މާލޭގައި ބިދޭސީއެއްގެ އަތުން ފޭރުނު ދެމީހަކު ހައްޔަރުކޮށް ބަންދު މުއްދަތު ޖަހައިފިއެވެ.

ފުުލުހުންގެ އިދާރާއިން ވިދާޅުވީ، ގުލާބީ ގޯޅީގައި ރޭ މެންދަމު 2:12 ހާއިރުގައި، ދެމީހަކު ވެގެން ގުލާބީ ގޯޅިތެރެއިން ބިދޭސީއެއްގެ އަތުން ގިނަ އަދަދެއްގެ ފައިސާ ފޭރިގެންފައިވާ ކަމަށެވެ. މިގޮތުން ޖުމުލަ 33500ރ އެމީހާގެ އަތުން ފޭރުނުކަމަށް ފުލުހުންނަށް މައުލޫމާތު ދީފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، ބިދޭސީ މީހާގެ އަތުން ފޭރުމުގެ ތުހުމަތުގައި ހައްޔަރުކޮށްފައި ވަނީ، ހ. ރެދަން، ފަވާޒް ކަޅު ތުއްތު، (36އ) އާއި ތ. ތިމަރަފުށި، ލަކީ ހައުސް، ސޮފްވާން އަލީ، (36އ) ކަމަށެވެ. އެ ދެ މީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުމުން އެ މީހުންގެ ބަންދަށް 10 ދުވަސް ޖަހައިދީފައިވާ ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ.