Advertisement
މިހާރު އުކުޅަހުގައި ކުރިޔަށްދާ އެމްޑީޕީގެ ޤައުމީ މަޖިލީހުގެ ވޯކިންގ ސެޝަންގެ ތެރެއިން ---
އެމްޑީޕީގެ ޤައުމީ މަޖިލީހުގެ މުހިއްމު ބައްދަލުވުމެއް މިރޭ އުކުޅަހުގައި
އިދިކޮޅު ޕާޓީ އެމްޑީޕީގެ ޤައުމީ މަޖިލީހުގެ މުހިއްމު ބައްދަލުވުމެއް މިރޭ އުކުޅަހުގައި އޮންނާނެކަމުގައި އެޕާޓީން ހާމަކޮށްފިއެވެ.
އެމްޑީޕީގެ ޤައުމީ މަޖިލީހުގައި ހިމެނޭ މެމްބަރުން މިއަދު ވަނީ، އއ. އުކުޅަހަށް ވަޑައިގެންފައެވެ. އަދި މިއަދު މެންދުރުފަހު އުކުޅަހުގައި ހުންނަ ކޮންވެންޝަން ސެންޓަރުގައި ވަނީ، އެޕާޓީގެ ޤައުމީ މަޖިލީހުގެ ވޯކިންގ ސެޝަންތަކެއް ކުރިޔަށް ގެންގޮސްފައެވެ. އެހެން ނަމަވެސް އެޕާޓީގެ ފަރާތުން ރަސްމީ ގޮތުން ބާއްވާ ޤައުމީ މަޖިލީހުގެ ބައްދަލުވުން އޮންނާނީ މިރޭގައެވެ.
އެމްޑީޕީގެ އިސްބޭފުޅުން ހާމަކުރައްވާފައިވާ ގޮތުގައި، އެމްޑީޕީގެ ޤައުމީ މަޖިލީހުގެ މިރޭގެ ބައްދަލުވުމަކީ އެޕާޓީގެ ކުރިމަގާއި ގުޅޭ ގޮތުން މުހިއްމު ނިންމުތަކެއް ނިންމާނެ ބައްދަލުވުމަކަށް ވެގެން ދާނެއެވެ.
