މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 22 ވަނަ ދުވަސް،28 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބުނާ ގޮތުގައި ހަމާސްގެ ފަރާތުން ހަނގުރާމައިގެ ނިޔަތެއް އޮތްކަމުގެ އިންޒާރު ދުވަހަކުވެސް އޭނާއަށް ދީފައި ނުވޭ. އޭނާ އިތުރަށް ބުނީ މިހާރު ޣައްޒާގައި ހިނގަމުންދާ ހަނގުރާމަ ދިގުލައިދާނެކަމަށާއި، ހަމާސްގެ ބެލުމުގެ ދަށުގައި ތިބި އަސީރުން އަނބުރާ ގެނައުމަށް ކުރެވެން ހުރި ހުރިހާ ކަމެއް ކުރާނެކަމަށް. އެގޮތުން އިސްރާއީލުގެ އަސްކަރައްިޔާއިން މިހާރު އޮތީ ހަނގުރާމައިގެ ދެވަނަ މަރުހަލާގައިކަމަށް ވެސް ފާހަގަ ކޮށްފައިވޭ.

🔴 ހަމާސްގެ ޖަލުތަކުގައި ތިބި އިސްރާއީލުގެ ގައިދީން ބަދަލުކުރުމަށް ހަމާސްއިން ތައްޔާރަށް އޮތް ކަމަށް، ޣައްޒާގައި ހުންނަ ހަމާސްގެ ލީޑަރު ޔަހްޔާ ސިންވާރު ބުނެފި. މި ބުނުމާ ގުޅިގެން ފަލަސްތީނުގެ ގައިދީންނަށް އަސީރުން ބަދަލުކުރުމުގެ އެއްބަސްވުމެއްގެ ޚިޔާލު އިސްރާއީލުގެ ހަނގުރާމައިގެ ކެބިނެޓްގެ ތެރޭގައި ދެކެވުނު ނަމަވެސް އެކަމާ މެދު އެއްވެސް ނިންމުމެއް ނިންމާފައި ނުވާ ކަމަށް އިސްރާއީލުގެ ލީޑަރަކު ހާމަކުރޭ.

Advertisement

🔴 ޣައްޒާގެ މުވާސަލާތީ ގުޅުމާއި ކަރަންޓް ކަނޑާލުމުގެ ފަހަތުގައި އިސްރާއީލުގެ އަތެއް އޮތްކަމަށް އެއްބަސްނުވެ، އެކަމާ އިސްރާއީލުގެ އަސްކަރީ ޗީފް ސްޕޯކްސްޕާސަން ވަނީ ދެކޮޅު ހަދާފަ.

🔴 ޣައްޒާގައި އެހީދޭ ޖަމާއަތްތަކާއި މުވާސަލާތުކުރުމަށް އެހީވެދޭ، އެލޮން މަސްކްގެ ސްޓާލިންކް ބޭނުންކުރުމާ ދެކޮޅަށް އިސްރާއީލުގެ ހުރިހާ ވަސީލަތްތަކެއްގެ އެހީގައި ހަނގުރާމަ ކުރާނެކަމަށް، އިސްރާއީލުގެ ކޮމިއުނިކޭޝަން މިނިސްޓަރު ބުނެފި.

🔴 އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުން ދެމުންގެންދާ ހަމަލާތަކުގައި މިހާތަނަށް ގާތްގަނޑަކަށް ފަލަސްތީނުގެ 7،703 މީހުން މަރުވެފައިވޭ.