ދިވެހި ފުލުހުންގެ ޚިދުމަތާއި އަލަށް ގުޅުނު، 111 ފުލުހަކު މަޤާމުގެ ހުވާކޮށްފިއެވެ.

ފުލުހުންގެ ޚިދުމަތާއި އަލަށް ގުޅު ފަރާތްތަކުން މަޤާމުގެ ހުވާކުރުމުގެ ރައްމިއްޔާތު ބާއްވާފައި ވަނީ މިއަދު ހެނދުނު އިސްކަންދަރު ބިލްޑިންގގައެވެ. 

ދިވެހި ފުލުހުންގެ ޚިދުމަތާއި އަލަށް ގުޅުނު ފަރާތްތަކުގެ ތެރޭގައި ހިމެނެނީ، 56 އަންހެނުންނާއި 55 ފިރިހެނުންނެވެ މީގެ ތެރެއިން، 11 އަންހެނުންނާއި 13 ފިރިހެނުން ގުޅިފައި ވަނީ، ފުލުހުންގެ ސްޕެޝަލް ކޮންޓަބިއުލަރީއާއެވެ. އަަލަށް ޚިދުމަތާއި ގުޅުނު ފުލުހުންނަށް ހުވައިލައިދެއްވީ، ދިވެހިރާއްޖޭގެ ހައިކޯޓުގެ ފަނޑިޔާރު ޢަލްއުސްތާޒު މުޙައްމަދު ފައިޞަލްއެވެ.

ފުލުހުންގެ ޚިދުމަތާއި އަލަށްގުޅުނު އޮފިސަރުން ހުވާކުރުމަށް ބޭއްވި މިރަސްމިއްޔާތުގައި، ހެޑް އޮފް ހިއުމަން ރިސޯސް، ޗީފް ސުޕްރިންޓެންޑެންޓް އޮފް ޕޮލިސް ހަސަން ހަނީފް އަދި ހެޑް އޮފް ރެކްރޫޓުމަންޓް އެންޑް ޑިޕްލޯއިމަންޓް ޔުނިޓް، ޗީފް އިންސްޕެކްޓަރ އޮފް ޕޮލިސް ހުސައިން ޝަރީފް ބައިވެރިވެވަޑައިގެންނެވިއެވެ.