މި އަހަރުގެ ލިވިން އެކްސްޕޯގައި އެލައިޑް އިސްލާމިކް ވިންޑޯ އަޔާދީ ތަކަފުލް އިން ފޯރުކޮށްދޭ "ހިޔާވަހި ހޯމް ކޮންޓެންޓްސް ޕްރޮޓެކްޝަން" ޕްލޭންތަކުގެ މައުލޫމާތު އާންމުންނަށް ފޯރުކޮށްދީފިއެވެ. 

"ހޯމް ކޮންޓެންޓްސް ޕްރޮޓެކްޝަން" އަކީ ގޭތެރޭ އަލިފާނުގެ ހާދިސާ އަކުން ނުވަތަ ގުދުރަތީ ހާދިސާއެއްގެ ސަބަބުން ހިފާ ގެންގުޅޭ ސާމާނާއި ގޭތެރޭގެ ފަރުނީޗަރު އަދި އިލެކްޓްރިކް މުދަލަށް ލިބިދާނެ ގެއްލުންތަކަށް ބަދަލު ލިބޭ އިންޝުއަރެންސް އެކެވެ. 

މީގެއިތުރުންވެސް އެލައިޑުން ފޯރުކޮށްދޭ ހުރިހާ ހިދުމަތަކާއި ބެހޭ މައުލޫމާތުވެސް ލިވިން އެކްސްޕޯގެ ތެރެއިން ވަނީ އެކްސްޕޯއަށް ޒިޔާރަތްކުރި މީހުންނަށް ދީފައެވެ. އެލައިޑްގެ މި ޕްލޭންތައް އެ ކުންފުނީގެ ވެބްސައިޓުން ފަސޭހަކަމާއިއެކު ނަގާލެވޭނެއެވެ. 

Advertisement

އެލައިޑްގެ މުވައްޒަފުން މަޢުލޫމާތު ދެނީ، ފޮޓޯ: ނޫން

ލިވިން އެކްސްޕޯއަށް ޒިޔާރަތްކޮށް އެލައިޑުގެ މޯބައިލް އެޕް ޑައުންލޯޑު ކުރި ފަރާތްތަކުގެ މެދުގައި ވަރަށް ހާއްސަ ލަކީ ޑްރޯއެއްވެސް ވަނީ ކުރިއަށްގެންގޮސްފައެވެ. އެގޮތުން ލަކީ ޑްރޯއިން ހޮވުން ފަރާތްތަކަށް އެލައިޑުގެ ފަރާތުން އަލިފާން ނިވިއެއް ނުވަތަ އަލިފާނުގެ ހާދިސާގައި ބޭނުންކުރެވޭނެ ރަޖައެއް ވަނީ ހަދިޔާކޮށްފައެވެ.

މި އަހަރުގެ ލިވިން އެކްސްޕޯ ކުރިއަށްގޮސްފައިވަނީ މިމަހުގެ 10 އަކުން 12 އަށް ހުޅުމާލެ ސެންޓްރަލް ޕާކުގައެވެ.