Advertisement

07 Dec 2023
ކުޅިވަރު
މިފްތާޙް މުޙައްމަދު

ސިޓީއާ ދެކޮޅަށް ތާރީހީ މޮޅެއް ހޯދާ، ވިލާއިން ލީގު ތަށީގެ ރޭހަށް

އިންގްލިޝް ޕްރިމިއަރ ލީގުގައި ބުދަ ދުވަހުގެ ރޭ އެސްޓަން ވިލާ އިން އެންމެ ފަހުގެ ޗެމްޕިއަން މެންޗެސްޓަރ ސިޓީ ބަލިކޮށްފިއެވެ. ވިލާ ޕާކުގައި އުނާއި އެމްރޭގެ ވިލާއިން މި ހޯދި ތާރީހީ ކާމިޔާބާއެކީ، އެ ޓީމު މިވަނީ ސިޓީ ފަހަތަށް ޖައްސާލާ، ލީގުގެ ތިންވަނައަށް ކުރިޔަށް ޖެހި، ތަށީގެ ރޭހުގައި ރަގަޅަށް ފައިހަމަކޮށްފައެވެ. 

އެގޮތުން ވިލާއާ ލީގުގެ އެއްވަނައިގައި އޮތް އާސެނަލްއާ މިހާރު އޮތީ ހަތަރު ޕޮއިންޓުގެ ފަރަގެކެވެ. އަދި މި އަންނަ ހޮނިހިރު ދުވަހު އެ ޓީމުން އާސެނަލްއާ ދެކޮޅަށް ވިލާ ޕާކުގައި ނިކުންނަ މެޗު ކާމިޔާބުކޮށްފިނަމަ، މި ފަރަގު އެއް ޕޮއިންޓަށް ކުޑަކުރެވޭނެއެވެ.

ސިޓީއާ ދެކޮޅަށް މުޅި މެޗުގައިވެސް ރަގަޅު ކުޅުމެއް ދެއްކި ވިލާއިން ޖުމްލަ 22 ހަމަލާ އުފެއްދިއެވެ. މިއީ ގާޑިއޯލާ ހަވާލުވިފަހުން ސިޓީއާ ދެކޮޅަށް އެއް މެޗެއްގައި އެންމެ ގިނަ ހަމަލާ އަމާޒުވި މެޗެވެ. އޭގެ ބަދަލުގައި ސިޓީއަށް މެޗުގެ 90 މިނެޓުގެ ތެރޭގައި ވިލާގެ ގޯލަށް

ފޮނުވާލެވުނީ އެންމެ 2 ހަމަލާއެވެ. 

ގިނަ ހަމަލާތަކަކަށްފަހު ސިޓީގެ ގޯލު ވިލާއަށް ފޫއަޅުވާލެވުނީ މެޗުގެ 74 ވަނަ މިނެޓުގައި ލިއޯން ބެއިލީ ކާމިޔާބުކޮށްދިން ގޯލަކުންނެވެ.  ގޯލަށް އަމާޒުކޮށް ބެއިލީ ފޮނުވާލި ބޯޅަ ގޯލުގެ ތެރެއަށް ވަދެފައިވަނީ ސިޓީގެ ޑިފެންޑަރ ރޫބެން ޑިއާޒްގެ ގައިގަ ޖެހިފައެވެ. މިއީ މި ސީޒަނުގައި ބެއިލީ ކާމިޔާބުކުރި 5 ވަނަ ގޯލެވެ. 

ސިޓީއާ ދެކޮޅަށް ކުޅުނު މެޗު ކާމިޔާބުކޮށް، ވިލާ މި ހަމަކުރީ  އަމިއްލަ ދަނޑުގައި ޖެހިޖެހިގެން 14 ވަނަ މޮޅެވެ. މިއީ ކުލަބުގެ ރެކޯޑެކެވެ. އަނެއްކޮޅުން ގާޑިއޯލާ އާއި އުނާއި އެމްރޭގެ 14 ވަނަ ކުރިމަތިލުމުގައި މިއީ ގާޑިއޯލާއާ ދެކޮޅަށް އުނާއި އެމްރޭ އޭނާގެ ކެރިއަރުގައި ހޯދި ފުރަތަމަ މޮޅެވެސްމެއެވެ. ދެ ކޯޗުންގެ ކުރިމަތިލުމުގައި މީގެ ކުރިން 9 މެޗުން ގާޑިއޯލާ މޮޅުވެފައިވާއިރު، 4 މެޗު ވަނީ އެއްވަރުވެފައެވެ. 

ވިލާ އަތުން ވީ ބައްޔާއެކީ، ސިޓީއަށް ފާއިތުވި ލީގު 4 މެޗު މިވަނީ ކާމިޔާބު ނުކުރެވިއެވެ. 3 މެޗުން އެއްވަރުވެ އަދި 1 މެޗުން ބަލިވުމުން، ހޯދެން އޮތް 9 ޕޮއިންޓު މިވަނީ އެ ޓީމަށް ބީވެ، ލީގުގެ 4 ވަނައަށް ވެއްޓިފައެވެ. މިއީ ގާޑިއޯލާ ހަވާލުވިފަހުން، މެޗަކުން މޮޅުނުވެ އެންމެ ދިގުލާދާ ފަހަރެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.