ރައީސްގެ މިދަތުރުފުޅުގައި މިއަދު ކޮޅުފުށީގެ ރައްޔިތުންނާއި ބައްދަލުކޮށްލެއްވުމުގެ އިތުރުން. މިސަރުކާރުން ކޮޅުފުށީގައި ހިންގާފައިވާ ބައެއް މަޝްރޫޢުތަކުގެ ނިންމުން ފާހަގަކުރުމުގެ ރަސްމިއްޔާތު ޝަރަފްވެރިކޮށްދެއްވައި ޚިދުމަތްތައް ވަނީ އިފްތިތާޙްކޮށް ދެއްވާފައެވެ. މިގޮތުން، މ. އަތޮޅު މަދަރުސާގެ މަލްޓިޕަރޕަސް ހޯލާއި 8 ކްލާސްރޫމް ހުޅުވައިދެއްވައި، ފެނުގެ ނިޒާމް އިފްތިތާޙްކޮށްދެއްވައި، އެރަށުގެ ގޮނޑުދޮށް ހިމާޔަތްކުރުމުގެ މަޝްރޫއުގެ ނިމުންފާހަގަކުރުމުގެ ރަސްމިއްޔާތުގައި ރައީސުލްޖުމްހޫރިއްޔާ ވަނީ ބައިވެރިވެވަޑައިގެންފައެވެ.

މިދިޔަ ސަތޭކަ ވަރަކަށް އަހަރު ތެރޭގައި ދުނިޔެއަށް އައި އެންމެ ބޮޑު ލޮޅުން ކަމުގައިވާ، ކޮވިޑް-19 ގެ އާލަމީ ވަބާ މުޅި ދުނިޔެއަށް ކުރިމަތިވެ، ޤައުމުތަކުގައި ސިއްޙީ ކުއްލި ނުރައްކަލުގެ ހާލަތު އިޢުލާންކޮށް، ދުނިޔޭގެ އާބާދި ފުރާނައިގެ ބިރުވެރިކަމެއްގެ ތެރޭގައި އޮވެ، ދުނިޔޭގެ އިޤްތިޞާދު ހުއްޓުމަކަށް އައިސްފައި އޮތް ދުވަސްތަކެއް އަޅުގަނޑުމެންނާއި ކުރިމަތިވިއެވެ. މުޅި ދުނިޔެއާއި އަދި ރާއްޖޭގެ ހާލަތު ވެސް މިފަދަ ފައްތަރެއްގައި އޮތް ނާޒުކު ވަގުތުގައި ވެސް، ރާއްޖޭގެ ތަރައްޤީގެ މުހިންމު މަޝްރޫޢުތަކަށް ހުއްޓުމެއް އަޔަނުދީ އަދި އިޤްތިޞާދަށް ލޮޅުމެއް އެރިޔަ ނުދީ، ރާއްޖޭގެ ހުރިހާ ރަށެއްގައި ތަރައްޤީގެ މުހިންމު މަޝްރޫޢުތައް ރައީސުލް ޖުމްހޫރިއްޔާ އިބްރާޙިމް މުޙައްމަދު ޞާލިޙް މެދުނުކެނޑި ހިންގެވީ، ރައީސުލް ޖުމްހޫރިއްޔާއަކީ ހަރުދަނާ ލީޑަރެއް ކަމުގައި ވާތީކަމަށް، ކެނދިކޮޅުދޫ ދާއިރާގެ އިއްޒަތްތެރި މެންބަރ އަޙްމަދު ޢީސާ ވިދާޅުވެއްޖެއެވެ.

މިނިސްޓްރީ އޮފް ހޯމްއެފެއާޒްއިން ހާމަކުރައްވާފައިވާ ގޮތުގައި މިއަހަރުގެ މިނިވަން ދުވަހުގެ ހަރަކާތްތައް ކުރިޔަށް ގެންދިޔުމަށް ރާވާފައި ވަނީ، "މިނިވަން އުފާ - މުޅިރާއްޖެއިން" މިޝިޢާރުގެ ދަށުންނެވެ. މިގޮތުން މިނިވަން ދުވަސް ފާހަގަކުރުމުގެ ގޮތުން މާލެއާ އަތޮޅުތަކުގައި ގިނަ ހަރަކާތްތަކެއް ކުރިޔަށް ގެންދިޔުމަށް ވަނީ ރާއްވަވާފައެވެ. މިގޮތުން ރައީސުލްޖުމްހޫރިއްޔާގެ ދެކަނބަލުން ބާއްވަވާ ބައްދަލުކޮށްލެއްވުމާއި، މިނިވަން ދުވަހުގެ ދިދަ ނެގުމާއި، މިނިވަން ދުވަހުގެ ރަސްމީ ޖަލްސާ އާއި، މިނިވަންދުވަހުގެ ޚާއްސަ ކާނިވަލާއި، ފުޅަނދުބުރާއި، އަސްކަރީ ހެވިކަން ދައްކާލުމާއި ޝަރަފްގެ ހިނގާލުން ބޭއްވުމަށް ވަނީ ނިންމަވާފައެވެ. މީގެ އިތުރުން ސްކޫލުތަކުގެ ދަރިވަރުންނަށް ޚާއްސަކޮށްގެންވެސް ހަރަކާތްތައް ދަނީ ހިންގަމުންނެވެ.

މޫސަ މިހެން ވިދާޅުވީ، އެމްޑީޕީގެ ރިޔާސީ ކެމްޕޭން، "އުފާވެރި އަމާންރާއްޖެ" ޝިއާރުގެ ދަށުން ރޭ ކ. މާފުށީގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ. އެމްޑީޕީގެ ކުރީގެ ރައީސް އަދި ކުރީގެ ރައީސް މުހައްމަދު ނަޝީދަށް ފާޑުވިދާޅުވެ މޫސަ ވިދާޅުވީ، 2012 ވަނަ އަހަރު އެމްޑީޕީގެ ވެރިކަން ވެއްޓިގެން ދިޔަ ގޮތް މިހާރު ސާފުވާ ކަމަށެވެ. އަދި އޭރު އެއީ ބަޣާވާތެކޭ ހީވިޔަސް މިހާރު މަންޒަރު ބަދަލުވެއްޖެ ކަމުގައި މޫސަ ވިދާޅުވިއެވެ.

ހައްޖުވެރީންގެ އެންމެ ފަހު ގުރޫޕް މިއަދު މާލެ އައިރު، ނައިބު ރައީސް ވަނީ އެއާޕޯޓަށް ވަޑައިގެން ހައްޖުވެރީންނަށް މަރުޙަބާ ވިދާޅުވެ ޙާލު އަހުވާލު އޮޅުންފިލުއްވާފައެވެ. މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން އެންމެ ފަހު ގުރޫޕް ރާއްޖެ އައިސްފައި ވަނީ މިއަދު ހަވީރުގައެވެ. މި ގުރޫޕްގައި ހިމެނެނީ މޯލްޑިވްސް ހައްޖު ކޯޕަރޭޝަންގެ ޙަވާލުގައި ހައްޖަށް ދިޔަ މީހުންނެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ކުރިއަށް މިއޮތް ދައުރު އެންމެ މުހިންމު އަމާޒަކީ އާ ޒުވާނުންނަށް، އެ ޖީލަށް ފުރުސަތު ހުޅުވާލައި، ރާއްޖޭގެ ކަންކަމުގައި ބަސްބުނެ، ހަރަކާތްތެރިވުމުގެ ޖާގަ ޒުވާނުންނަށް މިހާރަށްވުރެ ރަނގަޅަށް ހޯދައި ދިނުމާއި، އަމާން މުޖުތަމައެއް ގާއިމް ކުރުމަށް ފަށާފައިވާ މަސައްކަތާއިގެން ކުރިޔަށް ދިޔުން ކަމަށެވެ.

އެމަނިކުފާނު މިހެން ވިދާޅުވީ، މިއަދު ގުރައިދޫ ދާއިރާގެ ތިން ރަށަކަށް ފެއްޓެވި ކެމްޕޭން ދަތުރުފުޅުގައި މިއަދު މެންދުރު، ކ ގުރައިދޫއަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައެވެ. ރައީސުލްޖުމްހޫރިއްޔާ ގުރައިދޫއަށް ވަޑައިގެންނެވުމުން އެރަށުގެ ރައްޔިތުންގެ ފަރާތުން ވަނީ އެމަނިކުފާނަށް ހޫނު މަރުޙަބާއެއް ދަންނަވާފައެވެ.

އެމްޑީޕީން ހާމަކޮށްފައިވާ ގޮތުގައި މިއަދު އެޕާޓީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު މާލެ އަތޮޅުގެ ތިންރަށަކަށް ފެއްޓެވި ދަތުރުފުޅުުގައި ވަޑައިގަންނަވާނީ، ގުޅި، ގުރައިދޫ، އަދި މާފުއްޓަށެވެ. މިގޮތުން ރައީސުލްޖުމްހޫރިއްޔާ މިއަދު މެންދުރު އެންމެ ފުރަތަމަ ވަޑައިގެންނެވީ، ގުޅިއަށެވެ. އެރަށުގެ ރައްޔިތުންގެ ފަރާތުން ރައީސުލްޖުމްހޫރިއްޔާއަށް ވަނީ ހޫނު މަރުޙަބާއެއް ދަންނަވާފައެވެ.

އެކޮމިޝަނުން ބުނީ، " ދަ ޑިމޮކްރެޓްސް” ނަމުގައި، ސިޔާސީ ޕާޓީ އެއް އުފެއްދުމަށް، ހ. ސީވީޑް އަލްއުސްތާޛް ޙަސަން ލަތީފް ހުށަހަޅުއްވާފައިވާ ހުށަހެޅުއްވުމާ ގުޅިގެން، ސިޔާސީ ޕާޓީއެއް ރަޖިސްޓަރީ ކުރުމަށްޓަކައި ފުރިހަމަ ވާންޖެހޭ އިޖްރާއާތު ފުރިހަމަ ކޮށްފައިވާތީ، "ދަ ޑިމޮކްރެޓްސް" ސިޔާސީ ޕާޓީތަކުގެ ދަފްތަރުގައި މިހާރު ހިމަނާފައިވާ ކަމަށެވެ. އަދި ދަޑިމޮކްރެޓްސްގެ ރަޖިސްޓަރީ ޙަވާލުކުރުމުގެ ބައްދަލުވުމެއްވެސް މިއަދު ވަނީ ބާއްވާފައެވެ.

މިނިސްޓްރީ އޮފް ނެޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރގައި މިއަދު ބޭއްވި ރަސްމިއްޔާތުގައި މިމަޝްރޫޢުގެ އެއްބަސްވުންތަކުގައި ސޮއެކޮށްފައި ވަނީ، ކެޕިޓަލް މެރިން އެންޑް ސިވިލް ކޮންސްޓްރަކްޝަންއާއެކުގައެވެ. މިއެއްބަސްވުމުގައި، ޕްލޭނިންގ މިނިސްޓްރީގެ ފަރާތުން ސޮއިކުރެއްވީ، އެ މިނިސްޓްރީގެ ޑިރެކްޓަރ ޖެނެރަލް ފާތިމަތު ޝާނާ ފާރޫޤެވެ. އަދި ކެޕިޓަލް މެރިން އެންޑް ސިވިލް ކޮންސްޓްރަކްޝަންގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ ސިވަރާޖާ މަނިވައްނަންއެވެ.

ފުލުހުންގެ އިދާރާއިން ބުނީ، އާރުޑީސީއާ ގުޅޭގޮތުން ފުލުހުން ތަހުގީގު ކުރަމުންގެންދާ މައްސަލަ ތަހުގީގު ކުރުމަށްޓަކައި ކުރަންޖެހޭ މަސައްކަތްތައް ދިވެހި ފުލުހުންގެ ޚިދުމަތުން ގެންދަނީ ކުރަމުންކަމަށެވެ. އަދި މި މައްސަލައިގެ ތަހުގީގާ ގުޅޭ އެއްވެސް މަޢުލޫމާތެއް، ތަހުގީގުގައި ބައިވެރިވާ އެއްވެސް ފަރާތަކުން ދިޔަރެސް ނޫހާއި ހިއްސާކޮށްފައި ނުވާކަމުގައިވެސް ފުލުހުންގެ އިދާރާއިން ވަނީ ބުނެފައެވެ.

އެމްއެންޑީއެފުން ބުނީ، ފުވައްމުލަކު ސިޓީ ވެމްކޯ ކުނިއަޅާސަރަހައްދުގައި އަލިފާނުގެ ހަދިސާއެއް ހިނގައިގެން އެމްއެންޑީއެފް ސަދަން އޭރިއާ ކޮމާންޑް، ފުވައްމުލަކު ފަޔަރ ސްޓޭޝަނުން ހަރަކާތްތެރިވަމުންދާ ކަމަށެވެ. ކުނިގޮނޑުގައި އަލިފާން ރޯވި ސަބަބެއް ނޭނގެއެވެ. ފުވައްމުލަކު ކުނި ގޮނޑުގައި ހޯމަ ދުވަހުވެސް ވަނީ ރޯވެފައެވެ. އެދުވަހުވެސް ރޯވެފައި ވަނީ މެންދުރު ފަހުގެ ވަގުތުގައެވެ. ފުވައްމުލަކު ކުނި ގޮނޑުގައި ދޭތެރެ ދޭތެރެއިން އަލިފާން ރޯވާން ދިމާވާއިރު އެކަމުގެ ސަބަބާއި ގުޅޭ ގޮތުން ކަމާއި ބެހޭ ފަރާތްތަކުން އެއްވެސް އެއްޗެއް ހާމަކޮށްފައެއްނުވެއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، މިބައްދަލުވުމުގައި ވަނީ 2022 މާރިޗު 9އިން 10އަށް ބޭއްވި ނޭޝަނަލް ސެކިއުރިޓީ އެޑްވައިޒަރުންގެ 5 ވަނަ ބައްދަލުވުމާއި 2022 ޖުލައި 7 ގައި ބޭއްވި ޑެޕިއުޓީ ނޭޝަނަލް ސެކިއުރިޓީ އެޑްވައިޒަރުންގެ 6 ވަނަ ބައްދަލުވުމުގެ ނިންމުންތަކާއި ގުޅޭގޮތުން މަޝްވަރާކޮށްފައެވެ. އަދި ކޮލަމްބޯ ސެކިއުރިޓީ ކޮންކްލޭވްގެ އެކި ދާއިރާތަކުން ކުރިޔަށްގެންގޮސްފައިވާ ހަރަކާތްތަކާ ގުޅޭގޮތުންނާއި 2023-2024ގައި ކުރިޔަށްގެންދާނެ ހަރަކާތްތަކާއި ގުޅޭގޮތުން މި ބައްދަލުވުމުގައި މަޝްވަރާކޮށްފައިވާކަމުގައި ރައީސުލްޖުމްހޫރިިއްޔާގެ އޮފީހުން ވިދާޅުވެފައިވެއެވެ. އަދި މި ބައްދަލުވުމުގައި މެންބަރު ޤައުމުތަކުން ވަނީ ޑެޕިއުޓީ ނޭޝަނަލް ސެކިއުރިޓީ އެޑްވައިޒަރުންގެ 8 ވަނަ ބައްދަލުވުން އަންނަ 2024 ވަނަ އަހަރުގެ ފުރަތަމަ ކުއާޓަރގައި ބޭއްވުމަށް ވެސް ނިންމާފައިވާ ކަމުގައި އެ އޮފީހުން ވަނީ ހާމަކުރައްވާފައެވެ.

އަދީބު އުފައްދަވާފައިވާ ސިޔާސީ ޕާޓީ އެމްޓީޑީން ހާމަކޮށްފައިވާ ގޮތުގައި އަދީބު ބޭސްފަރުވާއަށް ސިންގަޕޫރަށް ފުރާވަޑައިގެންފައި ވަނީ ރޭގައެވެ. އެޕާޓީން ބުނެފައި ވަނީ އަދީބު ފަރުވާ ހޯއްދަވަމުން ގެންދަވަނީ ފުރާނައަށް ނުރައްކާވާފަދަ ނާރުގެ އާލާސްކަންފުޅަަކަށެވެ. އަދި ބޭސްފަރުވާއަށް އެމަނިކުފާނު ރާއްޖެއިން ބޭރަށް ފުރާވަޑައިގެންފައި ވަނީ، ރާއްޖެއިން ހެދެން ނެތް ޓެސްޓްތަކެއް ހެއްދެވުމަށް ޑޮކްޓަރުން ލަފާ ދެއްވާފައިވާތީ، މޯލްޑިވްސް ކަރެކްޝަނަލް ސަރވިސްގެ ހުއްދަ އާއެކުގައެވެ. ކަރެކްޝަންސްއިން އަދީބަށް ރާއްޖެއިން ބޭރަށް ދިޔުމަށް ހުއްދަ ދެއްވާފައި ވަނީ 10 ދުވަހުގެ މުއްދަތަށެވެ. އަދި އަދީބާއިއެކު ސެކިއުރިޓީންވެސް ވަނީ ފޮނުވާފައެވެ.

އިސްރަށްވެހިންނަށް ޚާއްސަ މަރުކަޒެއް ޤާއިމްކުރައްވައި، މޫނިފޫހި ފިލުވުމާއި، އެނޫންވެސް ޚިދުމަތްތައް އުމުރުން ދުވަސްވީ މީހުންނަށް ލިބޭނެ މަރުކަޒެއް ޤާއިމްކުރެއްވުމަކީ މިސަރުކާރުން ޚާއްޞަ އިސްކަމެއް ދެއްވައިގެން ކުރައްވާނެ ކަމެއްކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ މީގެ ކުރިން އިޢުލާނުކުރައްވާފައެވެ. އިސްރަށްވެހިންގެ މަރުކަޒު ތަރައްޤީކުރުމުގެ މަސައްކަތް ކުރިޔަށްދާ ގޮތާއި ގުޅޭ ގޮތުން، ރައީސުލްޖުމްހޫރިއްޔާގެ ނައިބުގެ ވާހަކަފުޅުގައި ވިދާޅުވީ، މިހާރު ކުރިޔަށްދަނީ އެމަރުކަޒު ހުޅުވުމަށް ވާންޖެހޭ ތައްޔާރީތައް ވުމުގެ މަސައްކަތް ކަމަށެވެ. އަދި އެފަދަ މަރުކަޒެއް ވަރަށް އަވަހަށް ހުޅުމާލޭގައިވެސް ހުޅުވިގެންދާނެ ކަމަށާއި، އަތޮޅުތަކުގައިވެސް އެފަދަ މަރުކަޒުތައް ތަރައްޤީކުރުމަށް ސަރުކާރުން މަސައްކަތް ކުރަމުންދާކަމުގައި ރައީސުލްޖުމްހޫރިއްޔާގެ ނައިބު ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، ސަރުކާރުން ޤާއިމުކުރާ ޑިޖިޓަލް ސަރުކާރުގެ އެންމެބޮޑު އެއް އަމާޒަކީ، ޚިދުމަތްތައް އަވަހަށް ފޯރުކޮށްދިނުންކަމަށެވެ. އަދި ޑިޖިޓަލް ސަރުކާރުގައި ހިމެނޭ މުއައްސަސާތަކުގެ އެޕްލިކޭޝަން ފޯމުތައް މިހާރު ހުންނާނީ ފަސޭހައިން ޚިދުމަތްތަކަށް އެދެވޭނެގޮތަށް ބަދަލުކޮށްފައި ކަމަށާއި، އަދި ހޯދަން ބޭނުންވާ ޚިދުމަތްތަކާ ބެހޭ ހުރިހާ މަޢުލޫމާތެއް، އެއް ތަނަކުން ލިބޭނެގޮތް ހަމަޖެހިފައި ވުމުގެ ސަބަބުން ރައްޔިތުންގެ އެތައް ވަގުތެއް ސަލާމަތްކުރެވި، ޚިދުމަތް އަވަސްވެގެންދާނެކަމުގައި ރައީސުލްޖުމްހޫރިއްޔާ ވިދާޅުވިއެވެ.