ވަޒީފާ އާއި ބެހޭ ޓްރައިބިއުނަލްގެ ރައީސާ ނައިބު ރައިސް ހިމެނޭ ގޮތުން އެ ޓްރައިބިއުނަލަށް 5 މެމްބަރުން ޢައްޔަނު ކުރައްވައި އެބޭފުޅުންނަށް މަޤާމުގެ ލިޔުން މިއަދު ހަވާލުކޮށްދެއްވައިފިއެވެ.

މިރަސްމިއްޔާތު ބާއްވާފައި ވަނީ މިއަދު މެންދުރު ކުރީގައި ރައީސުލްޖުމްހޫރިއްޔާގެ އޮފީހުގައެވެ.

ވަޒީފާ އާއި ބެހޭ ޓްރައިބިއުނަލްއަށް ޢައްޔަނު ކުރައްވާފައި ވަނީ، 

1- އަލްއުސްތާޛު އިސްޙާޤު ޙުސައިން / ގްލޯރީގެ، ދަޑިމަގު، ޏ.ފުވައްމުލައް. (ޓްރައިބިއުނަލްގެ ރައީސް)

2- އަލްއުސްތާޛާ ފާޠިމަތު މަހީރާ މުޙައްމަދު / ހިޔާވަހި، ޅ. ހިންނަވަރު (ޓްރައިބިއުނަލްގެ ނައިބު ރައީސް)

3- އަލްއުސްތާޛާ ޝަހީމާ ސަލީމް /  ހިޔާ 04-21-8، ހުޅުމާލެ 

4- އަލްއުސްތާޛާ އިޝާރާ ޢަބްދުލްޢަޒީޒު / ފެހިކުރި ، ގއ. ގެމަނަފުށި

5- އަލްއުސްތާޛާ ސައުސަން ޢަލީ / ދަފްތަރު ނަންބަރު ދރ 265

ވަޒީފާއާބެހޭ ޓްރައިބިއުނަލްގެ މެންބަރުކަމުގެ ހުވައިލާދެއްވީ، ސުޕްރީމް ކޯޓުގެ ފަނޑިޔާރު އޮނަރަބަލް އަލްއުސްތާޛު ޢަލީ ރަޝީދު ޙުސައިނެވެ. އަދި ހުވައިކުރުމަށްފަހުގައި އެމެމްބަރުންނަށް މަޤާމުގެ ލިޔުން ހަވާލުކޮށްދެއްވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.