Advertisement

ރައީސުލްޖުމްހޫރިއްޔާ މިއަދު ރައްޔިތުންގެ މަޖިލީހުގައި ތިއްބެވި ހަތަރު ސިޔާސީ ޕާޓީއެއްގެ އެންމެ އިސްބޭފުޅުންނާއި ބައްދަލުކުރެއްވުން ---

20 Dec 2023
ޚަބަރު
ޢަލީ ސުލައިމާން

ހަމައެކަނި މަޖިލީހުގައި މެމްބަރުން ތިއްބެވި ސިޔާސީ ޕާޓީތަކުގެ އިސްވެރިންނާއި ރައީސް މިއަދު ބައްދަލުކުރެއްވުމަކީ އިއްތިފާޤެއް: ތަރުޖަމާނު

ހަމައެކަނި ރާއްޖޭގެ ހަތަރު ސިޔާސީ ޕާޓީއެއްގެ އިސްވެރިންނާއި ރައީސް ޑރ. މުއިއްޒު މިއަދު ބައްދަލުކުރެއްވި އިރު، އެބޭފުޅުންނަކީ، ރައްޔިތުންގެ މަޖިލީހުގެ މެމްބަރުންގެ ގޮތުގައި ތިއްބެވި ސިޔާސީ ޕާޓީތަކުގެ އިސްވެރިންނަށްވީކަމީ އިއްތިފާޤެއްކަމުގައި ރައީސުލްޖުމްހޫރިއްޔާގެ އޮފީހުގެ ތަރުޖަމާން މުޙައްމަދު ޝަހީބު ވިދާޅުވެއްޖެއެވެ.

ރައީސުލްޖުމްހޫރިއްު މިއަދު ބައްދަލު ކުރައްވާފައި ވަނީ، އިދިކޮޅު ސިޔާސީ ޕާޓީ އެމްޑީޕީ ފިޔަވައި، ރައްޔިތުންގެ މަޖިލީހުގައި ޕާޓީތައް ތަމްސީލްކުރާ އެޕާޓީތަކުގެ އެންމެ އިސްވެރިންނާއެވެ. މިގޮތުން، ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު އޮނަރަބަލް ޤާސިމް އިބްރާހީމާއި މޯލްޑިވްސް ޑިވޮލޮޕްމަންޓް އެލަޔަންސްގެ ރައީސް އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އޮނަރަބަލް އަޙްމަދު ޞިޔާމް މުޙައްމަދާއި މޯލްޑިވްސް ނޭޝަނަލް ޕާޓީގެ ރައީސް އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު ކާނަލް (ރިޓަޔާޑް) މުޙައްމަދު ނާޒިމާއި ދަ ޑިމޮކްރެޓްސްގެ ރައީސް އަދި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު އަލްއުސްތާޛު ޙަސަން ލަޠީފާއި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ބައްދަލުކުރައްވާފައެވެ.

ރައްޔިތުންގެ މަޖިލީހުގައި މެމްބަރުން ތިއްބެވި ރާއްޖޭގެ ހަތަރު ސިޔާސީ ޕާޓީއެއްގެ އެންމެ އިސްވެރިންނާއި ރައީސް ޑރ. މުހައްމަދު މުޢިއްޒު މިއަދު ބައްދަލުކުރައްވައި މަޝްވަރާކުރެއްވި އިރު، މަޖިލީހުގެ ޤަވާއިދަށް ގެނައި ބަދަލާއި ގުޅިގެން ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ޢަޒުލްކުރުމަށް ބޭނުންވާ ވޯޓު އެމްޑީޕީއަށް އެކަނި މިހާރު ހަމަވެފައި ވާތީ، ކުއްލި ނުރައްކަލުގެ ޙާލަތު އިއުލާނު ކުރައްވައިގެން ރައްޔިތުންގެ މަޖިލިސް ހުއްޓުވުމަށް ނުވަތަ އުވާލެއްވުމަށް މަސައްކަތް ކުރަން އުޅޭ ކަމުގެ އަޑުތަކެއް ދަނީ ފެތުރެން ފަށާފައި ވަނިކޮށެވެ.

ބައްދަލުކުރެއްވުންތަކުގައި، ރައްޔިތުންގެ މަޖިލީހުގެ ކަންކަމާއި ގުޅޭ ގޮތުން އެއްވެސް މަޝްވަރާއެއް ކުރެވުނުތޯ ސުވާލު ދެންނެވުމުން ޝަހީބު ވިދާޅުވީ، އެބައްދަލުވުންތަކާއި ގުޅޭގޮތުން ރައީސުލްޖުމްހޫރިއްޔާގެ އޮފީހުގެ ވެބްސައިޓްގައި ޝާއިޢުކުރި ޚަބަރުަގައި އެ މައުލޫމާތު ހުންނާނެ ކަމަށާއި، އެއަށްވުރެ އިތުރަށް އެއްވެސް މަޝްވަރާއެއް ކުރެވުނުކަން އެނގިވަޑައިނުންގަންނަވާ ކަމަށެވެ. ރައީސުލްޖުމްހޫރިއްޔާގެ އޮފީހުން ހާމަކުރި ޚަބަރުގައި ވަރަށް ޚުލާސާ ގޮތެއްގައި ބުނެފައި ވަނީ، ޤައުމުގައި ސުލްޙައާއި ހަމަޖެހުން ޤާއިމުކުރުމާއި ގުޅޭ ގޮތުން އެބޭފުޅުންނާއިއެކު ރައީސުލްޖުމްހޫރިއްޔާ މަޝްވަރާކުރެއްވި ކަމަށެވެ.

މަޖިލީހުގައި ތިއްބެވި ސިޔާސީ ޕާޓީތަކުގެ އެންމެ އިސްވެރިންނާއިއެކު ބޭއްވެވި މި ބައްދަލުކުރެއްވުންތަކާއި ގުޅޭ ގޮތުން ރައީސުލްޖުމްހޫރިއްޔާގެ އޮފީހުން ބުނެފައި ވަނީ، ރާއްޖޭގެ ހަތަރު ސިޔާސީޕާޓީއެއްގެ އެއްމެ އިސްބޭފުޅުންނާއި ރައީސުލްޖުމްހޫރިއްޔާ މިއަދު ބައްދަލުކުރެއްވީ، ޤައުމުގެ ކަންކަން ކުރިޔަށްގެންދިއުމުގައި އެންމެން ގުޅިގެން ރައްޔިތުންގެ ފައިދާއާއި ލާބައަށް މަސައްކަތްކުރުމުގެ މުހިންމުކަމާއި ގުޅޭ ގޮތުން މަޝްވަރާކުރެއްވުމަށް ކަމަށެވެ. އެގޮތުން ޤައުމުގައި ސުލްޙައާއި ހަމަޖެހުން ޤާއިމުކުރުމާއި ސަރުކާރުން ކުރިޔަށްގެންދަވާ ތަރައްޤީގެ އެކިއެކި މަޝްރޫޢުތަކާއި ދާޚިލީ އަދި ޚާރިޖީ އެކިއެކި ކަންކަމުގައި ޤައުމީ މަސްލަޙަތު އިސްކުރައްވައި، ސަރުކާރަށް އެބޭފުޅުންގެ ފުރިހަމަ އެއްބާރުލުމާއި ތާއީދު ދެއްވާނެކަމުގައި އެބޭފުޅުން ފާހަގަކުރެއްވިއެވެ.

އަދި މިބައްދަލުކުރެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ސަރުކާރު ހިންގެވުމުގައި ސިޔާސީ ހުރިހާ ފަރާތްތަކެއްގެ ޚިޔާލާއި މަޝްވަރާ ވަރަށް މުހިންމުކަމަށާއި މިފަދަ އިތުރު ބައްދަލުވުންތައް ކުރިމަގުގައި ވެސް ބާއްވަވާނެކަމުގައި ރައީސުލްޖުމްހޫރިއްޔާ ވިދާޅުވެފައިވާ ކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.