ލޭނުގެ މަސްވެރިކަމަށް ހުއްދަ ނުދިނުމަށާއި ޑީސަލްގެ އަގު ހެޔޮކޮށްދިނުމަށް ސަރުކާރުން ނިންމާފައިވާކަން ހާމަކުރުމާއި ގުޅިގެން ބޮޑު ކަންނެލީގެ މަސްވެރިކަން ކުރާ ފަރާތްތަކުން ކުރަމުންދިޔަ މުޒާހަރާ ހުއްޓާލައިފިއެވެ.

އިިއްޔެ އިން ފެށިގެން، ބޮޑު ކަންނެލީގެ މަސްވެރިކަން ކުރާ ފަރާތްތަކުން ވަނީ، ހުޅުމާލޭ ފަޅުގަޔާއި، މާލޭ އެއް ނަމްބަރު ޖެޓީ ސަރަހައްދުގައި މުޒާހަރާކޮށްފައެވެ. ބޮޑު ކަންނެލީގެ މަސްވެރިންގެ މައިގަނޑު ޑިމާންޑަކީ، ލޭނުއެޅުމުގެ މަސްވެރިކަމަށް ބޭރުގެ ފަރާތްތަކަށް ހުއްދަ ދިނުމަށް ސަރުކާރުން ކުރަމުންދ ާމަސައްކަތްތައް ހުއްޓާލުމާއި، މަސްވެރިންނަށް އަގުހެޔޮކޮށް ޑީސަލް ލިބޭނެ ގޮތް ހަދައި ދިނުމެވެ.

ބޮޑުކަންނެލި މަސްވެރިންގެ ޔޫނިއަނުން ބުނީ، ކަންނެލި މަސްވެރިކަމަށްލޭނު އެޅުމަށް ހުއްދަ ނުދޭނެ ކަމަށާއި އަދި އެއްގަމު ސެޑް ތަކުން ޑީސަލް ގަންނަން ލިބޭ އަގަށް ކަންނެލި މަސްވެރިންނަށް ޑީސަލް ގަންނަން ލިބޭނެ ކަމަށް ސަރުކާރާއި އެކު ކުރެވުނުމަސްވަރާތަކުން އެއްބަސްވުމަކަށް އާދެވުމުން އިހްތިޖާޖު ނިންމާލާފައިވާ ކަމަށެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ބުނީ، ހުޅުމާލެއިން މަސްވެރިންނަށް ޑީސަލް ވިއްކ އަގު ޝެޑްތަކުން ޑީސަލް ވިއްކާ އަގާއި އެއްހަމަކޮށްފައިވާ ކަމަށާއި، އެއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ މަތިން މެނިފެސްޓޯގައިވާ ވަޢުދު ފުއްދުމަށްޓަކައި އެޅި ފިޔަވަޅެއް ކަމަށެވެ.