Advertisement
ބްރޯޑްކާސްޓިން ކޮމިޝަން (ބްރޯޑްކޮމް)ގެ ނައިބު ރައީސް މުހައްމަދު ފަޒީން ---
ބްރޯޑްކޮމްގެ ނައިބު ރައީސަށް ޖިންސީ ގޯނާގެ ތުހުމަތު
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ ނައިބު ރައީސް މުހައްމަދު ފަޒީން އެ ކޮމިޝަންގެ އަންހެން މުވައްޒަފަކަށް ޖިންސީ ގޯނާ ކުރުމުގެ މައްސަލައެއް ރައްޔިތުންގެ މަޖިލީހުން ބަލަން ފަށައިފިއެވެ.
މަޖިލީހަށް ހުށައެޅިފައިވާ އެ މައްސަލަ އާއި ގުޅިގެން އެކަމުގައި ސުވާލުކުރަންޖެހޭ ފަރާތްތައް، ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމެޓީއަށް އިއްޔެ ހާޟިރުކޮށް ވަނީ ސުވާލުކޮށްފައެވެ. އެހެން ނަމަވެސް އެކޮމިޓީ ބައްދަލުވުން ކުރިޔަށް ގެންގޮސްފައި ވަނީ ސިއްރުކޮށްގެންނެވެ.
އެބައްދަލުވުމާއި ގުޅޭ ގޮތުން ރައްޔިތުންގެ މަޖިލީހުގެ އިދާރާއިން ހާމަކުރައްވާފައި ވަނީ، ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ލިބިފައިވާ މައްސަލައަކާ ގުޅިގެން އެ މައްސަލައާ ގުޅުންހުރި ފަރާތްތަކާ ބައްދަލުކުރައްވާފައިވާކަން އެކަންޏެވެ. އެ މައްސަލައިގެ އިތުރު ތަފްސީލެއް މަޖިލީހުންވެސް ހާމަކޮށްފައެއް ނުވެއެވެ.
ބްރޯޑްކޮމްގެ ނައިބު ރައީސް ފަޒީން، އެ ކޮމިޝަންގެ އަންހެން މުވައްޒަފަކަށް ޖިންސީ ގޯނާކޮށްފައި ވަނީ، މިމަހުގެ ތެރޭގައެވެ.
