ވަޒީރުންނަށް ރުހުން ދިނުމަށާއި، ރައީސުލްޖުމްހޫރިޔާ އާއި އެމަނިކުފާނުގެ ނައިބު މަޤާމުން ވަކިކުރުން ފަސޭހަކުރި އިސްލާޙުތްކަށް ވޯޓަށްއަހާގޮތަށް މާދަމާ ރައްޔިތުންގެ މަޖިލީހުގެ ޖަލްސާ ބޭއްވުމަށް ނިންމައިފިއެވެ.

ރައްޔިތުންގެ މަޖިލީހުގެ މިއަހަރުގެ ފަހު ދައުރު ހަމަވަނީ ނޮވެމްބަރު މަހުގެ 29އަށް ނަމަވެސް މަޖިލީހުގައި ބައެއް މަސައްކަތްތައް ނުނިމިހުރުމާއި އެކު މަޖިލީހުގެ ދައުރު ޑިސެމްބަރު މަހުގެ 18 ވަނަ ދުވަހާއި ހަމައަށް ވަނީ ދަންމާލާފައެވެ. އެހެންވެ މާދަމާ ބާއްވާނީ ހިނގަމުން މިދާ ރައްޔިތުންގެ މަޖިލީހުގެ މިއަހަރުގެ ފަހު ދައުރުގެ ފަހު ޖަލްސާއެވެ.

މާދަމާގެ ޖަލްސާގެ ޖަލްސާގެ އެޖެންޑާ މަޖިލީހުގެ އިދާރާއިން އަދި އާއްމެއް ނުކުރެއެވެ. އެހެން ނަމަވެސް މާދަމާ މަޖިލީހުގެ ޖަލްސާ އޮންނާނެ ކަމާއި ކޮމިޓީތަކުގެ ނިންމުންތަކަށް މާދަމާ ވޯޓަށް އަހާނެކަން މެމްބަރުންނަށް ވަނީ އަންގާފައެވެ.

މިގޮތުން މާދަމާ ބާއްވާ ރައްޔިތުންގެ މަޖިލީހުގެ ޖަލްސާގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކެބިނެޓް މިނިސްޓަރުންނަށް ރުހުން ދިނުމާއި މެދު ވޯޓަށް އެހުމާއި، ރައްޔިތުންގެ މަޖިލީހުގައި އިތުބާރު ނެތްކަމުގެ ވޯޓުނަގައި ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ވަކިކުރުން ފަސޭހަވެގެން ދާގޮތަށް މަޖިލީހުގެ ޤަވާއިދަށް އާއްމު ކޮމިޓީން ގެނައި އިސްލާޙްތައް ފާސްކުރުމަށް ވޯޓަށް އެހުން އޮންނާނެއެވެ.