ސަރުކާރުން އަންގައިގެން ރާއްޖޭގެ، ސަރވިސް ޕްރޮވައިޑާ މެދުވެރިކޮށް ސަރުކާރަށް ފާޑުކިޔާ ބައެއް އޮންލައިން ނޫސްތައް ބަންދުކުރުުމަށްފަހު އޭގެ ހުއްޖަތެއްކަމުގައި ދެއްކީ ރެޖިސްޓްރީ ނުކޮށް ނޫސްތައް ހިންގަމުން ދިޔުމެވެ. އަދި އެކަމުގެ ދިފާޢުގައި ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުހައްމަދު ޝަހީބު ވިދާޅުވީ، ރަޖިސްޓްރީކޮށްގެން ހިންގާ އެއްވެސް ނޫހެއް ސަރުކާރުން ބަންދު ނުކުރާނެ ކަމަށެވެ.

އިތުބާރުހުރިގޮތެއްގައި އެނގިފައިވާ ގޮތުގައި އޮންލައިން ނޫސްތައް ބްލޮކްކޮށްފައި ވަނީ، ސީދާ ރައީސުލްޖުމްހޫރިއްޔާގެ ބަސްފުޅެއް ނެތި، ރައީސުލްޖުމްހޫރިއްޔާގެ އޮފީހުގެ ސިޔާސީ އިސްމަޤާމުތަކެއްގައި ތިއްބެވި ބޭފުޅުންތަކެއްގެ ނިންމެވުމަށެވެ. އޭގެ ނަތީޖާއަކަށްވީ، ރައީސުލްޖުމްހޫރިއްޔާ ޑރ.މުހައްމަދު މުޢިއްޒުގެ ސަރުކާރު ބަދުނާމުވެ ފިއްތުންތަކާއި ކުރިމަތިލާންޖެހުމެވެ. އަދި ސަރުކާރަށް ފާޑުކިޔައި ލިޔުންތައް ޝާއިއުކުރަމުން އައި އެނޫސް ވެބްސައިޓްތައް ކުރިން ނޭނގޭ އެތައްހާސް ބަޔަކަށް އެނގި އެނޫސްތަކުން ފަތުރާ ވާހަކަތައް ފޯރާ މީހުންގެ އަދަދު އިތުރުވެގެން ދިޔުމެވެ.

ސަރުކާރުން ބްލޮކްކޮށްފައިވާ ވެބްސައިޓްތަކުގެ ތެރޭގައި ރާއްޖޭގައި އޮންލައިންކޮށް ޝާއިއުކުރަމުން އަންނަ ނޫސް "ފުރަތަމަ" ހިމެނޭކަން އެނޫހުގެ ފޭސްބުކް ޕޭޖުގައި ވަނީ ހާމަކޮށްފައެވެ.

ވެބްސައިޓްތައް ބްލޮކް ކުރުމާއި ގުޅޭ ގޮތުން ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުޙައްމަދު ޝަހީބު ވިދާޅުވީ، ގާނޫނާއި ގަވައިދުތަކުގެ ދަށުން ރާއްޖޭގައި ރަޖިސްޓްރީކޮށްގެން ހިންގާ އެއްވެސް ނޫސް/މަޖައްލާއެއް ސަރުކާރުން ބަންދެއްވެސް އަދި ބްލޮކެއްވެސް ނުކުރާނެ ކަމަށެވެ. އަދި ނޫސްވެރިކަމުގެ މިނިވަންކަން އޭގެ އެންމެ ފުޅާމިނުގައި ދެމެހެއްޓުން މި ސަރުކާރުން ކަށަވަރުކުރާނެ ކަމުގެ ޔަގީންކަން އަރުވާކަމުގައިވެސް ޝަހީބު ކުރެއްވި އެކްސްގައި ލިޔުއްވި ޕޯސްޓްގައި ވިދާޅުވެފައި ވެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް އެއްމަސް ފުރުނު އިރު، އެމަނިކުފާނު ވެރިކަމަށް ގެނައުމުގައި ބޮޑު ޙިއްޞާއެއްވި، ރައީސް ޔާމީނުގެ ސަޕޯޓަރުން ވަނީ، ރައީސް ޔާމީނާއި މެދު މިސަރުކާރުން އަމަލުކުރާ ގޮތްތަކާއި މެދު ނުރުން ފާޅުކުރަމުންނެވެ.

މިއަދު ރައީސުލްޖުމްހޫރިއްޔާ ވަނީ، ދަޑިމޮކްރެޓްސްގެ ރައީސް ޙަސަން ލަޠީފާއި ޖުމްހޫރީޕާޓީގެ ލީޑަރު ޤާސިމް އިބްރާހީމާއި، އެމްއެންޕީގެ ލީޑަރު މުހައްމަދު ނާޒިމާއި އެމްޑީއެންގެ ލީޑަރު އަޙްމަދު ސިޔާމް އާއި ބައްދަލުކުރައްވާފައެވެ.

އެމްޑީއޭގެ ލީޑަރު އަހްމަދު ސިޔާމާއި ރައީސް، އެމްއެންޕީގެ ލީޑަރު މުޙައްމަދު ނާޒިމަކީ، ރިޔާސީ އިންތިޚާބުގެ ދެވަނަ ބުރުގައި ރައީސް ޑރ. މުޙައްމަދު މުޢިއްޒަށް ތާޢީދު ކުރެއްވި ބޭފުޅުންނެވެ.

ރައީސް ޑރ. މުއިއްޒު މިއަދު ޤާސިމް އިބްރާހީމާއި ބައްދަލުކުރެއްވިކަން ހާމަކުރެއްވުން ފިޔަވައި، އެބައްދަލުވުމާއި ގުޅޭ ގޮތުން ރައީސުލްޖުމްހޫރިއްޔާގެ އޮފީހުން އަދި އިތުރުމައުލޫމާތެއް ހާމައެއް ނުކުރެއެވެ.

ރައީސުލްޖުމްހޫރިއްޔާ ވިދާޅުވީ، އެއްވެސް މަޝްވަރާއެއް ކުރުމެއްނެތި މިގެނައި ބަދަލުގެ ސަބަބުން، މުސާރައިގެ ކުރިއެރުމުގެ ގޮތުގައި ލިބޭ ފައިސާ ކުޑަކުދިންގެ ހިޔާފަދަ އިޖުތިމާއީ ފަންޑަކަށް ހަދިޔާކުރެއްވުމަށް ސަރުކާރުން ނިންމަވާފައިވާކަމަށެވެ.

ރައީސުލްޖުމްހޫރިއްޔާ ވިދާޅުވީ، ރަސްމާލެއަކީ މޯލްޑިވްސް އިކޯ ސިޓީގެ ގޮތުގައި ކަނޑައަޅުއްވާނެކަމަކަށެވެ. މިގޮތުން އަދި މުޅި ސިޓީ ހިންގުމުގައި ވެސް ބޭނުންކުރާނީ ޢިއާދަކުރަނިވި ޙަކަތަކަމުގައި ހައްދަވާނެ ކަމަށާއި، ރަސްމާލޭގައި ދުއްވާ އުޅަނދުފަހަރު ވެސް ވާނީ ތިމާވެށްޓާއި ރައްޓެހި ޙަކަތަ ބޭނުންކޮށްގެން ދުއްވާ އުޅަނދުފަހަރަށް ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ އޮފީހުގެ މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ސްޓްރެޓީޖިކް ކޮމިއުނިކޭޝަން، އިބްރާހީމް ޚަލީލް، ވިދާޅުވީ، އެކަން ހިނގާފައިވާ ގޮތް ބެއްލެވި ކަމަށާއި، ކުރީ ސަރުކާރުގެ ދުވަސްވަރުގެ ފޮޓޯތައް އާއްމުންނަށް ނުފެންނަ ގޮތަށް މިހާރު ހުރީ އާކައިވްކޮށްފައި ކަމަށެވެ. އަދި ފޮޓޯތައް ޑިލީޓްކުރީ ނޫންކަމުގައިވެސް ޚަލީލު ވިދާޅުވިއެވެ.

ވުޒާރާތަކާއި، އެ ވުޒާރާތަކުގެ މަސައްކަތު ދާއިރާތައް މަޖިލީހުން ފާސްކުރެއްވުމަށް ރައީސުލްޖުމްހޫރިއްޔާ މިއަދު ރައްޔިތުންގެ މަޖިލީހަށް މިހުށައެޅުއްވީ، އެމަނިކުފާނުގެ ވަޒީރުންގެ މަޖިލީހަށް ރުހުން ހޯއްދެވުމަށް ފޮނުއްވި މައްސަލަ ކޮމިޓީން ދިރާސާކޮށް ނިންމައި މަޖިލީހުގެ މިއަދު ޖަލްސާއަށް އެޖެންޑާ ކުރުމަށްފަހުގައި، އެމައްސަލަ އަނބުރާ ކޮމިޓީއަށް މަޖިލީހުގެ ރައީސް ފޮނުއްވާލައްވާފައި ވަނިކޮށެވެ.

ރައީސުލްޖުމްހޫރިއްޔާ މި ނިންމެވުން ނިންމެވީ މިއަދު ބޭއްވެވި ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން ހުށަހެޅުއްވި ކަރުދާހުގެ މައްޗަށް މަޝްވަރާ ކުރެއްވުމަށް ފަހުގައި ކަމުގައި ވަޒީރުންގެ މަޖިލީހުގެ ނިންމެވުންތަކާއި ގުޅޭ ގޮތުން މައުލޫމާތު ދެއްވުމަށް މިއަދު ހަވީރު ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި، އެ އޮފީހުގެ ތަރުޖަމާނު މުޙައްމަދު ޝަހީބު ވިދާޅުވިއެވެ.

ނުކުޅެދުންތެރިކަން ހުންނަ މީހުންނަށް ސިވިލް ސަރވިސް އަދި ސަރުކާރު ހިއްސާވާ ކުންފުނިތަކުން ވަޒީފާގެ ފުރުޞަތުތައް ފަހިކޮށްދިނުމަށް ސިޔާސަތެއް އެކުލަވާލުމަކީ، ރައީސުލްޖުމްހޫރިއްޔާ ޑޮކްޓަރ މުޢިއްޒުގެ ވެރިކަމުގެ ފުރަތަމަ 14 ހަފްތާގެ މަގުޗާޓުގައި ހިމަނުއްވާފައިވާ ކަމެކެވެ. މި ސިޔާސަތު ތަންފީޒުކުރުމުގެ ގޮތުން އެކުލަވާލެވޭ މި އުޞޫލުގައި ދިވެހި ސިވިލް ސަރވިސް އަދި ސަރުކާރު ހިއްސާވާ ކުންފުނިތަކުގައި ނުކުޅެދުންތެރިކަން ހުންނަ މީހުންނަށް ވަޒީފާގެ ފުރުޞަތުތައް ފަހިކޮށްދިނުމާއި އެކަމާއިގުޅޭ އިންތިޒާމުތައް ހަމަޖައްސަވައި ބަޔާންކުރައްވާފައިވާނެ ކަމުގައިވެސް ރައީސުލްޖުމްހޫރިއްޔާގެ އޮފީހުން ވިދާޅުވެއެވެ.

ރައްޔިތުންގެ މަޖިލީހުގެ މިއަހަރުގެ ފަހު ދައުރު ހަމަވަނީ ނޮވެމްބަރު މަހުގެ 29އަށް ނަމަވެސް މަޖިލީހުގައި ބައެއް މަސައްކަތްތައް ނުނިމިހުރުމާއި އެކު މަޖިލީހުގެ ދައުރު ޑިސެމްބަރު މަހުގެ 18 ވަނަ ދުވަހާއި ހަމައަށް ވަނީ ދަންމާލާފައެވެ. އެހެންވެ މާދަމާ ބާއްވާނީ ހިނގަމުން މިދާ ރައްޔިތުންގެ މަޖިލީހުގެ މިއަހަރުގެ ފަހު ދައުރުގެ ފަހު ޖަލްސާއެވެ.

ކަލަންޑަރުގައިވާ ގޮތުން މިއަންނަ ރަމަޟާން މަހުގެ ފަހު ދިހައެއް ފެށޭނީ މާރިޗު 31ވާ އާދިއްތަ ދުވަހުގައެވެ. އެހެންކަމުން މިނިންމެވުމާއި އެކު މާރިޗުމަހުގެ 29 އިން އޭޕްރީލް މަހުގެ 13 ވަނަ ދުވަހާއި ހަމައަށް ހަފްތާ ބަންދާއެކު ސޯޅަދުވަސް ސަރުކާރު ބަންދުވާނެއެވެ.