Advertisement

21 Feb 2024
ކުޅިވަރު

އުނދަގޫ މޮޅަކާއެކު ލީގުގެ ދެވަނައަށް މެންޗެސްޓަރ ސިޓީ

އިންގްލިޝް ޕްރިމިއަ ލީގުގައި އަންގާރަ ދުވަހުގެރޭ މެންޗެސްޓަރ ސިޓީ އާއި ލީގުގެ 14 ވަނައިގައި އޮތް ބްރެންޓްފޯޑު ބައްދަލުކުރި މެޗު މެންޗެސްޓަރ ސިޓީއިން ކާމިޔާބުކޮށްފިއެވެ. މި މެޗު މެންޗެސްޓަރ ސިޓީއިން ކާމިޔާބުކުރީ މެޗުގެ 71 ވަނަ މިނެޓުގައި ނޯވޭގެ ފޯވާޑް އާލިން ހާލަންޑު ޖަހައިދިން ގޯލަކާއެކު 1-0 އިންނެވެ.  

މި ނަތީޖާއާއެކު މެންޗެސްޓަރ ސިޓީ އިން މިވަނީ ލީގުގެ ދެވަނައަށް ކުރިޔަށް ޖެހިލައިފިއެވެ. އެގޮތުން ލީގުގެ އެންމެ ފަހުގެ ޗެމްޕިއަން ސިޓީއަށް މިހާރު ލިބިފައިވަނީ 56 ޕޮއިންޓެވެ. އެއީ ލީގުގެ 1 ވަނައިގައި އޮތް ލިވަޕޫލަށް ވުރެން 1 ޕޮއިންޓު މަދުންނެވެ. އަދި 3 ވަނައިގައި އޮތް އާސެނަލްއަށް ވުރެން 1 ޕޮއިންޓު ގިނައިންނެވެ

މިދިޔަ ހަފްތާ ބަންދުގައި މެންޗެސްޓަރ ސިޓީއިން ޗެލްސީއާ ބައްދަލުކުރި މެޗު އެ ޓީމަށޤ ކާމިޔާބު ކުރެވުނުނަމަ، ބްރެންޓްފޯޑާ ދެކޮޅަށް ހޯދި ނަތީޖާއާ އެކީ އެ ޓީމު ލީގުގެ އެއްވަނައަށް އެރީހެވެ. ނަމަވެސް އެ މެޗު ވަނީ 1-1 އިން އެއްވަރުވެފައެވެ. އެ މެޗުގައި ހާލަންޑަށް ވަނީ ގޯލު ޖަހާނެ ގިނަ ފުރުސަތުތަކެއް ލިބި، ބޭކާރުވެފައެވެ. ނަމަވެސް ބްރެންޓްފޯޑާ ދެކޮޅަށް ހާލަންޑުވަނީ ރަގަޅު ކުޅުމެއް ދައްކާފައެވެ. ސިޓީއިން މެޗު ކާމިޔާބުކުރި ގޯލަކީ ވެސް ހާލަންޑުގެ ގޯލެކެވެ

ބްރެންޓްފޯޑަކީ މެންޗެސްޓަރ ސިޓީގެ އިއްތިހާދު ސްޓޭޑިއަމްގައި އެ ޓީމު އެންމެ ފަހުން ބަލިކުރި ޓީމެވެ. އެއީ 2022 ވަނަ އަހަރުގެ ނޮވެމްބަރުގައެވެ. އަދި މިދިޔަ ސީޒަނުގައި ބްރެންޓްފޯޑުން ވަނީ ދެފަހަރަށް މެންޗެސްޓަރ ސިޓީ ބަލިކޮށްފައެވެ. އެއީ ފުރަތަމަ މެޗުގައި 2-1 އިން އަދި ދެވަނަ މެޗުގައި 1-0 އިންނެވެ. ނަމަވެސް މި ސީޒަނުގައި މި ދެ ޓީމު ކުރިން ބައްދަލުކުރި މެޗު 3-1 އިން ކާމިޔާބުކުރީ މެންޗެސްޓަރ ސިޓީއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.