ފަތުރުވެރިއަކަށް ޖިންސީ ގޯނާކުރި މައްސަލައެއްގައި ކޯޓު އަމުރެއްގެ ދަށުން މީހަކު ހައްޔަރުކޮށްފިއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި އެމީހާ ހައްޔަރުކޮށްފައި ވަނީ ހދ. ނޮޅިވަރަންފަރުންނެވެ.

ފުލުހުންގެ އިދާރާއިން ވިދާޅުވީ އެމައްސަލަ ފުލުހުންނަށް ރިޕޯޓްކޮށްފައި ވަނީ އިއްޔެ މެންދުރު ފަހު 14:45 ހާއިރުގައި ކަމަށެވެ. އެފަތުރުވެރިޔާއަށް ޖިންސީ ގޯނާ ކޮށްފައި ވަނީ ނޮޅިވަރަން ފަރުގައި ފަތުރުވެރިންނަށް ޚާއްޞަކޮށްފައިވާ ބީޗު ސަރަހައްދުގައި އެ ފަތުރުވެރިޔާ ހުއްޓައި ކަމަށްވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ އެމައްސަލަ އާއި ގުޅިގެން ކޯޓު އަމުރެއްގެ ދަށުން ހައްޔަރުކޮށްފައި ވަނީ، އުމުރުން 30 އަހަރުގެ ދިވެހި ފިރިހެނެއް ކަމަށެވެ.

އަދި މައްސަލަ ތަޙްޤީޤު ކުރަމުންދާ ކަމުގައިފުލުހުންގެ އިދާރާއިން ވިދާޅުވިއެވެ.