މިހާތަނަށް ދުނިޔެއިން ފެނިފައި ނުވާ، ބުރެކި އާއިލާގެ އައު މަހެއް ރާއްޖެއިން ފެނިއްޖެއެވެ.

މެރިން ޖާނަލް މޯލްޑިވްސް އިން ހާމަކޮށްފައިވާ ގޮތުގައި އެމަހަކީ ބޭރުގެ ސައިންޓިސްޓުންނާއި ރާއްޖޭގެ މެރިން ރިސާޗު ސެންޓަރު ގުޅިގެން ކުރި ދިރާސާގެ ތެރެއިން ހޯދިފައިވާ މަހެކެވެ. އެމަހަށް ދިން ދިވެހި ނަމަކީ ރަކި ބުރަތްކެވެ. މި މަހަށް ދީފައިވާ ސައިންޓިފިކް ނަމަކީ "ޕްލެކްޓްރަންތިއަސް ރަކި" އެވެ. މިއީ 2-3 އިންޗި އަށް ބޮޑުވާ މަހެކެވެ.

މި މަސް ފެނިފައި ރާއްޖޭގެ ކަނޑުގެ 100 މީޓަރާއި 125 މީޓަރާއި ދެމެދު ފުނުން ކަމުގައިވެސް މެރިން ރިސާޗު ސެންްޓަރުން ހާމަކުރައްވާފައިވެއެވެ. ބުރަތްކަކީ ދޮށީގެ މަސްވެރިކަމުގައި އެމުގެ ގޮތުގައިވެސް ރާއްޖޭގައި ބޭނުން ކުރާ މަހެކެވެ. މިއާއިލާގެ އެހެން ބާވަތްތަކުގެ މަސްތައްވެސް ރާއްޖޭގައި އުޅެއެވެ.