ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވެރިކަމުގެ ހުވާކުރެއްވުމަށް ތައްޔާރު ކުރި ޖުމްހޫރީ މައިދާން ސާފުނުކޮށް އޮތުމުން ސަރުކާރަށް އާއްމުންގެ ފާޑުކިޔުންތައް އަމާޒުވެއްޖެއެވެ.

ހުވާކުރުމުގެ ދަރުބާރު ބޭއްވިތާ އެއް ހަފްތާ ވީއިރު، އަދިވެސް ޖުމްހޫރީ މައިދާން އޮތީ ސާފު ނުކޮށެވެ. ހުވާކުރުމުގެ ރަސްމިއްޔާތަށް ހެދި ސްޓޭޖާއި އެހެނިހެން ތަކެތި ރޫޅާފައި އުކާލާފައިވާ ދަނގަޑުތަކާއި ލަކުޑިއާ ފިލާ އަދި އެހެންވެސް ބާވަތްތައް ހުރީ ޖުމްހޫރީ މައިދާނުގެ އެކި ސަރަަހައްދުތަކުގައި ފުނި ޖަހާފައެވެ. 

މީގެ އިތުރުންވެސް ބައެއް ފަރާތްތަކުން ވަނީ، ޖުމްހޫރީ މައިދާން ސާފުނުކޮށް އޮތުމުގެ ކަންބޮޑުވުން ފާޅުކޮށްފައެވެ. މީގެ އިތުރުން 23 މިލިއަން ރުފިޔާ ޚަރަދުކޮށްގެން އެންމެ 2 ގަޑިއެއްހާ އިރަށް ޖުމްހޫރީ މައިދާން ތައްޔާރުކުރަން ކުރި ބޮޑު ހޭދައަށްވެސް އާއްމުންގެ ފާޑުކިޔުންތައް އަމާޒުވެފައި ވެއެވެ.