މާލެއަށް އައި ފަހުން އާއިލާއަށް ޚަބަރެއް ނުވާތީ، އުމުރުން 39 އަހަރުގެ އަންހެނަކު ހޯދުމުގެ މަސައްކަރް ފުލުހުން ފަށައިފިއެވެ.

ފުލުހުންގެ އިދާރާއިން ބުނީ، ގެއްލިފައިވާ ކަމަށް އާއިލާއިން ރިޕޯޓްކުރުމާއި ގުޅިގެން ހޯދަމުން ދަނީ، އައްޑޫ ސިޓީއަށް ނިސްބަތްވާ، ސ. ހިތަދޫ / ކަދުރުމާގެ، އާއިޝަތު ވިސާމާ (39އ) ކަމަށެވެ.

ފުލުހުން ބުނީ ވިޝާމާ މިމަހުގެ 16 ވަނަ ދުވަހު މާލެގޮސްފައިވާ ކަމަށާއި، އޭނާގެ ޚަބަރެއް އެންމެފަހުން އާއިލާއަށް ލިބިފައި ވަނީ، މިމަހުގެ 18 ވަނަ ދުވަހުގައި ކަމަށެވެ. އަދި އެދުވަހު އޭނާއާ އާއި އާއިލާގެ މީހުންނާ ވާހަކަދެކެވިފައި ވަނީ ފޯނުން ކަމަށާއި، އޭގެ ފަހުން އޭނާގެ އެއްވެސް ޚަބަރެއް ނުވާކަމުގައި އާއިލާއިން ވަނީ ފުލުހުންނަށް މަޢުލޫމާތު ދީފައެވެ.

ފުލުހުންގެ އިދާރާއިން ވިދާޅުވީ، އާއިޝަތު ވިސާމާގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހިތަދޫ ޕޮލިސް ސްޓޭޝަންގެ ނަމްބަރު 9791612 އަށް ގުޅުއްވައި އެމައުލޫމާތެއް ހިއްސާކުރުމަށް އެދޭ ކަމަށެވެ.