ޔުނައިޓެޑް އެރެބް އެމިރޭޓްސްގެ ޝާޙީ އާއިލާގެ މެމްބަރު، ޝައިހް ޠަޙްނޫން ބިން މުހައްމަދު އަލް ނަހްޔާން އަވަހާރަވުމާއި ގުޅިގެން، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޔޫއޭއީގެ ރައީސް ޝައިޚް މުހައްމަދު ބިން ޒައިދު ބިން އަލްނަޙްޔާނަށް ތައުޒިޔާ ވިދާޅުވެމެސެޖެއް ފޮނުއްވައިފިއެވެ.

އަމީރު، ޝައިހް ތަހްނޫން ބިން މުހައްމަދު އަލް ނަހްޔާން އާލާސްކަންފުޅާއި އުޅުއްވުމަށްފަހުގައި، އުމުރުފުޅުން 82 އަހަރުފުޅުގައި އިއްޔެއެވެ.

ޝައިހް ޠަޙްނޫން ބިން މުހައްމަދު އަލް ނަހްޔާންއަކީ، ޔޫއޭއީގެ އިސް މަޤާމުތަކެއް ފުރުއްވާފައިވާ ބޭފުޅެކެވެ. މިގޮތުން 1971 ވަނަ އަހަރުން ފެށިގެން އަވަހާރަވުމާއި ހަމައަށް އެމަނިކުފާނު ހުންނެވީ، ޔޫއޭއީގެ އިރުމަތީ ސަރަހައްދަށް، ޢައްޔަނުކުރައްވާފައިވާ ޔޫއޭއީގެ ވެރިޔާގެ ވެރިޔާގެ މަންދޫބުގެ މަޤާމުގައެވެ. މީގެ އިތުރުން 1977 އިން 2006އަށް އަބޫ ދާބީގެ އެގްޒެކްޓިވް ކައުންސިލްގެ ޑެޕިއުޓީ ޗެއާމަންގެ މަޤާމުވެސް އެމަނިކުފާނު ފުރުއްވާފައިވެއެވެ.

Advertisement

ޔޫއޭއީގެ ރައީސަށް ރައީސުލްޖުމްހޫރިއްޔާ ފޮނުއްވި ތަޢުޒިޔާގެ މެސެޖުގައި، ޤައުމީ ހިތާމައިގެ މި ދަނޑިވަޅުގައި، އެމަނިކުފާނުގެ އަމިއްލަ ނަންފުޅުގަޔާއި އަދި ދިވެހިރައްޔިތުންގެ ނަމުގައި، ޔޫއޭއީގެ ރައީސަށާއި ޝާހީ އާއިލާއަށް ތަޢުޒިޔާ ވިދާޅުވެފައިވެއެވެ. އަދި ޝައިހް ޠަޙްނޫން ބިން މުހައްމަދު އަލް ނަހްޔާން ޔޫއޭއީގެ ކުރިއެރުމާއި ތަރައްޤީއަށް ކުރެއްވެވި ޚިދުމަތްތަކުގެ ޒިކުރާ ދެމިހުންނާނޭކަން އެމަނިކުފާނުގެ މެސެޖުގައި ވަނީ ފާހަގަކުރައްވާފައެވެ.

ޝައިހް ޠަޙްނޫން ބިން މުހައްމަދު އަލް ނަހްޔާން އަވަހާރަވުމާއި ގުޅިގެން ޔޫއޭއީގެ ރައީސް، ޝައިޚް މުޙައްމަދު ބިން ޒައިދު ބިން އަލްނަހްޔާން ވަނީ ޔޫއޭއީގައި ޤައުމީ ހިތާމައިގެ 7 ދުވަސް އިޢުލާނު ކުރައްވާފައެވެ.