Advertisement
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު --
މުސާރައަށް އިތުރުވާބައި، ކުޑަކުދިންގެ ފަންޑަކަށް ހަދިޔާކުރައްވުމަށް ނިންމަވައިފި
ރައީސުލްޖުމްހޫރިއްޔާގެ މުސާރައަށް އިތުރުވާ ބައި، ކުޑަކުދިންގެ ފަންޑަކަށް ހަދިޔާކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައި އެކަން ޢިއުލާނުކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި ރައީސް ޑރ. މުޙައްމަދު މުޢިއްޒު ވިދާޅުވީ، ރައީސުލްޖުމްހޫރިއްޔާއާއި އެމަނިކުފާނުގެ ނައިބު އަދި ވަޒީރުންގެ މުސާރަތައް ބޮޑުކުރުމަށް ސަރުކާރުން އެދިފައި ނުވާނެކަމަށެވެ. އަދި މުސާރަތައް ބޮޑުކުރަން ބޭނުންފުޅު ނުވާކަމުގައިވެސް އެމަނިކުފާނު ވިދާޅުވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކްސްގައި ކުރެއްވި ޕޯސްޓް --
ރައީސުލްޖުމްހޫރިއްޔާ ވިދާޅުވީ، އެއްވެސް މަޝްވަރާއެއް ކުރުމެއްނެތި މިގެނައި ބަދަލުގެ ސަބަބުން، މުސާރައިގެ ކުރިއެރުމުގެ ގޮތުގައި ލިބޭ ފައިސާ ކުޑަކުދިންގެ ހިޔާފަދަ އިޖުތިމާއީ ފަންޑަކަށް ހަދިޔާކުރެއްވުމަށް ސަރުކާރުން ނިންމަވާފައިވާކަމަށެވެ.
ރައްޔިތުންގެ މަޖިލީހުގެ މާލިއްޔަތު ކޮމިޓީން އިއްޔެ ވަނީ، ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބު، އަދި ވަޒީރުންގެ މަޖިލީހުގެ މެމްބަރުންގެ މުސާރައަށް އެވްރެޖްކޮށް %20 އިންސައްތައިގެ ކުރިއެރުމެއް ގެނައުމަށް ފާސްކޮށްފައެވެ.
މާލިއްޔަތު ކޮމިޓީން މިގޮތަށް ފާސްކުރިނަމަވެސް މިބަދަލު އަންނަނީ މަޖިލީހުގެ ތަޅުމުން އެކަން ފާސްކުރުމުންނެވެ.
