އިންގްލިޝް ޕްރިމިއަރ ލީގުގައި ހޮނިހިރު ދުވަހުގެރޭ އިރާކޮޅު ލިވަޕޫލް އާއި ކްރިސްޓަލް ޕެލެސް ބައްދަލުކުރި މެޗުގެ ފަހު ވަގުތުގައި ހާވޭ އެލިއަޓް ކާމިޔާބުކުރި ގޯލަކުން، 2-1 އިން ލިވަޕޫލް މޮޅުވެ އެ ޓީމު ލީގުގެ އެއްވަނައަށް އެރިއެވެ. އެއީ އާސެނަލްއަށް ވުރެން އެއް ޕޮއިންޓު އިތުރަށް ހޯދައިގެންނެވެ. އަދި ހަފްތާ ނިމޭއިރު ވެސް ލިވަޕޫލް އެ މަގާމުގައި އޮންނާނެކަން ކަށަވަރުވީ، އާސެނަލް އާއި އެސްޓަން ވިލާ ބައްދަލުކުރި މެޗު، 1-0 އިން އެސްޓަން ވިލާ ކާމިޔާބު ކުރުމުންނެވެ.

އިންގްލިޝް ޕްރިމިއަރ ލީގުގައި ބުރާސްފަތި ދުވަހުގެރޭ އެވަޓަން އާއި ނިއުކާސްލް ބައްދަލުކުރި މެޗު 3-0 އިން އެވަޓަން ކާމިޔާބުކޮށް، ރެލިގޭޝަން ޒޯނުން އެ ޓީމު ބޭރުވެއްޖެއެވެ. އެވަޓަންގެ ގުޑިސަން ޕާކުގައި ކުޅުނު މި މެޗުން ލިބުނު 3 ޕޮއިންޓާއެކީ މިހާރު އެ ޓީމަށް ޖުމްލަ 10 ޕޮއިންޓު ލިބިފައިވެއެވެ.

ވިލާ ޕާކުގައި އުނާއި އެމްރޭގެ ވިލާއިން މި ހޯދި ތާރީހީ ކާމިޔާބާއެކީ، އެ ޓީމު މިވަނީ ސިޓީ ފަހަތަށް ޖައްސާލާ، ލީގުގެ ތިންވަނައަށް ކުރިޔަށް ޖެހި، ތަށީގެ ރޭހުގައި ރަގަޅަށް ފައިހަމަކޮށްފައެވެ.

އިންގްލިޝް ޕްރިމިއަރ ލީގުގައި ބުދަ ދުވަހުގެރޭ މެންޗެސްޓަރ ޔުނައިޓެޑުން ޗެލްސީއާ ދެކޮޅަށް އޯލްޑް-ޓްރެފަޑްގައި ނިކުންނަ މެޗުގެ ޕްރެސް ކޮންފަރެންސްގައި ހަތަރު މީޑިއާއަކަށް ބައިވެރިނުވެވޭނެކަމަށް ޔުނައިޓެޑުން ބުނެފިއެވެ.

މެޗުގެ 80 ވަނަ މިނެޓުގައި ޖެހި ގޯލަކާއެކީ ފުލަމް 3-2 އިން ކުރީގައި އޮއްވައި، ލިވަޕޫލުން ވަނީ މެޗުގެ 87 އަދި 88 ވަނަ މިނެޓުގައި މުޅި މެޗު ބަދަލުކޮށްލާފައެވެ. މެޗު ބަދަލުކޮށްލުމަށް މުހިންމު ދައުރެއް އަދާކުރި އެއް ކުޅުންތެރިއަކީ އެލެކްސެންޑަރ އާނޯލްޑެވެ.

އިންގްލިޝް ޕްރިމިއަރ ލީގުގައި ހޮނިހިރު ދުވަހުގެ ރޭ ނިއުކާސްލް ޔުނައިޓެޑުން މެންޗެސްޓަރ ޔުނައިޓެޑް 1-0 އިން ބަލިކޮށްފިއެވެ. ދުވަސް ފެށުނުއިރު ނިއުކާސްލް އޮތީ ޔުނައިޓެޑުގެ ފަހަތުން، ލީގުގެ އަށްވަނައިގައެވެ. ނަމަވެސް ޔުނައިޓެޑާ ދެކޮޅަށް ނިއުކާސްލް އިން މި ހޯދި 3 ޕޮއިންޓާއެކީ އެ ޓީމު ވިމަނީ 14 މެޗުން ޖުމްލަ 26 ޕޮއިންޓާއެކީ ފަސްވަނައަށް ކުރިޔަށް ޖެހިލާފައެވެ.

އިންގްލިޝް ޕްރިމިއަރ ލީގުގައި އާދީއްތަދުވަހުގެރޭ އެވަޓަން އާއި މެންޗެސްޓަރ ޔުނައިޓެޑް ބައްދަލުކުރި މެޗުގައި، ޔުނައިޓެޑްގެ އަލެހާންޑްރޯ ގަނާޗޯ ޖެހި ރީތި “އޯވަރ ހެޑް” ގޯލުން ހަނދާން އައުކޮށްދިނީ، މެންޗެސްޓަރ ސިޓީއާ ދެކޮޅަށް ޔުނައިޓެޑް ކުރީގެ ތަރި ވޭން ރޫނީ 2011 ވަނަ އަހަރު ކާމިޔާބުކުރި “އޯވަރ ހެޑް” ގޯލުގެ ހަނދާންތަކެވެ.

އިންގްލިޝް ޕްރިމިއަރ ލީގުގެ އެއްވަނައަށް އެރުމަށް ޓީމުތަކުން ކޯޅުން ބޮޑުވެފައި ވަނިކޮށް، މެންޗެސްޓަރ ސިޓީއާއި ލިވަޕޫލް ބައްދަލު ކުރި މެޗު އެއްވަރުވުމުގެ ފައިދާ ނަގައި، އާސެނަލް ލީގުގެ އެއްވަނައަށް ޖެހިލައިފިއެވެ. ބްރެންޓްފޯޑާ ރަށުން ބޭރުގައި ބައްދަލުކުރި މި މެޗު އާސެނަލް ކާމިޔާބުކުރީ 1-0 އިންނެވެ.

މިދިޔަ އަހަރުގެ ޖޫންގައި ޖަރުމަހްގެ ބްރޫޝިއާ ޑޯޓްމަންޑުން ސިޓީއަށް ބަދަލުވި ހާލަންޑު، ޕްރިމިއަރ ލީގުގެ މި ރެކޯޑު މި އައުކުރީ 48 މެޗުންނެވެ. ކުރިން މި ރެކޯޑު އޮތީ މެންޗެސްޓަރ ޔުނައިޓެޑަށާއި ނިއުކާސްލް ޔުނައިޓެޑަށް ކުޅުނު އެންޑްރޫ ކޯލްގެ އަތުގައެވެ. އޭނާ 50 ގޯލު ކާމިޔާބުކުރީ 65 މެޗުންނެވެ.

އިންގްލިޝް ޕްރިމިއަލީގުގައި އާދިއްތަ ދުވަހުގެ ރޭ ރާއްޖެ ގަޑިން 9:30 ގައި މެންޗެސްޓަރ ޔުނައިޓެޑާއި އެވަޓަން ބައްދަލުކުރާ މެޗުގެ 10 ވަނަ މިނެޓުގައި، ދަނޑުގައި ކުޅި ބަލަން ތިބެގެން މުޒާކުރުމަށް އެވަޓަންގެ ސަޕޯޓަރުންގެ ގްރޫޕެއް ކަމުގައިވާ “1878” އިން މަސައްކަތް ކުރަމުން އެބަދެއެވެ. މި ގްރޫޕުން ގޮވާލާފައިވަނީ، ލީގުގައި ކޮރަޕްޝަން އުފެދިފައިވާ އިބާރާތްތައް އެ ހަރަކާތުގައި ބޭނުން ކުރުމަށެވެ.

އާދީއްތަ ދުވަހުގެރޭ ޗެލްސީގެ ސްޓެމްފަރޑް ބްރިޖުގައި ޗެލްސީއާއި މެންޗެސްޓަރ ސިޓީ ބައްދަލުކުރިމެޗު 4-4 ން އެއްވަރުވެ، ލީގުގެ އެއްވަނައިގައި ސިޓީއަށް އޮތް ލީޑު ހަނިވެއްޖެއެވެ. މެޗުގެ 86 ވަނަ މިނެޓުގައި ސިޓީއިން ލީޑު ނަގާފައިވަނިކޮށް، އިތުރު މިނެޓުގައި ޗެލްސީއަށް އެއްވަރުކޮށްދިނީ، މެޗުގެ 90 ވަނަ މިނެޓުގައި ކުޅެން ނިކުތް އަރްމާންޑޯ ބްރޯހާއަށް ރޫބެން ޑިއާޒްކުރި ފައުލަކަށް ލިބުނު ޕެނަލްޓީއަކުން ކޯލް ޕާމާއެވެ.

އިންގްލިޝް ޕްރިމިއަރ ލީގުގައި ހޯމަ ދުވަހުގެރޭ ޓޮޓެންހަމް ހޮޓްސްޕަރ ސްޓޭޑިއަމްގައި، ޓޮޓެންހަމް ހޮޓްސްޕަރ އާއި ޗެލްސީ ބައްދަލުކުރި މެޗު 4-1 އިން ޗެލްސީ ކާމިޔާބުކޮށްފިއެވެ. މި ބައްޔާއެކު ލީގުގެ އެއްވަނައަށް އަނބުރާ އެރުމަށް ސްޕާސްއިން ކުރަމުން ދިޔަ އުއްމީދު ގެއްލި، މިހާރު އެ ޓީމު އޮތީ 26 ޕޮއިންޓާއެކު، މެންޗެސްޓަރ ސިޓީއަށް ވުރެން 1 ޕޮއިންޓު ފަހަތުގައި، ލީގުގެ 2 ވަނައިގައެވެ.

އިންގްލިޝް ޕްރިމިއަރ ލީގުގައި ހޮނިހިރު ދުވަހުގެ ރޭ ނިއުކާސްލް ޔުނައިޓެޑްގެ ސޓ. ޖޭމްސް ޕާކްގައި އެ ޓީމުން އާސެނަލްއާ ބައްދަލުކުރި މެޗުން ކުރި ހޯދައި، މި ސީޒަންގައި އާސެނަލް ބަލިނުވެ ހިފަހައްޓަމުން އައި ރެކޯޑަށް ނިމުމެއް ގެނުވައިފިއެވެ. ނިއުކާސްލްއިން 1-0 އާސެނަލްގެ މައްޗަށް ކުރިހޯދިއިރު، އެ ޓީމުގެ ގޯލު ކާމިޔާބުކޮށްދިނީ 64 ވަނަ މިނެޓުގައި އެންތޮނީ ގޯޑަންއެވެ.

މެންޗެސްޓަރ ޔުނައިޓެޑްގެ އޯލްޑް ޓްރެފަޑްގައި ކުޅުނު ޑާބީ މެޗުން މެންޗެސްޓަރ ސިޓީ 3-0 ން މޮޅުވިއިރު، އާރލިން ހާލަންޑް ދެ ގޯލު ކާމިޔާބުކޮށް، އިންގްލިޝް ޕްރިމިއަރ ލީގުގެ ރެކޯޑެއް ހަދައިފިއެވެ. މި މޮޅާއެކު ސިޓީއިން މިވަނީ ލީގުގެ އެއްވަނައިގައި އޮތް ޓޮޓެންހަމާ 2 ޕޮއިންޓް ކައިރިއަށް ޖެހިލާފައެވެ.

ހުކުރު ދުވަހުގެ ރޭ ކްރިސްޓަލް ޕެލެސް 2-1 ން ބަލިކުރުމަށްފަހު، މި ސީޒަނުގައި ފެށުން ރަގަޅުކޮށްފައިވާ ޓޮޓެންހަމް ހޮޓްސްޕާ އިން 5 ޕޮއިންޓުގެ ލީޑަކާއެކު، އިންގްލިޝް ޕްރިމިއަ ލީގުގެ އެއްވަނައިގައި ރަގަޅަށް ހަމަޖެހިލައިފިއެވެ. މިއީ 1960-61 ގެ ސީޒަނަށްފަހު، ދެވަނައިގައި އޮތް ޓީމާ މިހާ ބޮޑު ފަރަގަކާއެކު ލީގުގެ އެއްވަނައިގައި ސްޕާސް އޮތް ފުރަތަމަ ފަހަރެވެ.

ހޮނިހިރު ދުވަހު ޗެލްސީގެ ސްޓެމްފޯޑް ބްރިޖްގައި އާސެނަލް އިން ޗެލްސީއާ ދެކޮޅަށް ކުޅުނު މެޗުގައި، އެ ޓީމަށް ފަހުވަގުތު ކާމިޔާބުކުރެވުނު ދެ ގޯލާއެކު މެޗު 2-2 އިން އެއްވަރުވެ، މި ސީޒަނުގައި އާސެނަލް ބަލިނުވެ ހިފަހައްޓަމުން އަންނަ ރެކޯޑު ދަމަހައްޓައިފިއެވެ.