ރައްޔިތުންގެ މަޖިލީހުގެ ހިނގަމުން މިދާ ދައުރުގެ އެންމެ ފަހު ޖަލްސާ ކުރިން އޮތް ގޮތުން ބާއްވަން އޮތީ މިމަހުގެ 29 ވާ ބުދަ ދުވަހުގައެވެ. އެހެން ނަމަވެސް ބަޖެޓްގެ މަސައްކަތްތަކާއި މަޖިލީހުގެ އެހެން ބައެއް މަސައްކަތްތައް ނުނިމި ހުރުމާއިއެކު އަންނަ ޑިސެމްބަރު މަހުގެ 7 ވަނަ ދުވަހާއި ހަމައަށް މަޖިލީހުގެ ޖަލްސާ ކުރިޔަށް ގެންދިޔުމަށް ރިޔާސަތުން ހުށައަޅުއްވައި އެގޮތަށް ފެނޭތޯ މެމްބަރުންގެ މެދުގައި ވަނީ ވޯޓަށް އަހާފައެވެ.

ދިވެހިންނަށް ފަސޭހަކަމާއިއެކު "ސިމްލެސް ޓްރެވެލް" ގެ ޙިދުމަތް ފޯރުކޮށްދިނުމުގެ ގޮތުން މޯލްޑިވްސް އިމިގްރާޝަނުން "އީ-ގޭޓް" ގެ ޙިދުމަތް އަލުން ފަށައިފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކެބިނެޓަށް އައްޔަންކުރެއްވި ބޭފުޅުންގެ ތެރޭގައި އެހެން އެއްވެސް ޤައުމެއްގެ ޕާސްޕޯޓެއް އޮތް ބޭފުޅަކު ހުންނެވިތޯ ބަލަން މަޖިލީހުގެ ސަރުކާރުގެ މަސްއޫލިއްޔަތު އަދާކުރާ ކޮމިޓީން ނިންމަވައިފިއެވެ.

ބައެއް މުއައްސަސާތަކާއި ގައުމުތަކުގެ ސަފީރުކަމަށް އައްޔަން ކުރަން ކުރީގެ ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުވާފައިވާ ނަންތައް މި ސަރުކާރުން އަނބުރާ ގެންގޮސްފިއެވެ.

މާލޭ ސިޓީގެ މޭޔަރު ހޮވުމަށް ބާއްވާ ބައި-އިލެކްޝަން އަންނަ ޖެނުއަރީ މަހުގެ 13 ވަނަ ދުވަހު ބާއްވަން ނިންމާފައިވާކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވެއްޖެއެވެ.

މަޖިލީހުގެ ދައުރު ޑިސެމްބަރު މަހުގެ 7 ވަނަ ދުވަހާއި ހަމައަށް ދިގުދަންމާލާނަމަ އެކަމަށް މަޖިލީހުގައި ވޯޓަށް އަހައި ފާސްކުރަންޖެހޭނެއެވެ. އެހެންވެ މިއަދު 1:30ގައި އެކަމަށް ވޯޓަށް އަހާނެއެވެ.

ނޮވެމްބަރު 3 ގެ އުދުވާނީ ހަމަލާއަށް މިއަހަރު 35 އަހަރު ފުރުނު އިރު، ޢަބުދުﷲ ލުޠުފީ އޭނާގެ މައްޗަށް ކޮށްފައިވާ ހުކުމްތަން ތަންފީޒްކޮށް ނިމި މިނިވަންވީ މިއަދުއެވެ. ޢަބުދުﷲ ލުޠުފީއާއެކު ނޮވެމްބަރު 3 ގެ ޢުދުވާނީ ހަމަލާ ހިންގިމުގައި ބައިވެރިވި، ސަގަރު އަހްމަދު ނާސިރު ވަނީ، މީގެ 9 އަހަރު ކުރިން، 2014 ވަނަ އަހަރު މިނިވަންވެފައެވެ.

ޑރ. މުހައްމަދު މުޢިއްޒުގެ ވެރިކަމުގެ ފުރަތަމަ ދުވަހު ރައީސް ޔާމީނު މިނިވަންކޮށްދެއްވާނެކަމަށް، ޑރ. މުޙައްމަދު މުޢިއްޒު ސަޕޯޓަރުންނަށް ވަޢުދުވެވަޑައިގެންނެވި ނަމަވެސް ވެރިކަމުގެ ދެވަނަ ހަފްތާ ފެށުނު އިރުވެސް ރައީސް ޔާމީނު މިނިވަންކުރެއްވުމަށް، ޑރ. މުޙައްމަދު މުޢިއްޒުގެ ސަރުކާރު އެކަށީގެންވާ މަސައްކަތްތަކެއް ކޮށްފައެއް ނުވެއެވެ. އޭގެ އިތުރަށް ވެރިކަން ލިބިވަޑައިގެންނެވުމާއި، އެކު ޑރ. މުޢިއްޒު ވަނީ ރައީސް ޔާމީން އެކަހެރިކޮށްލައްވާފައެވެ.

ރައީސް ޔާމިނު އަލަށް އުފައްދަވާ ޕާޓީ، ޕީއެންއެފް އުފެއްދުމުގެ މަސައްކަތުގައި އިސްކޮށް މަސައްކަތް ކުރައްވާ، މުޙައްމަދު މަލީހް ޖަމާލު ވަނީ، ހުރަފައިގައި، ރައީސް ޔާމީނާއި، ޑރ. ޖަމީލު ބައްދަލު ކުރައްވާ ފޮޓޯއެއް އާއްމުކޮށްފައެވެ.

ދިވެހި ފުލުހުންގެ ޚިދުމަތާއި އަލަށް ގުޅުނު ފަރާތްތަކުގެ ތެރޭގައި ހިމެނެނީ، 56 އަންހެނުންނާއި 55 ފިރިހެނުންނެވެ މީގެ ތެރެއިން، 11 އަންހެނުންނާއި 13 ފިރިހެނުން ގުޅިފައި ވަނީ، ފުލުހުންގެ ސްޕެޝަލް ކޮންޓަބިއުލަރީއާއެވެ.

މޯލްޑިވުސް ކަރެކްޝަނަލް ސަރވިސްއިން ހާމަކުރައްވާފައިވާ ގޮތުގައި، “ސެޓްފިކެޓް 3 އިން ކަސްޓޯޑިއަލް މެނޭޖްމަންޓް އެންޑް ސެކިއުރިޓީ” ޕްރޮގްރާމް ގެ 10 ވަނަ ބެޗްގައި، ޖުމުލަ 38 ފަރާތަކުން ބައިވެރިވިއިރު އޭގެތެރެއިން 37 ފަރާތަކުން ވަނީ ތަމްރީނު ފުރިހަމަކޮށް ދަސްވެނިވެ މަޤާމުގެ ހުވާކޮށްފައެވެ. ދަސްވެނިވި އޮފިސަރުންނަށް މަޤާމުގެ ހުވައި ލައިދެއްވީ، ސިވިލްކޯޓުގެ ގާޟީ ފައިސަލް އާދަމްއެވެ.

މިރަސްމިއްޔާތުގައި އަލަށް މޯލްޑިވުސް ކަރެކްޝަނަލް ސަރވިސް އާއި ގުޅި އަސާސީ ތަމްރީން ފުރިހަމަކޮށް ދަސްވެނިވި އޮފިސަރުންނާއި މުޚާޠަބު ކުރައްވައި، މިނިސްޓަރ ޢަލީ އިޙްސާން ވިދާޅުވީ، ޕްރިޒަން އޮފިސަރުންނަކީ، ގޮންޖެހުންތަކާއި ކުރިމަތިލާން ޖެހޭ ބައެއް ކަމަށެވެ.

އެމަޤާމަށް ރައީސުލްޖުމްހޫރިއްޔާ ނަޝާތު ޢައްޔަނުކުރައްވާފައި ވަނީ، ޤާނޫނު ނަންބަރު 3/2013 (ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒްކުރުމާއި އަދި މޮނިޓަރކޮށް އިވެލުއޭޓްކުރުމުގެ ޤާނޫނު) ގެ 3 ވަނަ މާއްދާގެ (ހ) ގެ ދަށުން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުންނެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމްއޭސީއެލްއަށް ދިގު މުއްދަތަކަށް ހިދުމަތްކޮށްދީފައިވާ 139 މުވައްޒަފެއްގެ އަގުވަޒަންކޮށްފިއެވެ. މި ރަސްމިއްޔާތުގައި ކުންފުނީގެ ޑެޕިއުޓީ މެނޭޖިން ޑިރެކްޓަރ އިބްރާހީމް ޠާހާ ގެ އިތުރުން ކުންފުނީގެ އިސްވެރިން ވަނީ ބައިވެރިވެ ވަޑައިގެންފައެވެ.

މިއަދު ހެނދުނުން ފެށިގެން ހަވީރު، 4:15 އާއި ހަމައަށް ރައްޔިތުންގެ މަޖިލީހުގެ މިއަދު ޖަލްސާ ވަނީ ކުރިޔަސް ގެންގޮސްފައެވެ. ބަޖެޓް ބަހުސް ނިންމާލައި، މަޖިލީހުގެ ޖަލްސާ ނިންމަވާލައްވަމުން، ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ވަނީ، މާދަމާ ރައްޔިތުންގެ މަޖިލީހުގެ ޖަލްސާއެއް އޮންނާނެކަން އިޢުލާނު ކުރައްވާފައެވެ.

ސްޓްލެކޯއިން ހާމަކޮށްފައިވާ ގޮތުގައި، މުޙައްމަދު ލަޠީފް ޚިދުމަތުން ރިޓަޔާކުރައްވާފައި ވަނީ މިއަދުއެވެ. ލަޠީފް މަޤާމުން ރިޓަޔަރ ކުރެއްވި އިރު އެންމެ ފަހުން އޭނާ ހުންނެވީ، ޑެޕިއުޓީ މެނޭޖިންގ ޑިރެކްޓަރގެ މަޤާމުގައެވެ.