މިފްކޯއަށް މަސްގަންނަ އަގަށް މިއަދުން ފެށިގެން އެކުންފުނިން ބަދަލުތަކެއް ގެނެސްފައި ވާއިރު، ސަރުކާރުން ވަޢުދުވީ އަގު ކަމުގައިވާ 20ރ އަށް މަސްކިލޯއެއް ގަނެވެން ނެތް ސަބަބުވެސް އެމަނިކުފާނު ވަނީ ހާމަކުރައްވާފައެވެ. ފިޝަރީޒް މިނިސްޓަރ ވިދާޅުވީ، ރިޔާސީ އިންތިޚާބުގެ ތެރޭގައި މިސަރުކާރުން މަސްވެރިންގެ އަތުން 20ރއަށް މަސްކިލޯއެއް ގަތުމަށް ވީ ވަޢުދު ބިނާކުރި އެއް ސަބަބަކީ، ޔޫރަޕަށް ރާއްޖޭގެ މަސް އެކްސްޕޯޓްކުރުމަށް ނަގަމުން އައި ޑިއުޓީ، ވަރަށް އަވަހަށް އުވާލާނެ ކަމަށް ވިދާޅުވެ ކުރީގެ ސަރުކާރުން މަސްވެރިންނަށާއި ރައްޔިތުންނަށް ދެމުން އައި އުއްމީދު ކަމަށެވެ. އަދި އެކަން އެގޮތަށް ހަމަޖެހިގެންދާނެ ކަމުގައި އެބޭފުޅުންވެސް އުއްމީދު ކުރެއްވި ކަމުގައި ފިޝަރީޒް މިނިސްޓަރ ވިދާޅުވިއެވެ. އަދި އޭރު ކުރީގެ ސަރުކާރުން މަސްކިލޯއެއް 25ރ އަށް ގަންނަން ފެށިކަންވެސް މިނިސްޓަރ ފާހަގަ ކުރެއްވިއެވެ.

އިިއްޔެ އިން ފެށިގެން، ބޮޑު ކަންނެލީގެ މަސްވެރިކަން ކުރާ ފަރާތްތަކުން ވަނީ، ހުޅުމާލޭ ފަޅުގަޔާއި، މާލޭ އެއް ނަމްބަރު ޖެޓީ ސަރަހައްދުގައި މުޒާހަރާކޮށްފައެވެ. ބޮޑު ކަންނެލީގެ މަސްވެރިންގެ މައިގަނޑު ޑިމާންޑަކީ، ލޭނުއެޅުމުގެ މަސްވެރިކަމަށް ބޭރުގެ ފަރާތްތަކަށް ހުއްދަ ދިނުމަށް ސަރުކާރުން ކުރަމުންދ ާމަސައްކަތްތައް ހުއްޓާލުމާއި، މަސްވެރިންނަށް އަގުހެޔޮކޮށް ޑީސަލް ލިބޭނެ ގޮތް ހަދައި ދިނުމެވެ.

ނޫސްވެރިންގެ މިބައްދަލުވުމުގައި، އެމިނިސްޓްރީގެ ސްޓޭޓް މިނިސްޓަރ މުޙައްމަދު މުއްޠަލިބް ވިދާޅުވީ، އެމިނިސްޓްރީން ރާވާފައި ވަނީ، ކަނޑުތަކުގެ ދުވަސް ފާހަގަކުރުމަށް ހިންގާ ހަރަކާތްތަކުގައި ވީހާވެސް ގިނަ ބަޔަކު ބައިވެރިކޮށްގެން އެހަރަކާތްތައް ކުރިޔަށް ގެންދިޔުމަށް ކަމަށެވެ.

މިދިޔަ އާދީއްތަ ދުވަހު ދިން ފައިސާއާއެކު، ހުކުރު ދުވަހާ ހަމައަށް މަސްވެރިން ބާނާފައިވާ މަހަށް ފައިސާ ދީ، މިފްކޯއިން މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ސާފު ކުރެވިއްޖެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒު ވިދާޅުވެއްޖެއެވެ. މަސްވެރިންނަށް ނުދެވި ހުރި 157 މިލިއަން ރުފިޔާ ރޯދައިގެ ކުރިން ދޫކުރާނެކަމަށް ރައީސް ވަނީ ކުރިން ވިދާޅުވެފައެވެ. މި ފައިސާ ދޫކުރަން ފަށާފައިވަނީ އާދީއްތަ ދުވަހުއެވެ.

ކުރީ ސަރުކާރުގެ ދުވަސްވަރު މަސްވެރިން ކިރުވާފައިވާ މަހަށް އޭރު ސަރުކާރުން ފައިސާ ނުދީ އޮތް ކަމުގައި ބުނެ، މިސަރުކާރުގެ ސިޔާސީ ބޭފުޅުން ވާހަކަފުޅުތައް ދައްކަވަމުން ދާއިރު، މިއަދު މިފްކޯއިން އެކްސްގައި ކުރި ޕޯސްޓްގައި ބުނެފައި ވަނީ، ސަރުކާރު މިއަދު ޖަމާކޮށްދިން ފައިސާ އާއެކު، 14 ޖެނުއަރީގެ ކުރިން މަސްވެރިން މަސްކިރުވައި ދޫކޮށްފައިވާ ހުރިހާ ބިލަކަށް ފައިސާދީ ނިމޭނެ ކަމަށެވެ.

މިނިސްޓަރ ޝިޔާމް ވިދާޅުވީ، ދެކުނުގެ އަތޮޅުތަކުން 56 ދޯންޏަކުން ކޮންމެ ދޯންޏަކުން އެއް ފަޅުވެރިއަކު، ރެސްކިއު ޑައިވަރ ފެންވަރަށް ތަމްރީނުކޮށްފައިވާ ކަމަށެވެ. މިގޮތުން، އެންމެ ގިނަ ޑައިވަރުން ތަމްރީންކޮށްފައި ވަނީ ގއ. އަތޮޅުންނެވެ. އެއަތޮޅުން އެކަނިވެސް 37 މީހުން ތަމްރީންކޮށްފައިވެއެވެ.

މަސްވެރިންގެ އަތުން މަސް ގަތުމަށްފަހު ސަރުކާރުން ދޭން ޖެހިފައިވާ ފައިސާގެ ތެރެއިން 70 މިލިއަން ރުފިޔާ ދޫކޮށްފައިވާކަމަށް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ހާމަކޮށްފިއެވެ.

މިނިސްޓްރީ އޮފް ފިޝަރީޒް އެންޑް އޮޝަން ރިސޯސަސް އިން ނެރުނު ނޫސް ބަޔާނެއްގައި ބުނީ، ބުދަ ދުވަހުގެ ރެއާއި ހަަމައަށް މަސްވެރިންނަށް، 70 މިލިއަން ރުފިޔާ ޖަމާކޮށްދީފައިވާ ކަމަށާއި، މިފެބުރުއަރީ މަހުގެ 26 ވާ ހޯމަދުވަހުގެ ކުރިން އިތުރު 30 މިލިޔަން ރުފިޔާ އާއެކު ޖުމުލަ 100 މިލިޔަން ރުފިޔާ މިހަފްތާގެ ތެރޭގައި މަސްވެރިންނަށް ޖަމާކޮށްދޭނެ ކަމަށެވެ.

މަސްވެރިންނަށް ފައިސާ ދިނުން ލަސްވުމާއި ގުޅިގެން މަސްވެރިން އެކަމުގެ ޝަކުވާތައް ކުރަމުންދާތާ ދުވަސްތަކެއް ވެއްޖެއެވެ. އެކަމާއި ނުރުހުންފާޅު ކުރުމުގެ ގޮތުން މަސްވެރިން ކުރާ އިހްތިޖާޖު ފަށާފައި ވަނީ، އާދީއްތަ ދުވަހު، ރައީސުލްޖުމްހޫރިއްޔާ އެންމެ ދެކުނުގެ ހަތަރު އަތޮޅަށް ފެއްޓެވި ދަތުރުފުޅާއި ދިމާކޮށެވެ.

މިނިސްޓަރ ޝިޔާމް ވިދާޅުވީ، މިސަރުކާރަށް ވާރުތަވީ 250 ވަރަކަށް މިލިޔަން ރުފިޔާ އާއެކު މިހާރު ނުދެވި ހުރި ޖުމްލަ 280 މިލިޔަން ރުފިޔާދޫކޮށް، މާރޗު މަހުގެ 5 ވަނަދުވަހުގެ ނިޔަލަށް ބެކްލޮގް ފިލުވާނެ ކަމަށެވެ. އެމަނިކުފާނު އިތުރަށް ވިދާޅުވީ، މަހުގެ އަގު މުރާޖަޢާ ކުރި ދުވަހުން ފެށިގެން ކިރުވާފައިވާ މަހަށްވާ 26 މިލިއަން ރުފިޔާ މިހަފްތާގެ ތެރޭގައި ދޫކުރާނެ ކަމަށާއި، މިފްކޯއަށް ކިރާ މަހަށް ހަފްތާއެއްތެރޭގައި ފައިސާ ދެވޭނެ އިންތިޒާމު މިހަފްތާއިން ފެށިގެން ހަމަޖައްސަވާނެ ކަމަށެވެ.

ރައްޔިތުންގެ މަޖިލީހުގެ ވިލިގިލި ދާއިރާގެ މެމްބަރު ސަޢުދު ޙުސައިން ވިދާޅުވީ، މަސްވެރިން ކިރުވާފައިވާ މަހަށް ފައިސާ ނުލިބި މަސްވެރި އާއިލާތަކަށް ބޮޑެތި ދަތިތަކާއި ކުރިމަތިލާންޖެހިފައިވާ ކަމަށެވެ. މިގޮތުން ސަރުކާރުގެ ޔުޓިލިޓީ ބިލްތަކާއި އިންޓަރނެޓް އަދި ލޯންތަކަށް ފައިސާ ނުދެއްކި މަސްވެރިންނަށް ކުރިމަތިވާ ގޮންޖެހުންތައް ވަރަށް ބޮޑު ކަމުގައި ސައުދު ވިދާޅުވިއެވެ. މީގެ އިތުރުން، ދުވަހުން ދުވަހަކަށް ކުރަންޖެހޭ ޟަރޫރީ ޚަރަދުތައް ކުރުމަށްވެސް މަސްވެރިންގެ އާއިލާތަކަށް ދަތިވެފައިވާކަން ސައުދު ފާހަގަކުރެއްވިއެވެ.

ޝިޔާމް ވިދާޅުވީ، މިސަރުކާރު ފެށުނު ފަހުން މަސްވެރިން ކިރުވާފައިވާ މަހުގެ އަގު 422 މިލިޔަން ރުފިޔާއަށް އަރާ ކަމަށާއި، އެފައިސާގެ ތެރެއިން 270 މިލިޔަން ރުފިޔާ އަދިވެސް މަސްވެރިންނަށް ނުދޫކުރެވި އެބައޮތް ކަމަށެވެ. އަދި އެފައިސާ މަސްވެރިންނަށް ދޫކުރެވޭނެ ގޮތެއް ހޯއްދެވުމަށް މަސައްކަތްކުރައްވަމުންދާ ކަމުގައިވެސް ޝިޔާމް ވިދާޅުވިއެވެ.

އެމިނިސްޓްރީން ހާމަކުރައްވާ ގޮތުގައި ރާއްޖޭގެ އެކި ސަރަހައްދުތަކުން މި ޕްރޮގްރާމްގައި ބައިވެރިވި 15 ބައިވެރިންނާއިއެކު، މިތަމްރީން ޕްރޮގްރާމް ފަށާފައި ވަނީ މިއަދު ހެނދުނު، ކ. މަނިޔަފުށީގައެވެ. 8 ފެބްރުއަރީ 2024 އިން 21 ފެބްރުއަރީ 2024 ގެ ނިޔަލަށް ކުރިއަށް ގެންދާ މި ޕްރޮގްރާމަކީ މެރިކަލްޗަރގެ ދާއިރާއިން ތަފާތު ބައިތައް ހިމެނިގެން ފަރުމާކޮށްފައިވާ ޕްރޮގަރާމެއްކަމުގައި އެމިނިސްޓްރީން ވަނީ ހާމަކުރައްވާފައެވެ.

މަސްވެރިއަކު ކޮށްފައިވާ ސުވާލަށް ޖަވާބު ދެއްވަމުން ރައީސުލްޖުމްހޫރިއްޔާ އިއްޔެ ވިދާޅުވެފައި ވަނީ، މިފްކޯއިން ލޯނެއް ނަގައިގެން ވިޔަސް މަސްވެރިންނަށް ދޫކުރަންޖެހޭ ފައިސާ ދޫކުރެވޭތޯ ބައްލަވާނެ ކަމަށެވެ. އަދި މަސްވެރިންނަށް ފައިސާ ދިނުމުގައި ކުރިމަތިވެފައިވާ ދަތިތަކާއި ގުޅޭ ގޮތުން ފިޝަރީޒް މިނިސްޓަރ އަޙްމަދު ޝިޔާމް މިއަދު ވިދާޅުވީ، ރައީސުލް ޖުމްޙޫރިއްޔާގެ އެދިވަޑައިގަތުމަށް ސަވަރިން ގެރެންޓީދީގެންވެސް ފެސިލިޓީއެއް ހޯދުމުގެ މަސައްކަތް ބާރަށް ކުރަމުންގެންދާ ކަަމަށެވެ.

ރާއްޖޭގެ ކަނޑުގެ ސަރަހަށްދަށް ބައިނަލްއަޤުވާމީ ޤާނޫނު ތަކާއި ޚިލާފަށް އިންޑިއާގެ ނޭވީގެ ދެ މަނަވަރެއް ވަދެ ރާއްޖޭގެ ތިން މަސްދޯންޏެއް ބަލައި ފާސްކުރި އިރު، މަސްދޯނި ފަހަރުގައި ތިބި މަސްވެރިން ނެގި ފޮޓޯއާ ވީޑިއޯތަށް މަސްވެރިންނަށް ބިރުދައްކައިގެން އިންޑިއާ ސިފައިން ޑިލީޓް ކުރުވި ކަމުގައިވެސް ރިޕޯޓްކޮށްފައިވެއެވެ.

މިނިސްޓަރ ޝިޔާމް ކުރެއްވި ޕޯސްޓްގައި ވިދާޅުވީ، އަސުރުމާ-3 ދޯނި ހއ. ތުރާކުނުގެ އިރުމަތިން 72 މޭލު ބޭރުގައި ބޮޑުކަންނެލީގެ މަސްވެރިކަން ކުރުމުގައި ހަރަކާތްތެރިވަމުން ދަނިކޮށް ބޭރު ޤައުމެއްގެ އަސްކަރީ އުޅަނދަކުން އަސުރުމާ 3 އަށް އަރައި ފަޅުވެރިންނާ ސުވާލުކޮށްފައިވާކަމީ ނުހަނު ކަންބޮޑުވާ ކަމެއް ކަމަށެވެ.