ސްކޫލުތަކުގެ އިމްތިހާނު ފަސްކުރަން ނިންމިއިރު، ބައެއް ސްކޫލުތަކުން ބައެއް އިމްތިހާނުތައް ބާއްވައިފި

ރައްޔިތުންގެ މަޖިލީހުގެ އިންތިހާބާ ގުޅިގެން ސްކޫލް ކުދިންގެ އިމްތިހާނު އަވަސް ކުރުމަށް ކުރިން ނިންމާފައި އޮތް ނަމަވެސް، އެކަން މިހާރު ބަދަލުކުރަން ނިންމާފައިވާކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުވަނީ ރޭ ވިދާޅުވެފައެވެ. ނަމަވެސް، މި މަހުގެ ކުރީކޮޅު އެޑިއުކޭޝަން މިނިސްޓްރީއިން އިމްތިހާނުތައް އަވަސްކުރުމަށް އެދި ސާކިއުލާ ފޮނުވުމާ ގުޅިގެން ބައެއް ސްކޫލުތަކުގެ ބައެއް އިމްތިހާނުތައް މިހާރު ބާއްވާފައިވާކަން މި ނޫހަށް ވަނީ އެނގިފައެވެ.