވެސްޓްމަންޓް ހިމަނުއްވާފައިވެއެވެ.

މިދަތުރުފުޅުގައި ރައީސުލްޖުމްހޫރިއްޔާ މާލެއިން ފުރާވަޑައިގެންނެވީ ރޭގައެވެ. ޖަނަވަރީ މަހުގެ 13 އިން 16 އަށް ރައީސުލްޖުމްހޫރިއްޔާ ކުރައްވާ މި ދަތުރުފުޅަކީ އެސްޓޯނިއާގެ ރައީސް ޑރ. އަލާރް ކަރިސްގެ ދަޢުވަތަކަށް ކުރައްވާ ދަތުރުފުޅެއް ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވިއެވެ. އަދި، މިއީ ދިވެހިރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅުކަންވެސް ރައީސުލްޖުމްހޫރިއްޔާގެ އޮފީހުން ވަނީ ފާހަގަ ކުރައްވާފައެވެ.

މިއީ ދިވެހިރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ސަމާލުކަން ދެއްވާނީ، އެއް ޤައުމުން އަނެއް ޤައުމަށް އިތުރަށް އެއްބާރުލުން ދިނުމާއި، ޑިޖިޓަލް، ސައިބަރ އަދި އީ-ގަވަނަންސް، މޫސުމީ ބަދަލު، ތިމާވެށީގެ މައްސަލަތައް އަދި ސައިންސާއި ތަޢުލީމީ ދާއިރާގައި އެކުގައި ކުރެވިދާނެ މަސައްކަތްތަކުގެ މައްޗަށް ކަމުގައިވެސް ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވެއެވެ.

ފުލުހުން ވިދާޅުވީ ހިޔާގެ 3 ވަނަ ޓަވަރުގެ ދެވަނަ ފަނގިފިލާއިން ވެއްޓިފައި ވަނީ ދިވެހި ފިރިހެނެއް ކަަމަށާއި، އޭނާއަށް ހުޅުމާލެ ހޮސްޕިޓަލުގައި ފަރުވާދެމުން އަންނަ ކަމަށެވެ. އަދި މިއަދު މެންދުރި ހިނގި އެހާދިސާ ތަޙްޤީޤު ކުރަމުން އަންނަ ކަމުގައި ފުލުހުން ވިދާޅުވިއެވެ.

ދަ ޑިމޮކްރެޓްސް ދޫކޮށްލައްވައި އަލުން އެމްޑީޕީއާ ގުޅިވަޑައިގެންނެވި މެމްބަރުންގެ ތެރޭގައި، ދަ ޑިމޮކްރެޓްސް ނައިބު ރައީސް މުޙައްމަދު ޝިފާޒާއި އެޕާޓީން 2023 ވަނަ އަހަރުގެ ރިޔާސީ އިންތިޚާބުގައި ވާދަކުރެއްވި ރިޔާސީ ކެންޑިޑޭޓުގެ ރަނިން މޭޓު ޙުސައިން އަމުރު ހިމެނިވަޑައިގަންނަވައެވެ. މީގެ އިތުރުން އެމްޑީޕީގައި ކުރިން އުޅުއްވުމަށް ފަހު ދަ ޑިމޮކްރެޓްސްއާ ގުޅިވަޑައިގެންނެވި، އިބްރާހިމް ރަޝީދު، މާމިގިލީ އިބޫވެސް ވަނީ އަލުން އެމްޑީޕީއަށް ސޮއިކުރައްވާފައެވެ.

އާއްމުވެފައިވާ ވީޑިއޯއިން ފެންނަ ގޮތުގައި ފުލުހުން އެމީހާގެ ހަށިގަނޑު ގެސްޓްހައުސްއިން ނެރެފައި ވަނީވެސް ހަށިގަނޑު ބޮޑީބޭގަަކަށް ލައިގެންނެވެ. އޭނާފެނުނީ މަރުވެފައި އޮންނަތާ ކިހާ ވަގުތެއް ފަހުން ކަމެއް އެނގިފައެއް ނުވެއެވެ.

މިހާދިސާގައި މަރުވެފައި ވަނީ، "ނޯތު 07" ސަފާރީގެ ފަޅުވެރިއެއްގެ ގޮތުގައި މަސައްކަތް ކުރަމުން ދިޔަ، ނ. ހޮޅުދޫ، ސީވިޑް އަލީ އަރުޝަދު (35އ)އެވެ.

132 ކިލޯ ވޯލްޓޭޖުގެ މި ސަބްސްޓޭޝަން ގްރޭޓާ މާލެ އިންޓަ ކަނެކްޝަން ގްރިޑާ ގުޅާލާފައި ވަނީ މިއަދުގައެވެ. މި ސަބް ސްޓޭޝަންތަކުގެ ބޭނުމަކީ އެ ސަރަހައްދަށް އެކަށީގެންވާ ގޮތުގައި ކަރަންޓް ފޯރުކޮށްދިނުމެވެ.

ސައުތުގެ މުވައްޒަފުންނަށް މުސާރަ ނުދޭތީ އެމައްސަލަ ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓުން މިހާރު ދަނީ ބަލަމުން ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ. ސައުތުގެ ބައެއް މުވައްޒަފުން ނޫސްވެރިންނަށް މައުލޫމާތުދީފައިވާ ގޮތުގައި އެކުންފުނީގެ އާއްމު ބައެއް މުވައްޒަފުންނަށް މުސާރަ ނުދޭތާ މިހާރު ވަނީ 6 މަހަށްވުރެ ގިނަ ދުވަސް ވެފައެވެ. އެކަމާއި ގުޅިގެން ސައުތުގެ ބައެއް މުވައްޒަފުން ވަނީ، މިއަދު އިހްތިޖާޖުވެސްކޮށްފައެވެ.

ފުލުހުންގެ އިދާރާއިން ވިދާޅުވީ، އދ. ރެޑިސަން ބްލޫ މޯލްޑިވްސް ރިސޯޓުގެ ބޭރުގައި މޫދަށް އެރި އުޅުނު ފަތުރުވެރިއެއްގެ ގައިގައި ލޯންޗަކުން ޖެހި އޭނާއަށް ލިބުނު ޒަޚަމްތަކުގެ ސަބަބުން ނިޔާވެފައިވާ ކަމަށެވެ. މިހާދިސާ ފުލުހުންނަށް ރިޕޯޓްކޮށްފައި ވަނީ، މިއަދު ހެނދުނު 10:00 ހާއިރުގައި ކަމަށްވެސް ފުލުހުންގެ އިދާރާއިން ވިދާޅުވެފައިވެއެވެ.