Advertisement

ރައީސުލްޖުމްހޫރިއްޔާގެ އޮފީސް --

18 Dec 2023
ޚަބަރު
ޢަލީ ސުލައިމާން

ވުޒާރާތަކާއި، އެ ވުޒާރާތަކުގެ މަސައްކަތު ދާއިރާތައް ރައްޔިތުންގެ މަޖިލީހުން ފާސްކުރުމަށް މަޖިލީހަށް ހުށައަޅައިފި

ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 116 ވަނަ މާއްދާގެ (ހ) އިން ރައީސުލްޖުމްހޫރިއްޔާއަށް ލިބިދޭ އިޚްތިޔާރުގެ ދަށުން، 2023 ނޮވެންބަރު 17 ގައި އުފައްދާފައިވާ ވުޒާރާތަކާއި، އެ ވުޒާރާތަކުގެ މަސައްކަތު ދާއިރާތައް ރައްޔިތުންގެ މަޖިލީހުން ފާސްކުރެއްވުމަށްޓަކައި މިއަދު އެ މަޖިލީހަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހުށަހަޅުއްވައިފިއެވެ.

ވުޒާރާތަކާއި، އެ ވުޒާރާތަކުގެ މަސައްކަތު ދާއިރާތައް މަޖިލީހުން ފާސްކުރެއްވުމަށް ރައީސުލްޖުމްހޫރިއްޔާ މިއަދު ރައްޔިތުންގެ މަޖިލީހަށް މިހުށައެޅުއްވީ، އެމަނިކުފާނުގެ ވަޒީރުންގެ މަޖިލީހަށް ރުހުން ހޯއްދެވުމަށް ފޮނުއްވި މައްސަލަ ކޮމިޓީން ދިރާސާކޮށް ނިންމައި މަޖިލީހުގެ މިއަދު ޖަލްސާއަށް އެޖެންޑާ ކުރުމަށްފަހުގައި، އެމައްސަލަ އަނބުރާ ކޮމިޓީއަށް މަޖިލީހުގެ ރައީސް ފޮނުއްވާލައްވާފައި ވަނިކޮށެވެ.

މިއަދު އޮތް ރައްޔިތުންގެ މަޖިލީހުގެ ޖަލްސާގައި، ވަޒީރުންނަށް ރުހުން ދިނުމުގެ މައްސަލަ އެޖެންޑާކޮށްފައި ވަނިކޮށް ނިޒާމީ ނުކުތާއެއް ނަންގަވައި އެރިޕޯޓުގައި ހުރި މައްސަލަތައް ފާހަގަކުރެއްވީ، ރައްޔިތުންގެ މަޖިލީހުގެ ތުޅާދޫ ދާއިރާގެ މެމްބަރު ޙިސާން ޙުސައިންނެވެ.

ތުޅާދޫ ދާއިރާގެ މެމްބަރު ޙިސާން ހުސައިން ނިޒާމީ ނުކުތާ ނަންގަވައި ވިދާޅުވީ، ވަޒީރުންނަށް ރުހުން ދިނުމުގެ މައްސަލަ، މަޖިލީހުގެ މިއަދުގެ ޖަލްސާއަށް އެޖެންޑާކޮށްފައި ވަނީ، މަޖިލީހުގެ ޤަވާއިދާއި ޚިލާފްކަމެއް ކަމަށެވެ. އަދި އެއީ ފުރިހަމަ ނުވާ ރިޕޯޓަކަށްވާތީ، އެރިޕޯޓަށް މަޖިލީހުގެ ޖަލްސާއަށް އެޖެންޑާ ނުކުރެވޭނެ ކަމުގައި ހިސާން ވިދާޅުވިއެވެ. މީގެ އިތުރުން، ޤާނޫނު އަސާސީގެ 116 ވަނަ މާއްދާގެ (ހ) އާއި 200 ވަނަ މާއްދާގެ (އ)އަށް ބަލާއިރު، ސަރުކާރުން އުފައްދަން ބޭނުންވާ ވުޒާރާތަކާއި، ވުޒާރާތަކުގެ ދާއިރާތަކުގައި ހިމެނޭ މަސައްކަތް އެއީ ރައީސުލްޖުމްހޫރިއްޔާ މަޖިލީހަށް ހުށައަޅަންޖެހޭ މަސައްކަތްތަކެއްކަމާއި އެހާތަނަށް މަޖިލީހަށް ރައީސުލްޖުމްހޫރިއްޔާ އެކަން ހުށައަޅުއްވާފައި ނުވާކަންވެސް ޙިސާން ވަނީ ފާހަގަކުރައްވާފައެވެ.

މަޖިލީހުގެ ތުޅާދޫ ދާއިރާގެ މެމްބަރު ޙިސާން ޙުސައިން ނިޒާމީ ނުކުތާއެއް ނަންގަވައި، ކޮމިޓީ ރިޕޯޓުގައި ހުރި މައްސަލަތައް ފާހަގަކުރެއްވުމާއި އެކު މަޖިލީހުގެ ރައީސް މުޙައްމަދު އަސްލަމް ވަނީ އެ ނިޒާމީ ނުކުތާ ބަލައިގަނެ، އެމައްސަލައިގައި ކުރިޔަށްދާނޭ ގޮތަކާއި ގުޅޭ ގޮތުން މަޖިލީހުގެ މެޖޯރިޓީ ލީޑަރާއި އަދި މައިނޯރިޓީ ލީޑަރާއި މަޝްވަރާކުރައްވައިގެން ހައްލެއް ހޯއްދެވުމަށެވެ. އެމަޝްވަރާތަކަށް ފަހު ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ނިންމެވީ، ކޮމިޓީ ރިޕޯޓް އަލުން އަނބުރާ ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާކޮމިޓީއަށް ފޮނުވުމަށެވެ.

މަޖިލީހުގެ މިއަދުގެ ޖަލްސާގައި، ވަޒީރުންނަށް ރުހުން ދިނުމުގެ މައްސަލަ ކުރިޔަށް ނުގެންދިޔުމަށް ނިންމައި، އެކަން މަޖިލީހުގެ ރައީސް އެކަން އިއުލާނުކުރެއްވުމާއި ގުޅިގެން މަޖިލީހުގެ ބައެއް މެމްބަރުން ވަނީ، އެކަމާއި ދެކޮޅަށް ނިޒާމީ ނުކުތާ ނަންގަވައި ވާހަކަފުޅު ދައްކަވާފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.