ޕީޕީއެމްގެ އޮފީސް ހިންގި، ހެންވޭރު ހުރަފަ އިން، އެޕާޓީގެ އޮފީސް ބޭރުކޮށް އެއިމާރާތުގައި، ރައީސް ޔާމީން ޢަލަށް އުފައްދަވާ ޕާޓީ، ޕީއެންއެފްގެ އޮފީސް ހިންގަންފަށައިފިއެވެ.

ރައީސް ޔާމިނު އަލަށް އުފައްދަވާ ޕާޓީ، ޕީއެންއެފް އުފެއްދުމުގެ މަސައްކަތުގައި އިސްކޮށް މަސައްކަތް ކުރައްވާ، މުޙައްމަދު މަލީހް ޖަމާލު ވަނީ، ހުރަފައިގައި، ރައީސް ޔާމީނާއި، ޑރ. ޖަމީލު ބައްދަލު ކުރައްވާ ފޮޓޯއެއް އާއްމުކޮށްފައެވެ.

ބުރާސްފަތި ދުވަހު، ރައީސް ޔާމީން ޕީޕީއެމްއިން ވަކިވެވަޑައިގެންނެވުމާއި، އެކު ހުރަފަ ގޭގެ ވެރިފަރާތުން ވަނީ އެއިމާރާތުގައި ހިންގަމުން އައި ޕީޕީއެމްގެ އޮފީސް އެއްދުވަސް ތެރޭ ހުސްކުރުމަށް ޕީޕީއެމްއަށް އަންގާފައެވެ. މިގޮތުން ގޭގެ ވެރިފަރާތުން ބުނެފައި ވަނީ އެއިމާރާތަކީ ރައީސް ޔާމީނު އޮފީހެއް ހިންގެވުމަށް އެމަނިކުފާނަށް ދޫކޮށްފައިވާ ޢިމާރާޔެއް ކަމަށެވެ. 

ރައީސް ޔާމީން އިސްވެ ހުއްނަވައި އަލަށް އުފައްދަވާ ޕާޓީ، ޕީޕަލްސް ނެޝަނަލް ފްރޮންޓް އުފެއްދުުގެ ހުއްދައަށް އެދި މިއަދު ވަނީ، އިލެކްޝަންސް ކޮމިޝަނަށް ހުށައަޅާފައެވެ.