ހޫތީ ހަނގުރާމަވެރިން ވަނީ، މީގެ ކުރިންވެސް އިޒްރޭލަށް އަމާޒްކޮށް ބެލެސްޓިކް މިސައިލެއް ފޮނުވާލާފައެވެ. އެހެން ނަމަވެސް ސަޢޫދީ އަރަބިއްޔާގެ މަތިން އެ މިސައިލް ދަތުރުކުރަނިކޮށް، އެމެރިކާގެ މިސައިލުން ދިފާއުވާ ނިޒާމްތައް ބޭނުންކޮށްގެން އެ މިސައިލް ވަނީ ވައިގެ ތެރޭގައި ގޮއްވާލާފައެވެ.

މި ހަމަލާތައް ބަދަލުކޮށްފައިވަނީ، ޣައްޒާގެ އުތުރުގެ އަވަށެއް ކަމުގައިވާ ބައިތު ހަނޫންގައެވެ. ހަމާސްއިން ބުނެފައިވަނީ، ޣައްޒާގެ އުތުރުން ވަދެގަތް އިޒްރޭލު ސިފައިންނަށާއި ޓޭންކަރުތަކަށް އަދި އަސްކަރީ އުޅަނދުތަކަށް މުޖާހިދުން ހަމަލާދީފައިވާ ކަމަށެވެ.

ޣައްޒާގެ ޖަބަލިއާ ރެފިއުޖީކޭންޕަށް އިޒްރާއީލުގެ ހައްދުފަހަނަ އެޅި ސިފައިން ވަނީ 6 މިސައިލުން ހަމަލާދީފައެވެ. އެއިން ކޮންމެ މިސައިލެއްގައި އެއްޓަނުގެ ގޮވާތަކެތި ހުރި އިރު، އެކޭމްޕްގައި ވަނީ، ބޮޑެތި ފުން ވަޅުގަނޑުތައް ހެދިފައެވެ.

މަތިވެރި އަކީ ފުޅާ ދާއިރާއެއްގައި ލޯކަލް ޓޫރިޒަމްގެ ވިޔަފާރި ކުރާ ރަށެކެވެ. ކައުންސިލުން ފާސްކުރި ގަރާރުގައި ވަނީ އެރަށުގައި ފަތުރުވެރިކަމުގެ ވިޔަފާރި ކުރާ ފަރާތަތަކުން ވެސް އިޒްރޭލަށް ނިސްބަތްވާ މީހުން އެރަށަށް ނުގެންދިއުމަށް އެދިފައެވެ. އަދި, އެރަށަށް އިޒްރޭލުގެ ޕާސްޕޯޓު އޮންނަ އެއްވެސް މީހަކަށް ނޭރޭ ގޮތަށް ހަދައިދިނުމަށް ދައުލަތުގެ ކަމާބެހޭ އިދާރާތަކަށް ވެސް މަތިވެރި ރައްޔިތުންގެ ނަމުގައި އެރަށު ކައުންސިލުން ވަނީ ގޮވާލައިފައެވެ.

ހަމާސްއިން އާންމުކޮށްފައިވާ ވީޑިއޯއެއްގައި އަސީރުން ބަދަލުކުރުމަށް ޑިމާންޑްކޮށް، އަދި އިސްރާއީލު ސަރުކާރުން އެ ގައުމުގެ މީހުން ރައްކާތެރި ކުރުމުގެ މަސައްކަތް ނުކުރާތީ އެކަމަށް ފާޑުކިޔާފައިވޭ. އިސްރާއީލުން މި ވީޑިއޯއާ ގުޅިގެން ބުނަނީ އެއީ ހަމާސްގެ "ސައިކޮލޮޖިކަލް ޕްރޮޕެގެންޑާ" އެއް ކަަމަށް.

ޔަހޫދީންގެ ކައްފާރާ ދުވަހާއި ދިމާކޮށް، ހިފާފައިވާ ފަލަސްޠީނުގެ ބިމުގައި އިޒްްރާއީލުން ބޭއްވި ނޯވާ މިޔުޒިކް ފެސްޓިވަލްގެ ތެރެއިން ހަމާސްއިން އަސީރުންގެ ގޮތުގައި ޣައްޒާއަށް ގެންދިޔަ މީހުންގެ ތެރޭގައި، ޝާނީ ހިމެނޭކަމަށް އިޒްރޭލުން ކުރިން ބުނެފައިއެވެ. އަދި އޮރިހާން ހާލުގައި ޕިކަޕަކަށްލައިގެން ގެންދަނިކޮށް ފެނުނީ، ޝާނީގެ ހަށިގަނޑުކަމަށްވެސް ހަމަލާގެ ކުރީކޮޅު އިޒްރޭލުން ބުނެފައިވެއެވެ.

ބެއިތު ހަނޫންއަށް ވަންނަ ހިސާބުގައި އިސްރާއީލާއި ހަމާސްއާ ދެމެދު ކުރިމަތިލުންތަކެއް ހިނގާފައިވޭ. ހަމާސްއިން ބުނަނީ މި ކުރިމަތިލުންތަކުގައި އިސްރާއީލުގެ ބައެއް ސިފައިން މަރާލާފައިވާ ކަމަށް، ނަމަވެސް އިސްރާއީލުން ހަމައެކަނި ބުނެފައިވަނީ އޮފިސަރަކާއި ސިފައިންގެ މީހަކަށް އަނިޔާވެފައިވާ ކަމަށް.

ތުރުކިއާއެކު ޤާއިމްކޮށްފައިވާ ހުރިހާ ގުޅުމެއް ކަނޑާލިކަން އިޒްރޭލުން އިއްޔެ ހާމަކޮށްފައި ވަނީ އިޒްރޭލުން ޣައްޒާގެ އާއްމު ރައްޔިތުންނާއި ދެކޮޅަށް ހިންގަމުންދާ ޤަތުލްއާއްމުތަކާއި ގުޅިގެން ތުރުކިޔޭގެ ރައްޔިތުން އިސްތަންބުލްގައި އިޒްރޭލާއި ދެކޮޅަށް ވަރުގަދަ މުޒާހަރާތަކެއް ފަށާފައި ވަނިކޮށެވެ. ރުޅިއަރައިގެންފައިވާ އާއްމުން ވަނީ އިސްތަންބުލްގައި ހުންނަ އިޒްރޭލުގެ ކޮންސިއުލޭޓަށް ދެފަހަރެއްގެ މަތިން ހަމަލާދީފައެވެ.

ހަމާސްގެ ޖަލުތަކުގައި ތިބި އިސްރާއީލުގެ ގައިދީން ބަދަލުކުރުމަށް ހަމާސްއިން ތައްޔާރަށް އޮތް ކަމަށް، ޣައްޒާގައި ހުންނަ ހަމާސްގެ ލީޑަރު ޔަހްޔާ ސިންވާރު ބުނެފި. މި ބުނުމާ ގުޅިގެން ފަލަސްތީނުގެ ގައިދީންނަށް އަސީރުން ބަދަލުކުރުމުގެ އެއްބަސްވުމެއްގެ ޚިޔާލު އިސްރާއީލުގެ ހަނގުރާމައިގެ ކެބިނެޓްގެ ތެރޭގައި ދެކެވުނު ނަމަވެސް އެކަމާ މެދު އެއްވެސް ނިންމުމެއް ނިންމާފައި ނުވާ ކަމަށް އިސްރާއީލުގެ ލީޑަރަކު ހާމަކުރޭ.

ޣައްޒާގެ އިންޓަނެޓާއި މުވާސަލާތީ ގުޅުންތައް މިހާރު މުޅިންހެން މެދުކެނޑުމަކަށް އައިސްފައިވާއިރު، ޣައްޒާއާއި މުޅި ދުނިޔެއާ މިވަނީ ގުޅުން ކެނޑިފައި. އަދި އ.ދ. ހިމެނޭހެން ޣައްޒާގައި ހަރަކާތްތެރިވަމުން އަންނަ ބައިނަލްއަގްވާމީ އެހީދޭ ޖަމްއިއްޔާތަކުން ބުނަމުން އަންނަނީ، ޣައްޒާގައި ތިބި އެމީހުންގެ ޓީމުތަކާ ވެސް އެއްކޮށް ގުޅުންކެނޑިފައިވާކަމަށް.

އަލްޖަޒީރާއާއި ގާޒާޓައިމްސްއިން ރިޕޯޓްކޮށްފައިވާ ގޮތުގައި އުތުރު ގާޒާއިން މުވާސަލާތީ ހުރިހާ ޚިދުމަތެއް ވަނީ ކަނޑާލާފައެވެ. އަދި ކަރަންޓާއި ފެންކަނޑާލިތާވެސް އެތައް ދުވަހެއް ވެފައި ވާއިރު، އުތުރު ޣައްޒާ އޮތީ އެއްވެސް ޚަބަރެއް ނުލިބޭ ހާލަތުގައި ކަޅު އަނދިރިކަމުގައި ކަމަށްވެސް މައުލޫމާތު ލިބެއެވެ.

ފަލަސްޠީނުގެ މިނިވަންކަމަށް ޖިހާދުކުރަމުން އަންނަ މުޖާހިދުންގެ ޖަމާޢަތް ހަމާސްއިން ބުނެފައި ވަނީ، އިޒްރޭލުން ދެމުން އަންނަ ހަމަލާތަކުގައި، ޣައްޒާގެ އެކި ސަރަހައްދުތަކުގައި ބަންދުކޮށްފައިވާ، އިޒްރޭލު މީހުންގެ ތެރެއިން މިހާތަނަށް 50 ވުރެ ގިނަ މީހުން އިޒްރޭލުގެ ހަމަލާތަކުގައި މަރުވެފައިވާ ކަމަށެވެ. އަދި މަރުވި މީހުން ދެނެގަތުމުގެ މަސައްކަތްތައް ކުރަމުންދާކަމުގައިވެސް ހަމާސްއިން ވަނީ ބުނެފައެވެ.

މި 8 މީހުންގެ މައްޗަށް މަރުގެ އަދަބު ކަނޑައަޅާފައި ވަނީ އެމީހުންގެ މައްޗަށް ހިންގުނު ޝަރީޢަތްތަކަށްފަހުގައި، އެމީހުން މެރުމަށް ޙުކުމްކޮށްފައި ވަނީ އިއްޔެއެވެ. އިޒްރޭލަށް އެމީހުން ޖާސޫސްކޮށްދީފައި ވަނީ، ޤަތަރުގެ އަސްކަރީ މަޢުލޫމާތެކެވެ. މިގޮތުން އިޓަލީން ޤަތަރަށް ފޯރުކޮށްދީފައިވާ އަސްކަރީ ސަބްމެރިނަކާއި ގުޅޭ މައުލޫމާތުތައް ވަގަށް ނަގައި އެމައުލޫމާތު ވަނީ މޮސާޑަށް ފޯރުކޮށްދީފައެވެ.

ޣައްޒާއަށް ތެލާއި ސިއްހީ ހިދުމަތް ފޯރުކޮށްދިނުމަށްޓަކައި ވަގުތުން ހަނގުރާމަ ހުއްޓާލުމަށް ދުނިޔޭގެ ސިއްހަތު ޖަމިއްޔާއިން ވަނީ ގޮވާލާފައި. އެ ޖަމްއިއްޔާއިން ބުނީ އެހެން ނޫންނަމަ ޣައްޒާގެ އެތައް ހާސް ބަލިމީހުންނެއްގެ ފުރާނައަސް ނުރައްކާ ކުރިމަތިވާނެކަމަށް.

އިސްރާއީލުން މެދުނުކެނޑި ޣައްޒާއަށް ވައިގެ މަގުން ހަމަލާތައް ދެމުން ދާއިރު، ގިނަ އަދަދެއްގެ މީހުން ބޯހިޔާވަހިކަން ހޯދައިގެން ތިބި އަލް-ޝަޓި ރެފިއުޖީ ކޭމްޕަށް އިއްޔެ ވަނީ ހަމަލާދީފައި. ފަލަސްތީނުގެ ހެލްތް މިނިސްޓްރީއިން ހާމަކޮށްފައިވާ ގޮތުގައި، މި ހަމަލާތަކުގައި ގިނަ އަދަދެއްގެ ބަޔަކު މަރުވެފައިވާއިރު، އޭގެ ތެރޭގައި ގިނައީ އަންހެނުންނާ ކުޑަކުދިން.

ހަމާސްއިން ނެރުނު ބަޔާނުގައި ބުނެފައި ވަނީ، މިސްރާއި ޤަޠަރު މެދުވެރިއެއްގެ ގޮތުގައި ކުރެވުނު މަޝްވަރާތަކަށް ފަހުގައި، އަސީރުންގެ ތެރެއިން ދެމީހުން ދޫކޮށްލުމަށް ނިންމީ، އިންސާނީ ސަބަބުތަކަށްޓަކައި، އަދި ހައްދު ފަހަނަ އެޅި އިޒްރޭލުން ހިންގާ ހަނގުރާމައިގެ ކުށްތަކާއި އެކުގައި ކަމަށެވެ. ހަމާސްގެ ބެލުމުގެ ދަށުގައިވާ އަސީރުންގެ ތެރެއިން މިިނިވަންކޮށްފައި ވަނީ، ނޫރިތް ޔިޓްޒަކް ނަމަަކަށް ކިޔާ މީހަކާއި، ޔޯޝުވެދް ނަމަކަށް ކިޔާ މީހެކެވެ. އެމީހުންނަކީ ކޮން ޤައުމެއްގެ ރައްޔިތުންނެއް ކަމެއް އަދި ހާމަކަކޮށްފައެއް ނުވެއެވެ.