އެމެރިކާގެ ފިލަޑެލްފިއާގައި އެއާއެމްބިއުލާންސް މަތިންދާ ބޯޓެއް ވެއްޓި ބަލިމީހާ އާއެކު އޭގައި ތިބި އެންމެން މަރުވެއްޖެއެވެ.

ރޭ ހިނގި މިހާދިސާގައި ވެއްޓުނީ، ލިއާޖެޓް 55 މަރުކާގެ މަތިންދާ ބޯޓެކެވެ. ބޯޓު ވެއްޓުނީ، ފިލަޑެލްފިއާ އެއާޕޯޓުން ފުރިތާ އެންމެ 30 ސިކުންތުގެ ތެރޭގައެެވެ. މީހުން ދިރިއުޅޭ ސަރަހައްދަށް ބޯޓު ވެއްޓުނު ހާދިސާގައި ބޮޑު ގޮވުމެއް ގޮވި އިރު ގެއެއްގައިވެސް އަލިފާން ރޯވެފައިވާ ކަމަށް، ރިޕޯޓްކޮށްފައިވެއެވެ.

ވެއްޓުނު މަތިންދާ ބޯޓުގައި އޮތް ޒުވާން ބަލިމީހާ އާއި އޭނާގެ އެހީތެރިނާއި ކުރޫއިންނާއި އެކު ބޯޓުގައި ޖުމުލަ 5 މީހުން ތިއްބެއެވެ. މިހާދިސާގައި އެ އެންމެންވެސް ވަނީ މަރުވެފައެވެ.

އެމެރިކާގައި އެއާ އެމްބިއުލާންސް މަތިންދާ ބޯޓެއް ރޭ ވެއްޓުނުއިރު، އިއްޔެ ރޭ ވޮޝިންގޓަންގެ ރޭގަން އިންޓަރނޭޝަނަލް އެއާޕޯޓަށް ޖައްސަން އައި މަތިންދާބޯޓަކާއި އެމެރިކާ ސިފައިންގެ އަސްކަރީ ހެލިކޮޕްޓަރެއް ވައިގެ ތެރޭގައި މުޑިއަރައި އެ ދެއުޅަނދުގައި ތިބި އެންމެން ވަނީ މަރުވެފައެވެ. އެހާދިސާގައި ޖުމުލަ 67 މީހުން މަރުވިއެވެ.