ފިލްމް އެސޯސިއޭޝަނުން، "އިންސާނިއްޔަތަށްޓަކައި" ނަމުގައި ކުރިޔަށް ގެންދިޔަ ކެމްޕޭންގެ ދަށުން ހިންގި ހަރަކާތްތަކުން، ޖުމްލަ 685،651.90ރ. ލިބިފައިވާކަމުގައި ފިލްމް އެސޯސިއޭޝަނުން ވަނީ ބުނެފައެވެ.

ރައްޔިތުންގެ މަޖިލީހުގެ މެޖޯރީޓީ ޕާޓީ އެމްޑީޕީގެ ޕާލަމެންޓަރީ ގްރޫޕް ލީޑަރަކަށް އަލިފުށި ދާއިރާގެ މެންބަރު މުހައްމަދު ރަޝީދު (ބިގޭ) އިންތިހާބު ކޮށްފިއެވެ.

މާލޭ ސިޓީ ކައުންސިލްގެ ގަލޮޅު އުތުރު ދާއިރާގެ މެމްބަރު މުހައްމަދު ސައިފް ފާތިހް 'އެކްސް'ގައި ކުރި ޕޯސްޓެއްގައި ބުނެފައިވަނީ ކޯރަމް ހަމަނުވެގެން މިދިޔަ ދެ ހަފްތާގައި ވެސް ޖަލްސާ ކެންސަލްކޮށްފައިވާކަމަށެވެ. ސައިފް ވިދާޅުވީ، ސިޓީ ކައުންސިލްގެ މަސައްކަތްތައް ހިންގޭނެ ގޮތަކަށް "ވެރިކަން ކުރާ ކޯލިޝަނުން ކައުންސިލަރުންގެ މައްޗަށް ބާރު އެޅުން ކޮންމެހެން ބޭނުންތެރި" ކަމަށެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ސްޕެޝަލް އެންވޯއީ ފޮރ ކްލައިމެޓް ޗޭންޖްގެ މަގާމަށް، މއ. ނައިލޯނުގެ، ޢަލީ ޝަރީފް ޢައްޔަނުކުރައްވައި، ސަރުކާރުގެ މިނިސްޓްރީތަކުގެ ސްޓޭޓް މިނިސްޓަރު ކަމުގެ މަގާމަށް ބައެއް ބޭފުޅުން ޢައްޔަނުކުރައްވައިފިއެވެ.

ކިޔެވުމުގެ ދަންފަޅިން ވަގުތު ނުގެއްލޭ ގޮތަށް ސްކޫލުގައި ހަރަކާތްތައް ހިންގަން އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އަންގަވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް، ރައީސުލްޖުމްހޫރިއްޔާ މިއަދު ޢައްޔަނުކުރެއްވި، ޙަސަން މުޣުނީއަކީ، ކުރީ ސަރުކާރުގައި ސްޓެލްކޯގެ މެނޭޖިންގ ޑައިރެކްޓަރގެ މަޤާމު ފުރުއްވާފައިވާ ބޭފުޅެކެވެ.

ވެލާނާ އިންޓަނޭޝަނަލް އެއާޕޯޓް، ވީއައިއޭގެ ފިއުލް ހައިޑްރަންޓް ނެޓްވޯކް ޓެސްޓުކުރަން ފަށައިފިއެވެ. ވީއައިއޭ ހިންގާ މޯލްޑިވްސް އެއަރޕޯޓްސް ކޮންޕެނީ ލިމިޓެޑް، އެމްއޭސީއެލްއިން ބުނީ ފިއުލް ހައިޑްރަންޓް ނެޓްވޯކް ޓެސްޓުކުރުމުގެ މަސައްކަތުގެ ފޭސް1 މިހާރު ނިމިފައިވާކަމަށެވެ.

ކޮޕް ސަމިޓަކީ ޖައްވަށް ދޫކުރާ ވިހަ ގޭސްތައް މަދު ކުރުމަށާއި އެޑަޕްޓޭޝަން މަސައްކަތްތައް ފުޅާކުރުމަށާއި ތިމާވެށީގެ ސަބަބުން ލިބޭ ގެއްލުންތައް ކުޑަކުރުމަށްޓަކައި ބޭނުންވާ މާލީ ކަންކަން ފަހިކުރުމަށް މަސައްކަތް ކުރުމަށާއި އެކަމަށް ބާރުއަޅައި މަޝްވަރާ ކުރުމަށް ގައުމުތަކުގެ ލީޑަރުންނާއި އެކި ޖަމިއްޔާތަކާއި ވިޔަފާރިވެރިންނާ އެކު ކޮންމެ އަހަރަކު އެއް ފަހަރު ބާއްވާ ސަމިޓެކެވެ.

2024 ވަނަ އަހަރުގެ ބަޖެޓަކީ ކުރީ ސަރުކާރުން ހުށަހެޅި ބަޖެޓެއް ނަމަވެސް، އެ ބަޖެޓުގެ ތެރެއިން އާ ސަރުކާރުގެ ވައުދުތައް ފުއްދަން ފަށައިގަނެވޭނެ ކަމަށް މުއިއްޒު ސަރުކާރުގެ ފިނޭންސް މިނިސްޓަރު ޑރ. މުހައްމަދު ޝަފީގު ވިދާޅުވެއްޖެއެވެ. އޭނާ މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުންނެވެ.

ދިވެހިރާއްޖެއާއެކު ވިޔަފާރީގެ އެއްބަސްވުމެއްގައި ސޮއިކުރަން ސަޢުދީގެ އަރަބިޔާގެ ވަޒީރުންގެ މަޖިލީހުން ފާސްކޮށްފިއެވެ. މި ވަޒީރުންގެ މަޖިލީހުގެ ރިޔާސަތު ބަލަހައްޓަވާފައިވަނީ ސަޢޫދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒްއެވެ.

ސަރުކާރުގެ ކުންފުނިތަކަށް ޑިރެކްޓަރުން އައްޔަންކޮށް އެތަންތަން މޮނިޓަރކޮށް ބަލަހައްޓާ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، 3 މެމްބަރަކު އައްޔަންކުރައްވައިފިއެވެ. ޕީސީބީގެ ބޯޑަށް މެމްބަރުން އައްޔަންކުރުމާއި ވަކިކުރުމުގެ ބާރު ލިބެނީ ރައީސުލްޖުމްހޫރިއްޔާއަށެވެ. އެހެންނަމަވެސް ބޯޑަށް އައްޔަންކުރާ މެމްބަރުންނަށް ރުހުން ދިނުމަށް މަޖިލީހަށް ފޮނުވަންޖެހެއެވެ.

ޕީއެންސީއަށް ވަކި އޮފީހެއް ގާއިމުކޮށް ޕާޓީއަށް 10،000 މެންބަރުން ހަމަ ކުރުމުގެ މަސައްކަތް ފަށައިފިއެވެ. ޕީއެންސީގެ އޮފީސް ގާއިމުކޮށްފައި ވަނީ ކެމްޕޭނު ދުވަސްވަރު ކާނިވަލުގައި ދިވެހީންގެ ޖަގަހަ ހިންގަމުން އައި ތަނުގައެވެ.

އާ ސަރުކާރުގެ ހައުސިން މިނިސްޓަރު ޑރ. އަލީ ހައިދަރު އަހްމަދަށް ރުހުން ދޭން ދެކޮޅު ހައްދަވައި އެ ގޮތަށްް އެމްޑީޕީގެ ޕާލަމެންޓްރީ ގްރޫޕުން ނިންމައިދޭން ގަލޮޅު ދެކުނު ދާއިރާގެ މެންބަރު މީކާއިލް ނަސީމް އެދިވަޑައިގެންފިއެވެ. މީކާއިލް މިގޮތައް އެދިވަޑައިގަތީ ނިމިދިޔަ ސަރުކާރުގައި ފްލެޓް ދޭން ނިންމި ލިސްޓް ރިވިއުކުރާނެ ކަމަށް މިހާރުގެ ހައުސިން މިނިސްޓަރ ވިދާޅުވުމާ ގުޅިގެން މިއަދު މަޖިލީހުގައި ވާހަކަދައްކަވަމުންނެވެ.

ވަޒީފާ ގެއްލޭ ފަރާތްތަކަށް އައު ވަޒީފާއެއް ހޯދުމަށް ހޭދަވާ މުއްދަތުގައި މާލީ އެހީތެރިކަން ފޯރުކޮށްދިނުމަށް އިންޝުއަރަންސް ސްކީމެއް ތަޢާރަފްކުރަން ރައްޔިތުންގެ މަޖިލީހަށް ބިލެއް ހުށައަޅައިފިއެވެ. މި ބިލު ހުށައަޅާފައިވަނީ ފުވައްމުލަކު މެދު ދާއިރާގެ މެމްބަރު ހުސެއިން މުޙައްމަދު ދީދީއެވެ.

ދިވެހިން ދަތުރުކުރާއިރު "ޓްރެވެލަރ ޑެކްލަރޭޝަން" ފޯމު ފުރަން ނުޖެހޭގޮތަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު ނިންމައިފިއެވެ.