Advertisement

ދިވެހި ސިފައިން ދުއްވާ ޑްރޯނެއް ---

25 Mar 2024
ޚަބަރު
ޢަލީ ސުލައިމާން

ބޭރު ސިފައިން ރާއްޖޭގައި ތިބޭ ގޮތަކަށް އެއްވެސް ސިޔާސަތެއް ނުގެންގުޅޭނަން: ރައީސުލްޖުމްހޫރިއްޔާ

ރާއްޖޭގައި ބޭރުގެ ސިފައިން ތިބޭނެ ގޮތަކަށް މިސަރުކާރުން އެއްވެސް ސިޔާސަތެއް ނުގެންގުޅުއްވާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސްގެ ޖަވާބުގެ ނަމުގައި ގެނެސްދެމުުންދާ ސިލްސިލާގެ ތެރެއިން، މިސަރުކާރުން ރާއްޖެއަށް ގެނެސްފައިވާ ޑްރޯންތައް އޮޕަރޭޓް ކުރުމާއި ގުޅޭ ގޮތުން އާއްމު މީހަކު ކޮށްފައިވާ ސުވާލަށް ޖަވާބު ދެއްވަމުން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވީ، ސިފައިންގެ އެއާކޯ ސަރވިސްގައި ވެސް، އަދި އެޚިދުމަތުގެ ދަށުން ދުއްވަން ފެށި، ޔޫއޭވީތައް ދުއްވުމުގައިވެސް ބޭރުގެ ސިފައިން ނުތިބޭނެ ކަމަށެވެ.  އަދި ޑްރޯންތައް އޮޕަރޭޓް ކުރުމަށްވެސް ދިވެހި ސިފައިން ތަމްރީންކޮށްފައި ވަނީ، ދިވެހި ސިފައިން ތުރުކީއަށް ފޮނުވައިގެން ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ ޔޫއޭވީތައް ދުއްވާނީ ދިވެހި ސިފައިން ކަމަށާއި، ކުރިޔަށް އޮތްތަނުގައި އިތުރު ސިފަން ތަމްރީން ހޯދުމަށް ފޮނުވާނެ ކަމަށާއި މިހާރުވެސް ޓްރޭނިންގައި ދިވެހި ސިފައި ތުރުކީގައި އެބަތިބި ކަމަށެވެ. 

ރޭ ހުޅުމާލޭގައި ބޭއްވި ކެމްޕޭން ޖަލްސާއެއްގައިވެސް ރައީސުލްޖުމްހޫރިއްޔާ ވަނީ، ރާއްޖޭގައި ތިބި އިންޑިއާ ސިފައިން ރާއްޖެއިން ފޮނުވާލުމުގައި ކާމިޔާބީތައް ހޯދިފައިވާ ކަމުގައި ވިދާޅުވެފައެވެ. އެމަނިކުފާނުގެ ރިޔާސީ ވަޢުދެއްގެ ގޮތުގައި ހިމެނޭ އެންމެ މުހިއްމު ވަޢުދަކީ ރާއްޖޭގައި ތިބި ކަމަށް ބުނާ އިންޑިއާ ސިފައިން ރާއްޖެއިން ފޮނުވާލުމެވެ. އެކަމުގައި މިހާރު ދެޤައުމުން އެބަސްވެފައި ވަނީ، ރާއްޖޭގައި ތިބި އިންޑިއާ ސިފައިން އަނބުރާ ގެންގޮސް، އެމީހުންގެ ބަދަލުގައި، އެމީހުން ކުރި މަސައްކަތްތައް ކުރުމަށް އިންޑިއާގެ މަދަނީން ބޭތިއްބުމަށެެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.