Advertisement
ފުލުހުންގެ މައި އިދާރާ ---
ނޭޕާލް މެއިޑަކު 3 އަހަރުގެ ކުއްޖަކަށް އަނިޔާކުރި މައްސަލައެއް
ތިން އަހަރުގެ ކުޑަކުއްޖަކަށް ގޭގައި ގެންގުޅޭ މެއިޑް އަނިޔާކުރި މައްސަލައެއް ފުލުހުންނަށް ހުށައަޅާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ހާމަކުރައްވާފައިވާ ގޮތުގައި އެމައްސަލަ ހުށައަޅާފައިވަނީ މާލެއިންނެވެ. އަދި 3 އަހަރުގެ ކުއްޖާއަށް އަނިޔާކޮށްފައި ވަނީ ނޭޕާލަށް ނިސްބަތްވާ މެއިޑެއް ކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ.
ފުލުހުންގެ އިދާރާއިން ވިދާޅުވީ، އެމައްސަލައިގައި ތުހުމަތުކުރެވޭ މެއިޑް ހައްޔަރުކޮށްފައި ނުވާކަމަށެވެ.
ފުލުހުންނަށް މައްސަލަ ހުށައަޅާފައި ވަނީ ކުއްޖާގެ މަންމައެވެ. އެކުއްޖާ މައްސަލަ ހުށައަޅާފައި ވަނީ މެއިޑް ކުއްޖާއަށް އަނިޔާކުރި މަންޒަރު ފެންނަ މަންޒަރާއި އެކުގައި ކަމަށްވެސް މައުލޫމާތު ލިބިފައިވެއެވެ.
