Advertisement

ފޮޓޯ: އެމްއޭސީއެލް

22 Nov 2023
ޚަބަރު

ވީއައިއޭގެ ފިއުލް ހައިޑްރަންޓް ނެޓްވޯކް ޓެސްޓުކުރަން ފަށައިފި

ވެލާނާ އިންޓަނޭޝަނަލް އެއާޕޯޓް، ވީއައިއޭގެ ފިއުލް ހައިޑްރަންޓް ނެޓްވޯކް ޓެސްޓުކުރަން ފަށައިފިއެވެ. ވީއައިއޭ ހިންގާ މޯލްޑިވްސް އެއަރޕޯޓްސް ކޮންޕެނީ ލިމިޓެޑް، އެމްއޭސީއެލްއިން ބުނީ ފިއުލް ހައިޑްރަންޓް ނެޓްވޯކް ޓެސްޓުކުރުމުގެ މަސައްކަތުގެ ފޭސް1 މިހާރު ނިމިފައިވާކަމަށެވެ.

ވީއައިއޭއަށް ޖައްސާ ބޯޓުފަހަރަށް މިހާރު ތެޔޮއަޅަމުންދަނީ ބައުޒަރުތައް ބޭނުންކޮށްގެންނެވެ. ނަމަވެސް މި ފިއުލް ހައިޑްރަންޓް ނެޓްވޯކް ބޭނުންކުރަން ފެށުމުން ބައުޒަރުތަކުގެ ބަދަލުގައި  ބޯޓު ޕާކްކުރާ ސަރަހައްދުގައި ގާއިމްކޮށްފައިވާ ތެޔޮ އަޅާ ހޮޅިތައް ނުވަތަ ހައިޑްރޭންޓް ސިސްޓަމް މެދުވެރިކޮށް ސީދާ ބޯޓަށް ތެޔޮ އެޅޭ ގޮތަށެވެ. މި ހައިޑްރަންޓް ނެޓްވޯކް އަޅާފައިވަނީ، ރަންވޭގެ އަޑިން ހޮޅިތަކެއް އަޅައިގެންނެވެ.

ފިއުލް ހައިޑްރަންޓް ނެޓްވޯކާ އެކު ތެޔޮ އެޅުމުގެ މަސައްކަތް 70 ޕަސެންޓަށް އަވަސް ވާނެ ކަމަށް އެމްއޭސީއެލް އިން ބުނެއެވެ. މިހާރު ވައިޑް ބޮޑީ އެއާކްރާފްޓަކަށް ތެޔޮ އެޅުމަށް 60 މިނެޓާއި 70 މިނެޓް ހޭދަވާއިރު މި ފިއުލް ހައިޑްރަންޓް ނެޓްވޯކާއިއެކު މި ވަގުތު 15 މިނެޓަށް ކުޑަވެގެންދާނެއެވެ.

އެމްއޭސީއެލް އިން ބުނީ، މި ފިއުލް ހައިޑްރަންޓް ނެޓްވޯކް ޓެސްޓުކުރުމަށް ފަހު ބޭނުންކުރަން ފަށާނީ އަންނަ އަހަރު ކުރީކޮޅު ކަމަށެވެ. މިހާރު ކުރަމުންދަނީ ބޭނުންކުރަން ފެށުމުގެ ކުރިން ޓެސްޓު ކުރުމުގެ މަރުހަލާއެވެ. އެގޮތުން ތެޔޮ އެޅުމަށް ބޭނުންވާ ޕްރެޝަރު ލިބޭތޯއާއި، ބައިނަލްއަޤްވާމީ ސްޓޭންޑާޑަށް ފެތޭތޯއާއި އަދި އެއްވެސް މައްސަލައެއް އުޅޭތޯ ބެލުމުގެ މަސައްކަތެވެ.

މި ފިއުލް ހައިޑްރަންޓް ނެޓްވޯކުން ސީޕްލޭންތަކަށްވެސް ތެޔޮ އެޅުމުގެ އިންތިޒާމްތައް ހަމަޖެހިގެންދާނެކަމަށް އެމްއޭސީއެލްއިން ބުނެއެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.