މިހާ ދިގު މުއްދަތަކަށް ފައިސާ ނުލިބި ދިޔަ ޒަމާނެއް މަސްވެރިން ތަޖުރިބާ ކޮށްފައެއް ނެތް: އައްޑޫ މޭޔަރު
17 ނޮވެމްބަރު 2023ގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވެރިކަމަށް ވަޑައިގެންނެވުމަށްފަހުގައި ސަރުކާރުގެ މަސްކުންފުނި މިފްކޯއަށް ގެންނެވި ބަދަލުތަކަށް ފަހުގައިވެސް އެކުންފުނިން މަސްވެރިންނަށް ދޭންޖެހޭ ފައިސާ ވަނީ ނުދެވިފައެވެ. މަސްވެރިން ކިރުވާފައިވާ މަހަށް މަސްވެރިންނާއި އޮޑިވެރިންނަށް ހަމަޔަށް ފައިސާ ނުލިބުމުގެ ދަތިތައް މަސްވެރި އަދި އޮޑިވެރި އާއިލާތަކުން ތަޙައްމަލުކުރަމުންދާއިރު، އެކަމުގެ ޝަކުވާތައް އިވެމުންދާކަމުގައި އައްޑޫ ސިޓީގެ މޭޔަރު ޢަލީ ނިޒާރު ވިދާޅުވިއެވެ.