މޯލްޑިވްސް ބްރޯޑްކާސްޓިންގ ކޮމިޝަންގެ މެމްބަރު ކަމުގެ މަޤާމަށް ޢައްޔަނުކުރުމަށް ރައްޔިތުންގެ މަޖިލީހުން ރުހުން ދެއްވާފައިވާ، އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުﷲ (މުހައްމާ) އަދި ބްރޯޑްކޮމްގެ ކުރީގެ މެންބަރު އާމިނަތު ސަރާހަތު އިއްޒަތު ޞިދުޤީ އެކޮމިޝަނުގެ މެމްބަރު ކަމުގެ މަޤާމަށް ޢައްޔަންކޮށްފިއެވެ.

އެ ދެ މެމްބަރުން ޢައްޔަނުކޮށްފައިވާކަން ރޭ ހާމަކޮށް، ކޮމިޝަނުން ވަނީ އެ ދެ މެމްބަރުންނަށް މަރުޙަބާވެސް ކިޔާފައެވެ.

ކޮމިޝަނަށް މުހައްމާ ޢައްޔަނުކުރި މައްސަލައިގައި އާއްމުންގެ ފާޑު ކިޔުންތައް ސަރުކާރަށާއި ރައްޔިތުންގެ މަޖިލީހަށް ވަރަށް ބޮޑަށް ވަނީ އަމާޒުވެފައެވެ.

މުހައްމާ ކޮމިޝަނަށް ޢައްޔަނުކުރުމަށް ރުހުން ދެއްވާފައި ވަނީ، ކޮމިޓީން ނަންތައް ދިރާސާކުރި އިރު ދެވަނައަށް އެންމެ މަތިން މާކްސްދިން ޝިފްޒާ މުސްތަފާ ކަޓުވާލުމަށްފަހުގައެވެ. މަޖިލީހުގެ އެ ނިންމުމަށް ބޮޑަށް ފާޑުކިޔުންތައް އަމާޒުވެގެން ދިޔައީ އެހެން ވެގެންނެެވެެ.