ފަލަސްޠީނުގެ ރައްޔިތުންނަށް އެހީވުމަށްޓަކައި، ރާއްޖޭގެ ފިލްމް އެސޯސިއޭޝަންގެ ފަރާތުން ކުރިއަށް ގެންދިޔަ "އިންސާނިއްޔަތަށްޓަކައި" ކެމްޕޭނުގެ ތެރެއިން ހިންގި ހަރަކާތްތަކުން ލިބުނު ބައި މިލިޔަނަށްވުރެ ގިނަ ރުފިޔާ، އިންޓަރނޭޝަނަލް އެއިޑްކެމްޕެއިން، އައިއޭސީއާ ހަވާލުކޮށްފިއެވެ.

މިއެހީ އައިއޭސީއާ ހަވާލުކޮށްފައި ވަނީ ފިލްމް އެސޯސިއޭޝަންގެ ފަރާތުން ރޭ ބޭއްވި ޙަފްލާއެއްގައެވެ. 

ފިލްމް އެސޯސިއޭޝަނުން، "އިންސާނިއްޔަތަށްޓަކައި" ނަމުގައި ކުރިޔަށް ގެންދިޔަ ކެމްޕޭންގެ ދަށުން ހިންގި ހަރަކާތްތަކުން، ޖުމްލަ 685،651.90ރ. ލިބިފައިވާކަމުގައި ފިލްމް އެސޯސިއޭޝަނުން ވަނީ ބުނެފައެވެ.

ފިލްމް އެސޯސިއޭޝަންގެ މިހަރަކާތްތައް ކުރިޔަށް ގެންގޮސްފައި ވަނީ، ހުސްވި އޮކްޓޫބަރު މަހުގެ 27 ވަނަ ދުވަހުން ފެށިގެން މި މަހުގެ 3 ވަނަ ދުވަހާއި ހަމައަށެވެ.