މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 18 ވަނަ ދުވަސް، 24 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 އިސްރާއީލުން ފަލަސްތީނުގެ ރެޑް ކްރެސެންޓްގެ މައި މަރުކަޒާއި، ޚާން ޔޫނިސްގެ އަލް އަމާލް ހޮސްޕިޓަލުގެ ވަށައިގެން ބޮން ގޮއްވާފައިވާކަމަށް ފަލަސްތީނުގެ ސިއްހީ ޖަމިއްޔާއިން ހާމަކޮށްފައިވޭ.

🔴 ރަފާހް ހުރަސްކޮށް، އިތުރު 8 ޓްރަކުގެ އެހީ ޣައްޒާއަށް ފޯރުކޮށްދީފައިވާކަމަށް ފަލަސްތީނުގެ ރެޑް ކްރެސެންޓުން ހާމަކޮށްފައިވޭ.

Advertisement

🔴 ފާއިތުވި 24 ގަޑިއިރަކީ، އޮކްޓޯބަރ 7 ގައި ހަމަލާތައް ބަދަލުކުރަން ފެށިފަހުން ފަލަސްތީނުގެ އެންމެ ގިނަ މީހުން މަރާލާފައިވާ ދުވަސް. އިއްޔެ އެކަނިވެސް 700 އަށް ވުރެ ގިނަ މީހުން މަރާލާފައިވޭ. 

🔴 ޣައްޒާއަށް ތެލާއި ސިއްހީ ހިދުމަތް ފޯރުކޮށްދިނުމަށްޓަކައި ވަގުތުން ހަނގުރާމަ ހުއްޓާލުމަށް ދުނިޔޭގެ ސިއްހަތު ޖަމިއްޔާއިން ވަނީ ގޮވާލާފައި. އެ ޖަމްއިއްޔާއިން ބުނީ އެހެން ނޫންނަމަ ޣައްޒާގެ އެތައް ހާސް ބަލިމީހުންނެއްގެ ފުރާނައަސް ނުރައްކާ ކުރިމަތިވާނެކަމަށް.

🔴 ދުނިޔޭގެ ލީޑަރުން ބައިވެރިވެ ބޭއްވި އ.ދ. ގެ ސެކިއުރިޓީ ކައުންސިލް ބައްދަލުވުމުގައި އުރުދުންއާއި މިސްރު ހިމެނޭހެން ހަނގުރާމަ މަޑުޖައްސާލުމަށް ގޮވާލައިފި.

🔴 އިސްރާއީލުގެ ޓެލް އަވީވްގައި ވާހަކަ ދައްކަމުން ފަރަންސޭސިވިލާތުގެ ރައީސް ބުނެފައިވަނީ، ހުޅަނގުގެ ގައުމުތަކުން އެކުވެ އައި.އެސް.އައި.އެސް. އާ ކުރަމުންދާ ހަނގުރާމަ ފުޅާކޮށް ހަމާސްއަށް ހަމަލާދޭން ފެށުން ބުއްދިވެރިކަމަށް.