މިހާތަނަށް ރާއްޖޭގައި ތަރައްޤީކުރާ އެންމެ ބޮޑުރަށް، ރަސްމާލޭގައި ފޮސިލްފިއްުލް އަންދައިގެންދުއްވާ އިންޖީނުލީ އުޅަނދުފަހަރު ނުދުއްވޭނެކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހާމަކުރައްވައިފިއެވެ.

ފުށިދިއްގަރުފަޅުގައި ތަރައްޤީކުރާ 1153 ހެކްޓަރުގެ ރަސްމާލެ ވެގެންދާނީ، އެއްރަށެއްގެ ގޮތުގައި އޮންނަ ރާއްޖޭގެ އެންމެ ބޮޑު ރަށަށެވެ. އެމަޝްރޫޢުގެ ބިންހިއްކުމަށް އިއްޔެ ފުށިދިއްގަރުފަޅުގައި ބޭއްވި ރަސްމިއްޔާތުގައި ރައީސުލްޖުމްހޫރިއްޔާ ވަނީ، އެ މަޝްރޫޢާގުޅޭ ބައެއް ތަފްޞީލްތައް ޙިއްޞާ ކުރައްވާފައެވެ.

ރައީސުލްޖުމްހޫރިއްޔާ ވިދާޅުވީ، ރަސްމާލެއަކީ މޯލްޑިވްސް އިކޯ ސިޓީގެ ގޮތުގައި ކަނޑައަޅުއްވާނެކަމަކަށެވެ. މިގޮތުން އަދި މުޅި ސިޓީ ހިންގުމުގައި ވެސް ބޭނުންކުރާނީ ޢިއާދަކުރަނިވި ޙަކަތަކަމުގައި ހައްދަވާނެ ކަމަށާއި، ރަސްމާލޭގައި ދުއްވާ އުޅަނދުފަހަރު ވެސް ވާނީ ތިމާވެށްޓާއި ރައްޓެހި ޙަކަތަ ބޭނުންކޮށްގެން ދުއްވާ އުޅަނދުފަހަރަށް ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ރާއްޖޭގައި މިހާރު ބޭނުންކުރާ އިންޖީނުލީ އެއްގަމު އުޅަނދުފަހަރުގެ ގާތްގަނޑަކަށް %97 އަކީ، ޕެޓްރޯލާއި ޑީސަލްއަންދައިގެން ދުއްވާ އުޅަނދު ފަހަރެވެ. އަދި މާލެ ސަރަހައްދުގައި މިހާރު ދުއްވާ ސައިކަލު ތަކުގެ %99 އިންސައްތައަކީ ޕެޓްރޯލް އަންދައިގެން ދުއްވާ އުޅަނދުތަކެވެ.