Advertisement

05 Feb 2024
ކުޅިވަރު
މިފްތާޙް މުޙައްމަދު

އާސެނަލް އަތުން ބަލިވެ، ލީގު އެއްވަނައިގައި އޮތުމަށް ލިބިފައިވާ ލީޑު ގެއްލިދާނެކަމުގެ ބިރު ލިވަޕޫލަށް ބޮޑުވެއްޖެ

އިންގްލިޝް ޕްރިމިއަ ލީގުގައި އާސެނަލް އާއި ލިވަޕޫލް ބައްދަލުކުރި މެޗުން ލިވަޕޫލް ބަލިވުމުން، އެ ޓީމަށް ލީގުގެ އެއްވަނައިގައި އޮތް ލީޑު ގެއްލިދާނެކަމުގެ ބިރު ބޮޑުވެއްޖެއެވެ. އަދި މި ނަތީޖާގެ ސަބަބުން، ލީގުގެ އެއްވަނައަށް އެރުމަށް މިހާރު އެންމެ ފުރުސަތު ބޮޑުވެފައި އޮތީ، އެންމެ ފަހުގެ ޗެމްޕިއަން މެންޗެސްޓަރ ސިޓީއަށެވެ.

އާސެނަލްގެ އެމިރޭޓްސް ސްޓޭޑިއަމްގައި ކުޅުނު މި މެޗު އެ ޓީމުން ކާމިޔާބުކޮށްފައިވަނީ 3-1 އިންނެވެ. މި މެޗުން ލިބުނު 3 ޕޮއިންޓާއެކު، 23 މެޗުން ޖުމްލަ 49 ޕޮއިންޓު ހޯދައި އާސެނަލްވަނީ ލީގުގެ ދެވަނައަށް ކުރިޔަށް ޖެހިލާފައެވެ. ލީގުގެ 3 ވަނައިގައި އޮތީ ލިވަޕޫލާއި އާސެނަލްއަށްވުރެން 2 މެޗު މަދުން ކުޅެ 46 ޕޮއިންޓު ހޯދާފައިވާ މެންޗެސްޓަރ ސިޓީއެވެ. އެހެންކަމުން، މެންޗެސްޓަރ ސިޓީއަށް މެޗުގެ އަދަދު ހަމަހަމަ ކުރުމަށް ލިބޭ ދަނޑިވަޅުގައި، އެ 2 މެޗު ކާމިޔާބުކޮށްފިނަމަ، މިހާރު ލީގު އޮތް ގޮތުން ލިވަޕޫލަށްވުރެން 1 ޕޮއިންޓު އިތުރަށް ހޯދުމުގެ ފުރުސަތު އެ ޓީމަށް އެބައޮތެވެ.

މުޅި މެޗުގެ ބޮޑު ބައެއްގައި މޮޅަށް ކުޅެފައިވަނީ އާސެނަލްއިންނެވެ. ނަތީޖާއަކަށްވީ މެޗުގެ ކުރީކޮޅު، އާސެނަލްގެ ބުކާޔޯ ސަކާ އެ ޓީމަށް ލީޑު ނަގައިދިނުމެވެ. މި ގޯލު ކާމިޔާބުކޮށްފައިވަނީ 14 ވަނަ މިނެޓުގައެވެ.

ލިވަޕޫލަށް މެޗު ހަމަހަމަ ކުރެވުނީ ފުރަތަމަ ހާފުގެ އިތުރު މިނެޓު ކުޅެމުންދަނިކޮށް، އާސެނަލްގެ ޑިފެންޑަރ ގެބްރިއަލް އަތުން ބައިކޮޅަށް ވަތް ގޯލަކަށެވެ. އާސެނަލްއިން ދެވަނަ ފަހަރަށް ލީޑު ނެގީ ލިވަޕޫލްގެ ޑިފެންޑަރ ވެން ޑައިކަށް ހެދުނު ގޯހެއްގެ ބޭނުން ހިފައި، އެ ޓީމުގެ ކުރިޔަށް ކުޅޭ ކުޅުންތެރިޔާ ގެބްރިއަލް މާޓިނެލީއެވެ. އަދި އޭގެ ފަހުން، ދެވަނަ ހާފުގެ އިތުރު މިނެޓުގައި ޓްރޮސާޑް ވަނީ އާސެނަލްއަށް އިތުރު ގޯލެއް ކާމިޔާބުކޮށްދީފައެވެ.

އާސެނަލްއާ ދެކޮޅަށް ލިވަޕޫލުން ކުރިމަތިލާންޖެހުނު މި ބައްޔަކީ، މި ސީޒަންގައި އެ ޓީމަށް ގެއްލުނު ދެވަނަ މެޗެވެ. އެ ޓީމު އެންމެފަހުން ބަލިވެފައިވަނީ މިދިޔަ ސެޕްޓެމްބަރު މަހު ޓޮޓެންހަމް ހޮޓްސްޕާއާ ދެކޮޅަށް ކުޅުނު މެޗުންނެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.