މިރަސްމިއްޔާތުގައި އެމްޕީއެލްގެ ސީއީއޯ ޝާހިދު ޢަލީ ވިދާޅުވީ، ކުންފުނި ރީބްރޭންޑްކޮށް ލޯގޯއާ ކުލަޔަށް ގެނެވުނު ބަދަލަކީ، ކުންފުނީގެ ޚިދުމަތްތައް ޒަމާނީކުރުމަށް ކުރެވެމުން އަންނަ މަސައްކަތްތަކުގެ ތެރޭގައި ހިމެނިގެން ގެނެވުނު ބަދަލެއްކަން އޭނާ ފާހަގަކުރައްވިއެވެ.  އަދި ޒަމާނީ ކޯޕަރޭޓް މާޙައުލެއްގައި، ޕޯޓްގެ ޚިދުމަތް ފުޅާކުރުމުގެ ޕްލޭންތަކާއިއެކު މަސައްކަތް ކުރާއިރު ކުންފުނީގެ ބްރޭންޑް އިމޭޖްވެސް ޒަމާނީ ވާންޖެހޭކަމުގައި ޝާހިދު ވިދާޅުވިއެވެ. މީގެ އިތުރުން ކުންފުނީގެ ތަރައްޤީއަށް ގިނަ މަސައްކަތްތަކެއް ކުރެވި ކުރިއެރުންތައް ހޯދިފައިވާކަންވެސް ޝާހިދު ވަނީ ފާހަގަކުރައްވާފައެވެ.

ރާއްޖެއަށް މަކިޓާ ތައާރަފްކުރިތާ 25 އަހަރު ފުރުމާއި މަކިޓާ ޝޯރޫމަށް އެއް އަހަރު ފުރުން ފާހަގަކުރުމަށް މަކިޓާގެ އުފެއްދުންތަކުގެ ޚާއްސަ ޕްރޮމޯޝަނެއް އެސްޓީއޯއިން ފަށައިފިއެވެ. ޖޫން މަހުގެ 21 ން ޖުލައި 31 ގެ ނިޔަލަށް ކުރިޔަށްގެންދާ މި ޕްރޮމޯޝަން ފައްޓަވައިދެއްވީ އެސްޓީއޯގެ މެނޭޖިންގ ޑިރެކްޓަރ އަބްދުﷲ ސައީދުއެވެ.

ސައުދީ އަރަބިއާގެ އެއާލައިން އަދި މެދުއިރުމަތީގެ އެންމެ އަގުހެޔޮ އެއާލައިން ފްލައިނާސް އިން ރާއްޖެއަށް ސީދާ ދަތުރުތައް ފަށައިފިއެވެ. އެ އެއާލައިންގެ ފުރަތަމަ ފްލައިޓް މިއަދު ހެނދުނު 8:00 ގައި ވެލާނާ އިންޓަނޭޝަނަލް އެއާޕޯޓަށް ޖައްސާފައިވާއިރު، އެ އެއާލައިނަށް މަރުހަބާ ކިޔުމުގެ ގޮތުން ވޯޓަރ ސެލިއުޓް އެއް ވަނީ ދީފައެވެ.

އެލައިޑް އިންޝުއަރަންސް ކުންފުނީގެ އިޖްތިމާއީ ޒިންމާ "ޕްރިމިއަމް ފޯ ގުޑް" ގެ ދަށުން ތައާރަފުކޮށްފައިވާ؛ ކޮމިއުނިޓީ ފަންޑް އަދި އެޑިއުކޭޝަން ފަންޑަށް ޝައުގުވެރިވާ ފަރާތްތަކުން ފޯމު ހުށައެޅުމަށް ހުޅުވާލައިފިއެވެ. "އެލައިޑް ކޮމިއުނިޓީ ފަންޑް" އަކީ 6 ދާއިރާއެއް ހިމެނޭގޮތަށް މުޖުތަމައުއަށް މަންފާ ކުރުވަނިވި ހިޔާލުތައް ހަގީގަތަކަށް ހެދުމުގެ ބާރުވެރިކަން އަތޮޅު ތެރޭގައި ހަރަކާތްތެރިވާ ޖަމިއްޔާތަކަށް ލިބިދޭ ފަންޑިންގ ޕްރޮގްރާމެކެވެ.

މި މަޝްރޫޢު ހަވާލުކުރުމަށް މިއަދު ބޭއްވި ރަސްމިއްޔާތުގައ،ި އެމްޓީސީސީގެ ފަރާތުން ސޮއިކުރެއްވީ ޗީފް އޮޕްރޭޓިންގ އޮފިސަރ ޝާހިދު ޙުސައިން މޫސާއެވ.ެ އަދި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވ،ީ ޑިރެކްޓަރ ޖެނެރަލ،ް އަލްފާޟިލާ ފާތުމަތު ޝާނާ ފާރޫޤެވެ.

އަމީރު ވިދާޅުވީ، މި ފަސް އަހަރުގެ ތެރޭގައި މިފްކޯގެ މަސް ގަތުމުގެ ކެޕޭސިޓީ އިތުރުވީ އޭގެ ކުރީގެ ހުރިހާ އަހަރުތަކުގައި ކެޕޭސިޓީ އުފެއްދުނު މިންވަރާ ނުބައްދަލު މިންވަރަކަށް ކަމަށެވެ. އަދި 2018ވަނަ އަހަރު ނިމުނުއިރު ހުރި ކެޕޭސިޓީއާ އަޅާބަލާއިރު، މިހާރު ގާތްގަނޑަކަށް 241 ޕަސެންޓް ކެޕޭސިޓީއަށް އިތުރުކުރެވިފައިވާކަން އަމީރު ފާހަގަކުރެއްވިއެވެ. 2018 ވަނަ އަހަރު ނިމުނުއިރު މިފްކޯގެ އުޅަނދުތަކުގައި މަސް ގަނޑުކުރެވޭ ކެޕޭސިޓީއަކީ 80 މެޓްރިކް ޓަނެވެ. އިއްޔެ ޚިދުމަތަށް ނެރުނު ޖަޒީރާ 3 އާއިއެކު މިފްކޯގެ އުޅަނދުތަކުގައި މަސް ގަނޑުކުރެވޭ ކެޕޭސިޓީވަނީ 290 މެޓްރިކްޓަނަށް މަތިކުރެވިފައެވެ. އަދި އަލަށް ގެނައުމަށް ހަމަޖެހިފައިވާ ތިން ބޯޓު ގެނެވުމާއި އެކު އެއަދަދު 500 މެޓްރިކްޓަނަށް މަތިވާނެކަންވެސް ފިނޭންސް މިނިސްޓަރ އަމީރުގެ ވާހަކަފުޅުގައި ފާހަގަކުރެއްވިއެވެ.

އެކުންފުނިން ބުނީ، ތިން އަހަރުގެ މުއްދަތަކަށް ޕާކިން ޒޯޯނުން ޖާގައެއް ކުއްޔަށް ހިފުމަށް ބީލަން ފެށޭ އަގަކީ، 1500ރ ކަމަށެވެ. މިގޮތުން ބީލަން ހުށަހަޅާ ފަރާތުގެ ކިބައިގައި ހުންނަންޖެހޭ މައިގަނޑު ޝަރުތުތަކަކީ، އުމުރުން 18 އަހަރު ފުރިފައިވާ ދިވެހި ރައްޔިތެއް ކަމުގައި ވުމާއި، ޕާކު ކުރަން ހުށައަޅާ އުޅަނދަކީ ބީލަން ހުށަހަޅާ ފަރާތުގެ ނަމުގައި ގްރޭޓަރ މާލޭ ސަރަހައްދުގައި ދުއްވުމަށް ރަޖިސްޓްރީ ކުރެވިފައިވާ އުޅަދަކަށްވުމެވެ. މީގެ އިތުރުން މީގެ ކުރިން ހުޅުމާލެއިން ޕާކިން ޖާގައެއް ލިބިފައިވާ ފަރާތަކަށް ނުވުންވެސް ޝަރުޠުތަކުގެ ތެރޭގައި ހިމެނެއެވެ.

ތަފާސް ހިސާބުތަކުން ދައްކާގޮތުގައި މިއަހަރުގެ މެއި މަހުގެ 5 ވަނަ ދުވަހުގެ ނިޔަލަށް ރާއްޖެއަށް ޒިޔާރަތްކުރި، އަދަދު ވަނީ 710645އަށް އަރާފައެވެ. އެއީ ހުސްވިއަހަރާއި އަޅާ ބަލާއިރު %17.5 އިތުރުއަދަދެކެވެ. އަދި ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރި 2019 ވަނަ އަހަރުގެ މިމުއްދަތުގައި ރާއްޖެއަށް ޒިޔާރަތްކުރި ފަތުރުވެރިންނަށްވުރެ މިއަހަރު ޒިޔާރަތްކުރި ފަތުރުވެރިންގެ އަދަދު އިތުރެވެ. މިއަހަރު ރާއްޖެއަށް އެންމެ ގިނަ ފަތުރުވެރިން އައިސްފައި ވަނީ، ރަޝިޔާއިންނާއި އިންޑިއާއިންނާއި ވިލާތުގެ ތިންޤައުމަކުންނެވެ. ފާއިތުވި ހަތަރު މަސްދުވަހުގެ ތެރޭގައި ރަޝިޔާއިން އެކަނިވެސް ރާއްޖެއަށް ލައްކައަކާއި ގާތްކުރާ އަދަދަށް ވަނީ ފަތުރުވެރިން އައިސްފައެވެ.

އެޕްރީލް މަހުގެ ކަރަންޓު ބިލު ލިބުނު އިރު, ކުރީ މަސްތަކަށް ވުރެއް ބިލު ބޮޑުވެފައި ވުމުން ގިނަ ބަޔަކަށް ހާސްކަން ލިބުނެވެ. އަދި ބިލު ހިސާބު ކޮށްފައިވާ ގޮތާއިމެދު ބައެއް ފަރާތްތަކުން ސުވާލު ވެސް އުފެއްދިއެވެ. ނަމަވެސް ބިލް ހިސާބު ކޮށްފައިވާ ގޮތް އަމިއްލައަށް ބަލާލެވޭނެ މަގު ތަނަވަސްވެފައި ވުމީ, މި ޝައްކުތަކާއި ވަހުމްތައް ހިތުން ފިލުވާލަން ފަހި ވެފައިވާ ފުރުސަތެކެވެ.

ބޭންކް އޮފް މޯލްޑިވްސްގެ ޔޫ. އެސް. ޑޮލަރ އޭ. ޓީ. އެމް. ތައް މާފަންނު ސްޓަރ ކްލައުޑްސް އަށް ބަދަލުކޮށްފިއެވެ. އެ ބޭންކުން ހާމަ ކޮށްފައިވާ ގޮތުގައި މި ބަދަލު ގެނައީ 2023 އެޕްރީލް 29 ވަނަ ދުވަހުން ފެށިގެންނެވެ.

ޕްލާސްޓިކް ކޮތަޅުން ފީނަގަން ފެށުމާއި އެކު ކޮތަޅު އަގުބޮޑުވުމުގެ ޝަކުވާތައް އާއްމުން ވަނީ ކޮށްފައެވެ. އެކަމަށް ހައްލެއް ހޯދައިދިނުމުގެ ގޮތުން ކުނި އެޅުމަށް ބޭނުންވާ ކޮތަޅު ވެމްކޯއިން ފޯރުކޮށްދޭނެކަން އެކުންފުނިން ވަނީ މިހަފްތާގައި ހާމަކޮށްފައެވެ. އަދި އެކުންފުނިން ވަނީ މިއަންނަ ބްރާސްފަތި ދުވަހުން ފެށިގެން އެކުންފުނީގެ ޓްރާންސްފަރ ސްޓޭޝަންތަކުން ތިން ސައިޒެއްގެ ކޮތަޅު ވިއްކަން ފަށާނެ ކަން ހާމަކޮށްފައެވެ. އަދި އާއްމުންނަށް ހޯލް ސޭލްކޮށާއި ރީޓެއިލްކޮށް ކޮތަޅު ވިއްކަން ބޭނުންވާ ފަރާތްތަކަށް އެކަމަށް އެދި ހުށައެޅުމަށްވެސް ވެމްކޯއިން މިހާރު ވަނީ ފުރުޞަތު ހުޅުވާލާފައެވެ.